Paralysis: పక్షవాతం లేదా అనేది ఒక వ్యక్తి తన శరీరంలోని ఒకటి లేదా అంతకంటే ఎక్కువ కండరాలను కదిలించే సామర్థ్యాన్ని కోల్పోయే స్థితి. ఇది కేవలం శారీరక చలనం ఆగిపోవడం మాత్రమే కాదు.. మన మెదడు , కండరాల మధ్య సమాచార వ్యవస్థ దెబ్బతిన్నదని చెప్పడానికి ఒక బలమైన సంకేతం. మన శరీరం ఒక సంక్లిష్టమైన యంత్రం అయితే.. మెదడు దాని కంట్రోల్ రూమ్. మెదడు నుంచి వచ్చే సంకేతాలు నరాల ద్వారా కండరాలకు చేరనప్పుడు పక్షవాతం వస్తుంది. ఇది ఒక్కసారిగా రావచ్చు లేదా క్రమంగా పెరుగుతూ శరీరంలోని వివిధ భాగాలను ప్రభావితం చేయవచ్చు. దీని వెనక ఉన్న కారణాలను అర్థం చేసుకోవడం ద్వారా సకాలంలో చికిత్స పొంది ప్రాణాపాయం నుంచి తప్పించుకోవచ్చు.
పక్షవాతం ఎందుకు వస్తుంది?
పక్షవాతం రావడానికి ప్రధానంగా మూడు రకాల కారణాలు ఉంటాయి.
స్ట్రోక్ (క్షీణించిన రక్త ప్రసరణ): మెదడుకు రక్త సరఫరా ఆగిపోయినప్పుడు లేదా మెదడులో రక్తనాళం పగిలినప్పుడు స్ట్రోక్ వస్తుంది. ఇది పక్షవాతానికి అత్యంత సాధారణ కారణం. మెదడులోని ఏ భాగం దెబ్బతింటుందో.. శరీరంలోని ఆ భాగానికి సంబంధించిన చలనం నిలిచిపోతుంది.
వెన్నెముక గాయాలు : ప్రమాదాల వల్ల వెన్నెముకకు గాయం అయితే.. మెదడు నుంచి వచ్చే సంకేతాలు కాళ్లు లేదా చేతులకు చేరవు. దీని వల్ల కింద భాగం మొత్తం పక్షవాతానికి గురయ్యే అవకాశం ఉంది.
నరాల వ్యాధులు: మల్టిపుల్ స్క్లెరోసిస్, అమెయోట్రోఫిక్ లాటరల్ స్క్లెరోసిస్, బెల్స్ పాల్సీ వంటి వ్యాధులు నరాల వ్యవస్థను బలహీన పరుస్తాయి.
ఇన్ఫెక్షన్లు: పోలియో వంటి వైరల్ ఇన్ఫెక్షన్లు లేదా గ్విలియన్-బారే సిండ్రోమ్ వంటి ఆటో ఇమ్యూన్ వ్యాధులు కూడా పక్షవాతానికి దారి తీసే ప్రమాదం కూడా ఉంటుంది.
మీ శరీరం మీకు ఇస్తున్న హెచ్చరిక సంకేతాలు:
పక్షవాతం వచ్చే ముందు శరీరం కొన్ని ముందస్తు సంకేతాలను ఇస్తుంది. వీటిని FAST పద్ధతిలో గుర్తించవచ్చు.
ముఖం: నవ్వినప్పుడు ముఖం ఒక వైపుకు వంగిపోవడం.
చేతులు: రెండు చేతులను పైకి ఎత్తమన్నప్పుడు ఒక చేయి కిందకు జారిపోవడం లేదా బలహీనంగా అనిపించడం.
మాట: మాట తడబడటం, స్పష్టంగా మాట్లాడలేకపోవడం.
సమయం: ఈ లక్షణాలు కనిపిస్తే ఆలస్యం చేయకుండా వెంటనే ఆసుపత్రికి వెళ్లాలి.
అదనంగా.. అకస్మాత్తుగా చూపు మసకబారడం, విపరీతమైన తలనొప్పి, నడకలో బ్యాలెన్స్ తప్పడం వంటివి కూడా పక్షవాతం రాబోతోందని శరీరం ఇచ్చే హెచ్చరికలు.
Also Read: కుడి వైపు తలనొప్పి.. ఇది సాధారణ టెన్షనా లేక మైగ్రేనా? ఎలా గుర్తించాలి ?
పక్షవాతం రకాలు:
శరీరంలో అది ప్రభావితం చేసే భాగాన్ని బట్టి రకాలు మారుతుంటాయి.
మోనోప్లేజియా: ఒకే ఒక చేయి లేదా కాలు ప్రభావితం అవ్వడం.
హెమిప్లేజియా: శరీరంలోని ఒక వైపు భాగం (కుడి లేదా ఎడమ) మొత్తం పక్షవాతానికి గురవ్వడం.
పారాప్లేజియా: నడుము కింద ఉన్న రెండు కాళ్లు చలనం కోల్పోవడం.
క్వాడ్రిప్లేజియా: మెడ కింద ఉన్న నాలుగు అవయవాలు (రెండు చేతులు, రెండు కాళ్లు) ప్రభావితం అవ్వడం.
Share
MysterThriller OTT : అమ్మాయిని ఎరగా చూపి అబ్బాయిల్ని బొమ్మగా మార్చే మిస్టరీ మనిషి... ఫ్యూజులు అవుట్ అయ్యే క్లైమాక్స్
This Week OTT Movies: ఈ వారం ఓటీటీలోకి రాబోతున్న సినిమాలు.. ఆ ఒక్కటి వెరీ స్పెషల్..
