Allu Sirish Wedding: అల్లు వారింట పెళ్లి సందడి.. పవన్ కళ్యాణ్‌కు వెడ్డింగ్ కార్డ్ అందించిన అల్లు అరవింద్..

Allu Sirish Wedding: అల్లు కుటుంబాల్లో పెళ్లి బాజాలు మోగుతున్నాయి. మెగాస్టార్ చిరంజీవి మేనల్లుడు, ఐకాన్ స్టార్ అల్లు అర్జున్ తమ్ముడు అల్లు శిరీష్ త్వరలో ఒక ఇంటివాడు కాబోతున్నారు. ఈ క్రమంలో అల్లు కుటుంబం వివాహ ఆహ్వాన పత్రికలను పంపిణీ చేసే పనిలో నిమగ్నమైంది. తాజాగా, మెగా ప్రొడ్యూసర్ అల్లు అరవింద్ కాబోయే పెళ్లికొడుకు అల్లు శిరీష్ కలిసి ఆంధ్రప్రదేశ్ ఉప ముఖ్యమంత్రి పవన్ కళ్యాణ్‌ను కలిశారు. ఈ సందర్భంగా ఆయనకు పెళ్లి పత్రికను అందించి, వివాహానికి రావాల్సిందిగా సాదరంగా ఆహ్వానించారు. గత కొంతకాలంగా మెగా, అల్లు కుటుంబాల మధ్య దూరం పెరిగిందనే పుకార్లు వస్తున్న నేపథ్యంలో, పవన్ కళ్యాణ్‌ను స్వయంగా కలిసి ఆహ్వానించడం అభిమానుల్లో ఆసక్తిని రేకెత్తించింది. ఈ కలయికకు సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి.

వివాహ వివరాలు

అల్లు శిరీష్, నయనిక రెడ్డిని వివాహం చేసుకోబోతున్నారు. వీరికి గత ఏడాది (అక్టోబర్ 2025లో) నిశ్చితార్థం జరిగింది. వీరి వివాహం మార్చి 6, 2026న జరగనుంది. విశేషమేమిటంటే, అదే రోజు అల్లు అర్జున్ – స్నేహ రెడ్డిల వివాహ వార్షికోత్సవం కూడా కావడం గమనార్హం. ఇప్పటికే దుబాయ్‌లో ప్రీ-వెడ్డింగ్ సెలబ్రేషన్స్ ఘనంగా జరిగాయి. ఇటీవల అల్లు అర్జున్ తన నివాసంలో ఒక గ్రాండ్ పార్టీని కూడా ఏర్పాటు చేశారు, దీనికి రామ్ చరణ్, ఉపాసన వంటి ప్రముఖులు హాజరయ్యారు. అల్లు అరవింద్ స్వయంగా తన చిన్న కుమారుడి పెళ్లికి పవన్ కళ్యాణ్‌ను ఆహ్వానించడం ద్వారా కుటుంబాల మధ్య ఉన్న అనుబంధాన్ని మరోసారి చాటిచెప్పారు. మార్చి 6న జరగనున్న ఈ వేడుకకు టాలీవుడ్ ప్రముఖులతో పాటు రాజకీయ దిగ్గజాలు కూడా హాజరయ్యే అవకాశం ఉంది.

Dad, amma and me had visited @PawanKalyan garu & Smt Lezhneva and invited them for our wedding. Also invited @NagaBabuOffl and Smt Padmaja for all our wedding festivities. All of them were very happy for me! ❤️✨ pic.twitter.com/ZNIFkkWEPL

— Allu Sirish (@AlluSirish) February 23, 2026