Fridge food storage: సమ్మర్లో ఎండల తీవ్రత పెరగడంతో పాటు గాలిలో తేమ శాతం కూడా మారుతూ ఉంటుంది. ఈ వాతావరణం బ్యాక్టీరియా వృద్ధికి ఎంతో అనుకూలం. దీని వల్ల పాలు, కూరగాయలు, వండిన ఆహారం గంటల వ్యవధిలోనే పాడైపోతాయి. ఫ్రిజ్ ఉన్నప్పటికీ, సరైన అమరిక, ఉష్ణోగ్రత నిర్వహణ లేకపోతే ఆహారం విషతుల్యం అయ్యే ప్రమాదం ఉంది. కాబట్టి.. ఈ వేసవిలో మీ ఆహారాన్ని సురక్షితంగా, తాజాగా ఉంచడానికి పాటించాల్సిన ముఖ్యమైన పద్ధతుల గురించి వివరంగా తెలుసుకుందాం.
వేసవిలో ఫ్రిజ్ నిర్వహణకు ముఖ్యమైన చిట్కాలు:
1. సరైన ఉష్ణోగ్రతను సెట్ చేయండి: వేసవిలో బయట వేడి ఎక్కువగా ఉంటుంది కాబట్టి, ఫ్రిజ్ లోపల ఉష్ణోగ్రత తక్కువగా ఉండాలి. ఫ్రిజ్ ఉష్ణోగ్రత 18 డిగ్రీల దగ్గర ఉండాలి. ఇది బ్యాక్టీరియా పెరగకుండా నిరోధిస్తుంది.
2. గాలి ప్రసరణకు చోటు ఇవ్వండి: చాలా మంది ఫ్రిజ్ను వస్తువులతో పూర్తిగా నింపేస్తుంటారు. దీని వల్ల లోపల చల్లని గాలి సరిగ్గా ప్రసరించదు. గాలి ఆడేలా వస్తువుల మధ్య కొంచెం ఖాళీ ఉంచడం వల్ల అన్ని వైపులా సమానమైన కూలింగ్ అందుతుంది.
3. ఏ వస్తువు ఎక్కడ ఉంచాలి? పై షెల్ఫ్లు: వండిన ఆహారం, పెరుగు, వెంటనే తినే పదార్థాలను ఇక్కడ ఉంచాలి.
క్రింది షెల్ఫ్లు: పాలు, పాల పదార్థాలను ఇక్కడ ఉంచడం మంచిది. ఎందుకంటే ఇక్కడ చల్లదనం ఎక్కువగా ఉంటుంది.
డ్రయర్లు : కూరగాయలు, ఆకుకూరలు, పండ్లను వేర్వేరుగా వీటిలో ఉంచాలి. పండ్లు విడుదల చేసే ‘ఇథిలీన్’ వాయువు వల్ల కూరగాయలు త్వరగా పాడవుతాయి. అందుకే వాటిని కలిపి ఉంచకూడదు.
డోర్ షెల్ఫ్లు: ఫ్రిజ్ డోర్ తరచుగా తీస్తూ ఉంటాం కాబట్టి ఇక్కడ ఉష్ణోగ్రత మారుతూ ఉంటుంది. అందుకే గుడ్లు, పాలు వంటి త్వరగా పాడయ్యే వస్తువులను డోర్లో కాకుండా లోపల షెల్ఫ్లో ఉంచాలి. ఇక్కడ కెచప్, వాటర్ బాటిల్స్ లాంటివి ఉంచుకోవచ్చు.
4. గాలి చొరబడని డబ్బాలను వాడండి: మిగిలిపోయిన ఆహారాన్ని లేదా వండిన పదార్థాలను నిల్వ చేసేటప్పుడు గాలి చొరబడని కంటైనర్లను వాడండి. దీని వల్ల ఆహారంలోని తేమ ఆరిపోదు. ఒక పదార్థం యొక్క వాసన మరొక దానికి అంటుకోదు.
5.పచ్చి మాంసం నిల్వ: పచ్చి మాంసం లేదా చేపలను నిల్వ చేసేటప్పుడు వాటిని ఒక ప్లేట్లో ఉంచి ఫ్రిజ్ లో అందరికంటే క్రింది షెల్ఫ్లో ఉంచాలి. దీని వల్ల వాటి నుంచి వచ్చే రసం ఇతర ఆహార పదార్థాలపై పడకుండా ఉంటుంది.
6. కూరగాయలు, పండ్ల జాగ్రత్తలు: ఆకుకూరలను కడిగిన తర్వాత తడి లేకుండా ఆరబెట్టి.. పేపర్ టవల్లో చుట్టి కవర్లలో ఉంచితే ఎక్కువ రోజులు తాజాగా ఉంటాయి. పుచ్చకాయ లాంటి పండ్లను కోసిన తర్వాత తప్పని సరిగా ఫ్రిజ్లో ఉంచాలి.
Also Read: ఆహారం తాజాగా ఉండాలా? అయితే అల్యూమినియం ఫాయిల్కు గుడ్ బై చెప్పండి!
7. తలుపులు ఎక్కువసేపు తెరవకండి: ఫ్రిజ్ తలుపును పదే పదే తీయడం లేదా ఎక్కువసేపు తెరిచి ఉంచడం వల్ల లోపలి చల్లదనం బయటకు పోతుంది. ఇది కంప్రెసర్పై ఒత్తిడి పెంచడమే కాకుండా ఆహారం పాడవడానికి కారణమవుతుంది.
8. ఫ్రిజ్ పరిశుభ్రత: వారానికి ఒకసారి ఫ్రిజ్ను క్లీన్ చేయండి. ఎక్స్పైరీ డేట్ అయిపోయిన వస్తువులను తొలగించండి.ఫ్రిజ్ లోపల వచ్చే వాసనలను పోగొట్టడానికి ఒక చిన్న గిన్నెలో ‘బేకింగ్ సోడా’ ఉంచడం మంచి చిట్కా.
వేసవిలో ఆహార భద్రత అనేది కేవలం రుచి కోసం మాత్రమే కాదు. మన ఆరోగ్యం కోసం కూడా చాలా అవసరం. పైన పేర్కొన్న చిన్న చిన్న జాగ్రత్తలు పాటించడం ద్వారా ఆహారం వృథా కాకుండా చూడవచ్చు. వేసవి కాలంలో వచ్చే జీర్ణకోశ వ్యాధుల నుంచి దూరంగా ఉండవచ్చు. సరైన నిల్వ పద్ధతులే ఆరోగ్యకరమైన జీవనానికి మార్గం.
Share
Vijay Oath: జోసఫ్ విజయ్ ఎనుం నాన్.. తమిళనాడు సీఎంగా, రాష్ట్రానికి సరికొత్త శకం, అందరికీ ఒకటే చట్టం
డేంజర్ బెల్స్.. భద్రాచలం వద్ద కృంగిన గోదావరి బ్రిడ్జి.. అక్కడ రాకపోకలు బంద్..?
