Horror Movie OTT : హారర్ సినిమాలు చూసేందుకు చాలామంది ఇంట్రస్ట్ చూపిస్తుంటారు. అయితే ఇండోనేషియన్ హారర్ సినిమాలు మాత్రం చాలామందికి వెన్నులో వణుకు పుట్టిస్తాయి. అక్కడ నుంచి వచ్చే సినిమాలు ఎక్కువ భాగం భయంకరమైన హారర్ కంటెంట్ తోనే వస్తాయి. అది కూడా ఘోరమైన చేతబడులతోనే ఉంటాయి. మరి ఈ నేపథ్యంలో గత ఏడాది థియేటర్లలో వణికించిన, ఒక హారర్ మూవీ గురించి చెప్పుకోవాల్సిందే. ఈ సినిమా కథ ఇంటి పెద్ద ఒక ఆశుభ ఘడియలో చనిపోవడంతో భయంకరమైన అతీంద్రియ శక్తుల చుట్టూ ఈ కథ తిరుగుతుంది. ఈ సినిమాను, ఇండోనేషియాలోని పురాతన నమ్మకాలు, ఫ్యామిలీ సెంటిమెంట్‌ను మిక్స్ చేసి రూపొందించారు.
ఈ ఇండోనేషియన్ హారర్ థ్రిల్లర్ సినిమా పేరు ‘ది డిసీజ్డ్’ (The Deceased). దీని అసలు పేరు ‘అల్మర్హుమ్’ (AlMarhum). ఇందులో సఫీరా రతు సోఫ్యా, రుక్మాన్ రోసాడి, దిమాస్ ఆదిత్య ప్రధాన పాత్రలు పోషించారు. ఈ చిత్రం ఏప్రిల్ 2025 నుండి నెట్‌ఫ్లిక్స్ (Netflix) లో అందుబాటులోకి వచ్చింది.
ఈ కథ ఒక మధ్యతరగతి కుటుంబం చుట్టూ తిరుగుతుంది. ఆ కుటుంబ పెద్ద అయిన ముల్వాంటో ఒక అశుభ గడియలో మరణిస్తారు. ఆయన చనిపోయినప్పటి నుండి ఆ ఇంట్లో వింత వింత సంఘటనలు మొదలవుతాయి. అది సాధారణ మరణంలా కనిపించినా, దాని వెనుక ఏదో అతీంద్రియ శక్తి ఉందనే భయం కుటుంబ సభ్యుల్లో మొదలవుతుంది. ఆయనకు ముగ్గురు పిల్లలు. పెద్ద కొడుకు విసేసా వృత్తిరీత్యా డాక్టర్ కావడంతో ఇలాంటి మూఢనమ్మకాలను అస్సలు నమ్మడు. కానీ అతని చెల్లెలు నూరి, తమ్ముడు యందాలకు మాత్రం ఇంట్లో ఏదో దుష్టశక్తి తిరుగుతోందని అర్థమవుతుంది. క్రమంగా ఆ శక్తుల ప్రభావం పెరిగి, కుటుంబ సభ్యుల ప్రాణాల మీదకు వస్తుంది.
అప్పుడు వాళ్ళు తమ తండ్రి మరణం వెనుక ఉన్న అసలు రహస్యం గురించి తెలుసుకొనడం మొదలు పెడతారు. ఇక ఈ విచారణలో వాళ్ళకి ఒక షాకింగ్ విషయం తెలుస్తుంది. తమ కుటుంబంపై ఎవరో పాత పగతో భయంకరమైన క్షుద్ర పూజలు చేయించారని తెలుసుకుంటారు. చివరికి ఆ చేతబడి ప్రభావం నుండి బయటపడటాని వీళ్ళు ఏం చేశారు ? తమ తండ్రి ఆత్మకు శాంతిని ఇవ్వగలిగారా ? ఆ దుష్టశక్తిని ఎలా ఎదిరించారు? అనే విషయాలను, ఈ ఇండోనేషియన్ హారర్ థ్రిల్లర్ సినిమాను చూసి తెలుసుకోండి.
Read Also : కాబోయే మొగుడు ఇంకో పిల్లతో… లోకం చూపించే కొత్త ప్రియుడు… కన్నీళ్ళు పెట్టించే క్లైమాక్స్
Share
Samsung Eid Offer: రంజాన్ స్పెషల్ ఆఫర్.. ఏఐ ఫీచర్స్ గల ఫ్రిజ్, AC, వాషింగ్ మెషీన్ల‌పై రూ.20000 క్యాష్‌బ్యాక్
Happy Raj: ‘హ్యాపీ రాజ్’ లెక్కేంటో చెప్పేశాడు.. మైత్రీకి మరో హిట్!
