Happy Raj: ‘హ్యాపీ రాజ్’ లెక్కేంటో చెప్పేశాడు.. మైత్రీకి మరో హిట్!

Happy Raj: స్టార్ కంపోజర్, వెర్సటైల్ యాక్టర్ జి.వి. ప్రకాష్ కుమార్ (GV Prakash Kumar) హీరోగా నటిస్తున్న లేటెస్ట్ మూవీ ‘హ్యాపీ రాజ్’ (Happy Raj). ‘లవ్ టుడే’ ఫేమ్ ప్రదీప్ రంగనాథన్ వద్ద శిష్యరికం చేసిన మరియా రాజా ఎలాంచెజియన్ ఈ చిత్రంతో దర్శకుడిగా పరిచయమవుతున్నారు. బియాండ్ పిక్చర్స్ బ్యానర్‌పై జైవర్ద నిర్మించిన ఈ చిత్రంలో ‘మ్యాడ్’ ఫేమ్ శ్రీ గౌరీ ప్రియ (Sri Gouri Priya) హీరోయిన్‌గా నటిస్తోంది. ఇప్పటికే విడుదలైన పోస్టర్లు ప్రేక్షకుల నుంచి మంచి స్పందనను రాబట్టుకోగా, తాజాగా మేకర్స్ ఈ సినిమా నుండి ఫస్ట్ సింగిల్ ‘అద్దిరా లెక్క’ సాంగ్‌ను విడుదల చేశారు. ఈ పాటను ప్రముఖ డిస్ట్రిబ్యూషన్ సంస్థ మైత్రి మూవీ డిస్ట్రిబ్యూటర్స్ ఎల్ఎల్పీ సోషల్ మీడియా వేదికగా షేర్ చేస్తూ సినిమాపై అంచనాలను పెంచేసింది. ఈ పాటను గమనిస్తే..

Also Read- Hema and Surekha Vani: కల్లు తాగుతూ.. హేమ, సురేఖ వాణి హల్‌చల్.. వీడియో వైరల్!

‘అద్దిరా లెక్క’ వచ్చేసింది..

సంగీత దర్శకుడు జస్టిన్ ప్రభాకరన్ కంపోజ్ చేసిన ఈ ‘అద్దిరా లెక్క’ సాంగ్ (Addira Lekka Lyrical Video) ఇన్‌స్టెంట్ హిట్‌గా సోషల్ మీడియాలో దూసుకెళుతోంది. అదిరిపోయే బీట్స్‌తో సాగే ఈ మాస్ ఎనర్జిటిక్ నంబర్‌ను గాయకుడు గోవింద్ ప్రసాద్ తన పవర్‌ఫుల్ వాయిస్‌తో ఆలపించగా, రెహ్మాన్ అందించిన సాహిత్యం యువతను ఆకట్టుకునేలా ఉంది. ముఖ్యంగా ఈ పాటలో జి.వి. ప్రకాష్ కుమార్ చేసిన డ్యాన్స్ మూమెంట్స్ స్పెషల్ హైలైట్‌గా నిలిచాయి. ఆయన స్క్రీన్ ప్రెజెన్స్, ఈజ్ స్టెప్స్ సాంగ్‌కు మంచి వైబ్‌ను తీసుకొచ్చాయి. విడుదలైన కొద్దిసేపటికే ఈ సాంగ్ సోషల్ మీడియాలో ట్రెండింగ్‌లోకి రావడంతో సినిమా మ్యూజికల్ హిట్‌గా నిలుస్తుందని మేకర్స్ ధీమా వ్యక్తం చేస్తున్నారు. ఈ పాటలో హీరో లెక్కేంటో చెప్పేసేలా సాహిత్యం కుదిరింది.

Also Read- Peddi Release Date: ఆ పాట వల్ల రామ్ చరణ్ పెద్ది సినిమాకు కష్టాలు..రిలీజ్ డేట్ మారుతుందా!

రెండు భాషల్లో ఒకేసారి రిలీజ్..

నటీనటులే కాకుండా, టెక్నికల్‌గా కూడా ఈ చిత్రం చాలా రిచ్‌గా ఉంటుందని మేకర్స్ చెబుతున్నారు. మధన్ క్రిస్టోఫర్ సినిమాటోగ్రఫీ, ఆర్కె సెల్వ ఎడిటింగ్, కుమార్ గంగప్పన్ ప్రొడక్షన్ డిజైన్ ఈ సినిమాకు బలాన్ని చేకూర్చాయి. ఈ చిత్రంలో అబ్బాస్, జార్జ్ మరియన్, గీతా కైలాసం వంటి ప్రముఖ తారాగణం కీలక పాత్రల్లో నటిస్తున్నారు. మార్చి 27న తెలుగు, తమిళ భాషల్లో ఒకేసారి ఈ సినిమా గ్రాండ్ రిలీజ్ కాబోతోంది. తెలుగు రాష్ట్రాల్లో మైత్రి మూవీ డిస్ట్రిబ్యూటర్స్ ఎల్ఎల్పీ ఈ సినిమాను భారీ స్థాయిలో విడుదల చేస్తుండటంతో, బాక్సాఫీస్ వద్ద ‘హ్యాపీ రాజ్’ స్ట్రాంగ్ రన్ అందుకోవడం ఖాయంగా కనిపిస్తోంది. మార్చి 26న టాలీవుడ్‌లో మూడు నాలుగు సినిమాలు రిలీజ్ అవుతున్నాయి. ఆ మూవీస్‌కు పోటీగా వస్తున్న ‘హ్యాపీ రాజ్’.. కచ్చితంగా మైత్రీ వాళ్లకి హిట్ ఇస్తాడని మేకర్స్ నమ్మకంగా చెబుతున్నారు. చూద్దాం మరి.. ఏం జరుగుతుందో?