Plastic Stool Hole: ఈ రోజుల్లో ప్లాస్టిక్ స్టూళ్లు.. మన ఇళ్లు, దుకాణాలు, హోటళ్లు, వేడుకలలో అత్యవసరంగా మారిపోయాయి. అయితే వీటిని గమనిస్తే.. సీటు మధ్యలో చిన్న రంధ్రం తప్పనిసరిగా ఉంటుంది. చాలామంది ఈ రంధ్రం.. కేవలం పట్టుకోవడానికో, డిజైన్ కోసమే పెట్టారని అనుకుంటారు. కానీ ఆ చిన్న రంధ్రం వెనుక ఎన్నో ఆసక్తికరమైన ఉపయోగాలు దాగున్నాయి. అవేంటో ఈ కథనంలో చూద్దాం.
సాధారణంగా స్టూళ్లను ఒకదానిపై ఒకటి అమర్చి ప్లేస్ ఆదా చేయడం అందరూ చేసేదే. ఒకవేళ మధ్యలో రంధ్రం లేకపోతే, రెండు స్టూళ్ల మధ్య గాలి బంధించబడి ‘వ్యాక్యూమ్’ ఏర్పడుతుంది. దీనివల్ల అవి ఒకదానికొకటి గట్టిగా అతుక్కుపోయి, విడదీయడం చాలా కష్టమవుతుంది. కాబట్టి మధ్యలో ఉండే రంధ్రం గాలి ప్రసారానికి దోహదపడి ఈ సమస్యకు చెక్ పెడుతుంది.
అయితే ప్లాస్టిక్ స్టూల్ మధ్యలో రంధ్రం పెట్టడం వల్ల దాని బలం తగ్గుతుందని కొందరు అభిప్రాయపడుతుంటారు. కానీ ఇది నిజం కాదు. సరైన నిష్పత్తిలో గుండ్రటి ఆకారంలో ఉండే ఈ రంధ్రం.. స్టూల్ పైభాగంలో ఒత్తిడి సమంగా విస్తరించేందుకు సహాయపడుతుంది. ఒక వ్యక్తి స్టూల్పై కూర్చున్నప్పుడు పడే బరువు ఒకే చోట కేంద్రీకృతమవ్వకుండా ఆ బలం నలువైపులా ఉన్న కాళ్లకు సమానంగా బదిలీ అయ్యేలా ఈ డిజైన్ తోడ్పడుతుంది.
ప్లాస్టిక్ స్టూళ్లను ‘ఇంజెక్షన్ మోల్డింగ్’ అనే ప్రక్రియ ద్వారా తయారు చేస్తారు. ముందుగా వేడి వేడి లిక్విడ్ ప్లాస్టిక్ను మోల్డ్ లోకి పంపి చల్లార్చుతారు. అయితే ప్లాస్టిక్ భాగాలు మందంగా ఉంటే చల్లారేటప్పుడు ముడుచుకుపోవడం, వంగిపోవడం వంటి లోపాలు జరుగుతాయి. కాబట్టి సీటు మధ్యలో రంధ్రం ఉంచడం వల్ల ప్లాస్టిక్ సమానంగా చల్లబడి స్టూల్ సరైన ఆకారంలో ఫినిష్ అయ్యేందుకు సాయపడుతుంది.
బాత్రూమ్లలో, అవుట్డోర్ ప్రదేశాల్లో లేదా కడిగే సమయంలో స్టూళ్లపై నీరు చేరడం సహజం. మధ్యలో రంధ్రం ఉండటం వల్ల ఆ నీరు సీటుపై నిలవకుండా కిందకు వెళ్లిపోతుంది. దీనివల్ల స్టూళ్లు త్వరగా ఆరడమే కాకుండా పెద్ద సంఖ్యలో ఉన్నప్పుడు వాటిని శుభ్రం చేయడం, మెయిన్ టేన్ చాలా సులువవుతుంది.
Also Read: నీళ్లు తాగకుండానే.. జీవితాంతం బతికేసే 6 వింత జంతువులు.. ఇదేం విచిత్రం సామీ!
ఈ రంధ్రం వల్ల మరో కీలక బెనిఫిట్.. ప్లాస్టిక్ ఆదా అవ్వడం. స్టూళ్లను లక్షల్లో ఉత్పత్తి చేసే కంపెనీలకు ఒక్కో స్టూల్ నుండి కొద్దిగా ప్లాస్టిక్ తగ్గినా భారీ మొత్తంలో ముడిసరుకు ఆదా అవుతుంది. ప్లాస్టిక్ వినియోగాన్ని తగ్గించి, ప్రొడక్షన్ కాస్ట్ తగ్గించుకోవడానికి ఇది దోహదం చేస్తుంది. మెుత్తంగా ప్లాస్టిక్ స్టూళ్ల మధ్య ఉండే చిన్నపాటి రంధ్రం అటు యూజర్లకు ఇటు తయారీ దారులకు విభిన్నమైన ప్రయోజనాలను చేకూరుస్తున్నట్లు చెప్పవచ్చు.
Also Read: ట్రైన్ కాదు.. నడిచే 5-స్టార్ హోటల్.. ఈ రష్యా రైలును చూస్తే షాక్ అవ్వాల్సిందే!
Share
ఫ్యాన్స్ అంటే సెలబ్రేషన్స్ మాత్రమే కాదు..మనసులు గెలిచిన అల్లు అర్జున్ ఫ్యాన్స్!
పాకిస్తాన్ పరువు తీసిన శుభ్మన్ గిల్...అందరూ కలిసి చేసిన రన్స్ ఒక్కడే చేశాడుగా!
