Vitamin E: మన శరీరానికి ఎ, బి, సి, డి విటమిన్లు మాత్రమే కాదు.. విటమిన్ E కూడా ఎంతో అవసరం. ఇది డి విటమిన్లాగే కొవ్వులో కరిగే లక్షణం కలిగి ఉంటుంది. అందుకే శరీరంలో సరిపడా కొవ్వు లేకపోతే, విటమిన్ Eను శరీరం పూర్తిగా గ్రహించలేకపోతుంది. విటమిన్ E ఒకవైపు శరీరానికి అవసరమైన విటమిన్గా పనిచేస్తూనే మరోవైపు శక్తివంతమైన యాంటీఆక్సిడెంట్గానూ ఉపయోగపడుతుంది. దీనివల్ల శరీరంలోని కణాలు ఆరోగ్యంగా ఉండి, జీవక్రియలు సక్రమంగా పనిచేస్తాయి. అయితే శరీరంలో విటమిన్ E లోపం ఏర్పడితే కొన్ని లక్షణాలు, సంకేతాల ద్వారా అది మనకు ముందుగానే తెలియజేస్తుంది.
విటమిన్ E మన శరీరానికి చాలా తక్కువ మోతాదులో సరిపోతుంది. కానీ అది చేసే పని మాత్రం ఎంతో కీలకం. E విటమిన్ వ్యాధులు దరిచేరకుండా కాపాడటంలో సహాయపడుతుంది. ముఖ్యంగా వయసు పెరిగేకొద్దీ వచ్చే మతిమరుపు, అల్జీమర్స్ వంటి సమస్యలను నియంత్రించడానికి విటమిన్ E ఉన్న ఆహారం ఎంతో ఉపయోగకరం. గుండె, మెదడు, మూత్రపిండాల పనితీరును మెరుగుపరచడంలో ఇది సహాయపడుతుంది.
Read Also: మొదలైంది శీతాకాలం.. విటమిన్ డి కోసం ఏ టైంలో, ఎంతసేపు ఎండలో నిలబడాలో తెలుసా?
విటమిన్ E వల్ల రక్తనాళాల్లో కొవ్వు పేరుకుపోవడం తగ్గుతుంది. దీంతో హార్ట్ ఎటాక్ ముప్పు తగ్గుతుంది. మెదడు యాక్టివ్గా ఉండేందుకు, ఏకాగ్రత పెరగేందుకు, జ్ఞాపకశక్తి మెరుగుపడేందుకు ఇది ఎంతో సహాయపడుతుంది. అలాగే చర్మాన్ని ఆరోగ్యంగా ఉంచడంలో, శిరోజాల సంరక్షణలో, పురుషుల ఆరోగ్య సమస్యలను తగ్గించడంలో కూడా విటమిన్ E కీలక పాత్ర పోషిస్తుంది.
శరీరంలో విటమిన్ E తక్కువైతే.. ఆలోచనా శక్తి మందగిస్తుంది, అలసట ఎక్కువగా అనిపిస్తుంది. చర్మం పొడిబారడం, దురదలు, ఇన్ఫెక్షన్లు రావడం వంటి లక్షణాలు బయటపడతాయి. దీంతో నాడీ వ్యవస్థ బలహీనపడడంతో కండరాల నొప్పులు, నీరసం, చూపు మందగించడం వంటి సమస్యలు ఎదురవుతాయి. పిల్లల్లో అయితే చదువుపై ప్రభావం పడే అవకాశం ఉంటుంది.
రోజుకు అవసరమైన విటమిన్ E మోతాదు వయసు, లింగాన్ని బట్టి మారుతుంది. సాధారణంగా పెద్దలకు రోజుకు సుమారు 10-15 మిల్లీ గ్రాములు అవసరం అవుతుంది. ఇది సమతుల్య ఆహారం ద్వారా లభిస్తుంది. అయితే గర్భవతులు, పాలిచ్చే తల్లులకు కొంచెం ఎక్కువ అవసరం కావచ్చు.
విటమిన్ E కోసం పొద్దుతిరుగుడు విత్తనాలు, గుమ్మడి విత్తనాలు, బాదం, జీడిపప్పు, పల్లీలు, సోయాబీన్స్, పాలకూర, బ్రోకలీ వంటి ఆహారాలను రోజువారీ ఆహారంలో చేర్చుకుంటే మంచి ఫలితం ఉంటుంది. అయితే ఈ లోపం ఎక్కువగా ఉంటే మాత్రం వైద్యులను సంప్రదించడం ఉత్తమం.
Read Also: రోజూ నిద్రలేవగానే తల గిర్రుమంటోందా.. వర్టిగో గురించి తెలుసుకోవాల్సిన సమయమిదే!
Share
Mayor Vijayalakshmi: పేపర్లు చించేసి.. బీజేపీ కార్పొరేటర్లు రచ్చ రచ్చ
Kondagattu Anjaneya Temple: కొండగట్టు అంజన్నకు నోటీసులు.. 15 రోజుల్లో..
