Toothbrush: దంతాలు మిళమిళ మెరవాలంటే పెద్దగా శ్రమ పడాల్సిన అవసరం లేవు. సరైన విధంగా బ్రష్ చేస్తే సరిపోతుంది. కానీ ఈ విషయంలోనే చాలామంది నిర్లక్ష్యం చేస్తుంటారు. రోజూ బ్రష్ చేస్తున్నామనే భావన ఉన్నా, నిజానికి చాలామంది పళ్లను సరిగ్గా శుభ్రం చేసుకోవడం లేదని దంత వైద్యులు చెబుతున్నారు. రోజుకు రెండుసార్లు బ్రష్ చేయాలన్న విషయం అందరికీ తెలిందే. అయితే కనీసం ఒకసారి బ్రష్ చేసినప్పుడు కూడా పళ్లను పూర్తిగా శుభ్రం చేసేవారు చాలా తక్కువట. ఈ కారణంగానే దంత సమస్యలను ఎదుర్కోవాల్సి వస్తోంది. అంతేకాదు.. మనం ఉపయోగించే టూత్బ్రష్ విషయంలో కూడా కొన్ని ముఖ్యమైన విషయాలను తెలుసుకుని పాటించడం అవసరమేనని నిపుణులు హెచ్చరిస్తున్నారు.
ప్రతిరోజూ పళ్లు తోముకోవడానికి దంతాలు, చిగుళ్లకు రక్షణ కలిగించేది సాఫ్ట్ బ్రిజిల్స్ను మాత్రమే ఎంచుకోవాలి. హార్డ్ బ్రిజిల్స్ వల్ల ఎనామెల్ నష్టం, చిగుళ్ల గాయాల వంటి సమస్యలు తలెత్తవచ్చు. అదే విధంగా.. ఒక టూత్బ్రష్ను 3 నుంచి 4 నెలలకు మించి వాడకూడదని నిపుణులు హెచ్చరిస్తున్నారు. అలాగే ఫ్లూ, జలుబు, దగ్గు వచ్చిన తర్వాత వెంటనే బ్రష్ను మార్చడం చాలా ముఖ్యంగా. ఎందుకంటే.. టూత్ బ్రష్లలో ఇన్ఫెక్షన్లు నిలిచి ఉండే అవకాశం ఉంది కాబట్టి.
Read Also: నోటి దుర్వాసనతో ఇబ్బంది పడుతున్నారా?.. సులభమైన చిట్కాలతో నివారించండిలా!
బాత్రూమ్లో ఉండే తేమ, హానికర బాక్టీరియా టూత్బ్రష్పై సులభంగా అతుక్కుంటాయి. ఇది దంతాల మీద మాత్రమే కాకుండా మీ ఆరోగ్యంపైనా తీవ్ర ప్రభావం చూపుతుంది. అందుకే బ్రష్లను ఎప్పుడూ పొడి ప్రదేశంలో, గాలి ఆడే షెల్ఫ్లో ఉంచాలని సూచిస్తున్నారు.
సాధారణంగా అందరూ చేసే పొరపాటు ఏంటంటే.. అందరి బ్రష్లను కలిపి ఓకే షెల్ఫ్లో పెట్టడం. ఇలా చేయడం వల్ల ఒకరి బ్రష్పై ఉండే బాక్టీరియా మరొకరి బ్రష్కు చేరే ప్రమాదం ఉంది. అందుకే ప్రతి ఒక్కరి టూత్బ్రష్లను వేర్వేరుగా ఉంచడం ఉత్తమం. అలాగని టూత్బ్రష్కు క్యాప్ పెట్టడమూ మంచిది కాదు. ఎందుకంటే.. తేమలో బాక్టీరియా పెరిగే అవకాశం ఎక్కువ.
తాజా సర్వేలు చెబుతున్న సమాచారం ప్రకారం చాలామంది కేవలం 45 నుంచి 70 సెకండ్లలోనే తమ బ్రషింగ్ను పూర్తి చేసేస్తున్నారట. కానీ నోటి బాక్టీరియాను తగ్గించాలంటే కనీసం రెండు నిమిషాల పాటు బ్రష్ చేయడం తప్పనిసరి అని వైద్యులు స్పష్టం చేస్తున్నారు. మరో ఆసక్తికరమైన విషయం ఏమిటంటే.. దంతాలను శుభ్రం చేసుకోవడంలో పురుషుల కంటే స్త్రీలే ఎక్కువ సమయం కేటాయిస్తారనే విషయం తాజా సర్వేలో వెల్లడైంది.
Read Also: నిద్రపోయే ముందు నీళ్లు తాగడం మంచిదా? కాదా?.. ఈ విషయంలో నిపుణులు మాట ఇదే!
Share
Samantha -Raj: పెళ్లి తర్వాత సమంత ఫస్ట్ ఫోటో చూశారా.. క్యూట్ గా ఉన్న కొత్త జంట!
Marriage Material: మీ బాయ్ఫ్రెండ్లో ఈ 7 లక్షణాలు ఉంటే.. అతను పక్కా ' మ్యారేజ్ మెటీరియల్' !
