Bullet Reddy: ఆది, మేఘ, హనిక హీరో హీరోయిన్లుగా నటిస్తున్న చిత్రం ‘బుల్లెట్ రెడ్డి’ (Bullet Reddy). ఈ చిత్రాన్ని శ్రీ లక్ష్మి ఫిలింస్ బ్యానర్ పై ఆది (Aadi) దర్శక నిర్మాతగా రూపొందిస్తున్నారు. ప్రస్తుతం ఈ సినిమా రెగ్యులర్ షూటింగ్ను జరుపుకుంటున్నట్లుగా మేకర్స్ అధికారిక ప్రకటన విడుదల చేశారు. ఈ చిత్ర విశేషాలను తాజాగా హైదరాబాద్ ఫిలింఛాంబర్లో జరిగిన మీడియా దర్శక నిర్మాత హీరో ఆది తెలియజేశారు. ఈ కార్యక్రమంలో ఫైట్ మాస్టర్ ఖయ్యూం కూడా పాల్గొన్నారు.
ఈ సందర్భంగా దర్శక నిర్మాత హీరో ఆది మాట్లాడుతూ.. ఈ చిత్రంలో హీరో బుల్లెట్ రెడ్డి వెయ్యి ఎకరాల జమీందారు. ఆయనకు చెందాల్సిన లక్షల కోట్ల రూపాయల విలువైన నిధిని దక్కించుకునేందుకు కొందరు దురాశ పరులు ఎలా ప్రయత్నించారు? ఆ ప్రయత్నాలను హీరో ఎలా ఎదుర్కొన్నాడు? అనేది ఆద్యంతం ఆసక్తికరంగా ఉంటుంది. యాక్షన్ ఓరియెంటెడ్ చిత్రమిది. నాకున్న మార్షల్ ఆర్ట్స్లో ఉన్న ప్రావీణ్యం ఈ సినిమాలో నటించేందుకు కలిసొచ్చింది. దీనికి ఖయ్యూం మాస్టర్ బాగా సపోర్ట్ చేశారు. ప్రస్తుతం రెగ్యులర్ షూటింగ్లో ఉన్నాం. ఆదిలాబాద్ అడవుల్లో పాట చిత్రీకరణ జరిపాం. అలాగే నిజామాబాద్లో ఫైట్ సీక్వెన్స్ రూపొందించాం. ఈ నెల 23వ తేదీ నుంచి రాజమండ్రి, అమలాపురం పరిసర ప్రాంతాల్లో నెక్స్ట్ షెడ్యూల్ షూటింగ్ ప్రారంభిస్తాం. ఏప్రిల్ 5వరకు ఈ షెడ్యూల్ కొనసాగుతుంది. ఆ తర్వాత గోవాలో జరిపే షెడ్యూల్లో పాటల చిత్రీకరణ జరిపి, చివరి షెడ్యూల్ మళ్లీ ఆదిలాబాద్, నిజామాబాద్లో చేస్తాం. ఈ ఏడాది దసరా పండుగ స్పెషల్గా అక్టోబర్ 16న మా మూవీని రిలీజ్ చేయాలని ప్లాన్ చేస్తున్నాం. ఏపీకి చెందిన తూరు, పశ్చిమ గోదావరి జిల్లాలో ఈ సినిమాను ఎక్కువ థియేటర్లలో విడుదల చేయాలని భావిస్తున్నాం. త్వరలోనే మరిన్ని విషయాలు తెలియజేస్తామని తెలిపారు.
ఫైట్ మాస్టర్ ఖయ్యూం మాట్లాడుతూ.. నేను మార్షల్ ఆర్ట్స్ ట్రైనర్. ఆది ఉండేది మా పొరుగు ఊరులోనే. అంతేకాదు, ఆది నాకు శిష్యుడు కూడా. ఈ సినిమా కోసం అతను పడే కష్టం చూసి అతనికి అభిమానిని అయ్యాను. ఈ మూవీలో ఆది ఎంత కష్టపడ్డాడో తెరపై చూస్తారు. మంచి ఫైట్స్, ఎంటర్ టైన్మెంట్, ఆకట్టుకునే పాటలతో ‘బుల్లెట్ రెడ్డి’ సినిమా రూపుదిద్దుకుంటోంది. కచ్చితంగా ప్రేక్షకులకు కావాల్సిన అన్ని ఎలిమెంట్స్ ఈ సినిమాలో ఉన్నాయి కాబట్టి.. అందరికీ నచ్చుతుందని అన్నారు.
Also Read- Deewana Teaser: అది నా పిల్ల.. అది ఇది అని నేనంటా!.. ‘దీవాన’ టీజర్ ఎలా ఉందంటే?
Share
Iran Mojtaba Khamenei: హర్మూజ్ జలసంధి మూసే ఉండాలి.. ప్రతి ప్రాణానికి ప్రతీకారం.. ఇరాన్ కొత్త సుప్రీం వార్నింగ్
Boycott SRH: బాయ్ కాట్ సన్ రైజర్స్ అంటూ ట్రోలింగ్..పాకిస్తాన్ ప్లేయర్లను కొనడంపై వివాదం
