కళ్లజోడు ఎంత క్లీన్ చేసినా బ్లర్‌గా కనిపిస్తోందా? మరకలు లేకుండా సింపుల్‌గా ఇలా క్లీన్ చేయండి

ఈ రోజోల్లో చాలామంది కళ్లజోడు ఉపయోగిస్తున్నారు. కొంత మంది సైట్ సమస్య కోసం ఉపయోగిస్తుంటే, మరొకొందరు కంటి భద్రత కోసం పెట్టుకుంటున్నారు. అయితే ఈ అద్దాలపై చేతి మరకలు, దుమ్ము, ధూళి మరకలు పడడం సహజం. అందుకే వీటిని తరుచూ క్లీన్ చేస్తూ ఉండాలి. లేకపోతే మీ కంటి చూపుని ప్రభావితం చేస్తాయి.

క్రమం తప్పకుండా అద్దాలను శుభ్రపరచడం వల్ల అద్దాలు స్పష్టంగా, సౌకర్యవంతంగా ఉంటాయి. సరైన జాగ్రత్తలు పాటిస్తే కళ్లజోడు ఎక్కువ కాలం మన్నుతాయి. దానిపై గీతల పడకుండా నివారించవచ్చు.

శుభ్రపరచడానికి ముందు చేతులు కడుక్కోవాలి

మీ కళ్లజోడును తాకే ముందు ఎల్లప్పుడూ చేతులు కడుక్కోండి. వేళ్లు మురికిగా ఉంటే చేతులపై ఉన్న నూనె, దుమ్ము.. అద్దాలపై కూడా వచ్చేస్తుంది. అందుకే లైట్‌గా సబ్బు నీళ్లతో చేతులు వాష్ చేసుకోండి. తరువాత శుభ్రమైన టవల్ తో చేతులు ఆరబెట్టుకోండి. ఈ సాధారణ అలవాటు అదనపు మరకలను నివారిస్తుంది.

నీళ్లతో అద్దాలను కడగాలి

ఎప్పుడూ దుమ్ము పట్టిన అద్దాలను నేరుగా గుడ్డతో తుడవకండి. దుమ్ము కణాల వల్ల గ్లాస్ ఉపరితలంపై గీతలు పడతాయి. ముందుగా అద్దాలను తేలికపాటి గోరువెచ్చని నీటితో శుభ్రం చేయండి. దీంతో దుమ్ము, లూజ్‌గా ధూళి కణాలు సురక్షితంగా తొలగించవచ్చు. ఎక్కువ వేడి నీటిని ఉపయోగించకూడదు. వేడి నీరు కళ్లజోడు లెన్స్‌లను ఫ్రేమ్ లను దెబ్బతీస్తుంది.

కళ్లజోడు శుభ్రపరచడానికి ఏ సబ్బు మంచిది?

కొద్దిగా తేలికపాటి డిష్ వాష్ సబ్బు కడిగితే మంచి ఫలితాలు ఉంటాయి. లోషన్ లేని, కఠినమైన రసాయనాలు లేని సబ్బును ఎంచుకోండి. కళ్లజోడు రెండు వైపులా, ఫ్రేమ్ లను సున్నితంగా రుద్దండి. కళ్లజోడులో ఉండే ముక్కు ప్యాడ్లు, మూలలను కూడా శుభ్రం చేయండి. నూనె, వేలిముద్రలను, జిడ్డును.. సబ్బు సమర్థవంతంగా తొలగిస్తుంది.

మైక్రోఫైబర్ గుడ్డ ఉపయోగించాలి

మైక్రోఫైబర్ గుడ్డలు గీతలు లేకుండా కళ్లజోడును శుభ్రపరుస్తాయి. అవి తేమను గ్రహించి, మరకలను సమర్థవంతంగా తొలగిస్తాయి. టిష్యూలు, నేప్కిన్లు లేదా మీ షర్ట్‌తో క్లీన్ చేయడం నివారించండి.

ఈ వస్తువులతో క్లీన్ చేస్తే అద్దాలపై సాఫ్ట్‌గా ఉండే లెన్స్ పూతలు దెబ్బతింటాయి. ఆ తరువాత అద్దాలను ఆరబెట్టేటప్పుడు సున్నితంగా వృత్తాకార (ఒక సర్కిల్‌ ఆకారంలో) కదలికలతో క్లీన్ చేయండి. ఉపయోగించండి. మంచి ఫలితాల కోసం శుభ్రమైన మైక్రోఫైబర్ గుడ్డను ఉపయోగించండి.

Also Read: చిన్న వయసులోనే ముసలితనం లక్షణాలు.. ఈ ఆహారాలు తినడమే కారణం

ఫ్రేమ్, నోస్ ప్యాడ్ లను ఎలా శుభ్రపరచాలి?

కళ్లజోడు ఫ్రేమ్‌పై రోజూ చెమట, దుమ్ము, చర్మం నుంచి వెలువడే నూనె పడుతుంది. మురికి ఫ్రేమ్ లు అసౌకర్యం, చర్మ చికాకును కలిగిస్తాయి. ఫ్రేమ్ లను తేలికపాటి సబ్బు నీటితో సున్నితంగా కడగాలి. ఒక మృదువైన టూత్ బ్రష్‌తో కళ్లజోడు మూలలో ఉండే దుమ్ము తొలగించడానికి సహాయపడుతుంది.

కళ్లజోడును ఎలా  స్టోర్ చేయాలి?

కళ్లజోడును సరిగా స్టోర్ చేస్తే.. అద్దాలు సురక్షితంగా, శుభ్రంగా ఉంచుతుంది. వీటిని ఎల్లప్పుడూ కళ్లజోడు భద్రత కేసులోపల ఉంచండి. కళ్లజోడు ఎక్కడా కింద పెట్టకూడదు. ఇలా చస్తే  గీతలు పడే ప్రమాదం పెరుగుతుంది. పెంచుతుంది. అద్దాలను అధిక వేడి, ఎండకు దూరంగా ఉంచండి. ఎక్కువ ఉష్ణోగ్రతలు కళ్లజోడు ఫ్రేమ్‌లను బెండ్ చేయవచ్చు.

సరైన పద్ధతిలో కళ్లజోడు శుభ్రపరచడం చేయడం వల్ల మీ కంటి చూపు క్లియర్‌గా ఉండడంతో పాటు కళ్లజోడు ఎక్కువ కాలం మన్నికనిస్తాయి. మీ చిన్న చిన్న పాటిస్తే మీ అద్దాలను రోజూ మరకలు లేకుండా భద్రపరుచుకోవచ్చు.

Share

• 
• 
• 
• 
• 
•