Nari Nari Naduma Murari: సంక్రాంతి బరిలో చివరిగా థియేటర్లలోకి వచ్చిన చార్మింగ్ స్టార్ శర్వానంద్ (Sharwanand) ‘నారీ నారీ నడుమ మురారి’ (Nari Nari Naduma Murari) చిత్రం అనూహ్యమైన సక్సెస్ను అందుకుంది. కామెడీకి పెద్ద పీట వేస్తూ వచ్చిన ఈ సినిమా మొదటి ఆట నుంచే పాజిటివ్ టాక్ని సొంతం చేసుకుని, కలెక్షన్ల సునామీ సృష్టించింది. ఫలితంగా శర్వానంద్కు కూడా మంచి హిట్ పడింది. కాకపోతే థియేటర్లు సరిగా లభించకపోవడంతో సినిమా కలెక్షన్ల విషయంలో నిరాశ పరిచిందనే చెప్పాలి. అదే సోలోగా రిలీజై ఉంటే రూ. 100 కోట్లను ఈజీగా కలెక్ట్ చేసేది. మంచి ఛాన్స్ని మేకర్స్ మిస్సయ్యారు. ఇక థియేటర్లలో ఆలస్యంగా విడుదలైనా, ఓటీటీలో మాత్రం ముందుగానే ఈ సినిమా పలకరించింది. ఓటీటీలోనూ ఈ సినిమా అద్భుతమైన ఆదరణను అందుకుంటోంది.
Also Read- Tollywood Events: గెస్ట్లు రావడం లేదని ఏడ్వడం కాదు.. ముందు ఇలాంటివి చూసుకోండి?
అమెజాన్ ప్రైమ్ వీడియో (Amazon Prime Video) ఓటీటీలోకి వచ్చిన ఈ సినిమా చాలా తక్కువ టైమ్లో నెంబర్ వన్ స్థానాన్ని సొంతం చేసుకుంది. ఈ విషయాన్ని తెలుపుతూ ప్రైమ్ వీడియో ఓటీటీ అధికారికంగా పోస్టర్ను కూడా విడుదల చేసింది. రోమ్-కామ్ ఎంటర్టైనర్గా వచ్చిన ఈ సినిమా, థియేటర్లలో ప్రేక్షకులకు ఎంతగానో నచ్చింది. కానీ, థియేటర్లు అందుబాటులో లేకపోవడంతో జనాలు ఈ సినిమాను మిస్ చేశారు. అందుకే ఓటీటీలో ఎగబడి చూస్తున్నారు. అందులో థియేటర్లలోకి వచ్చిన చాలా తక్కువ టైమ్లోనే ఓటీటీలో విడుదలవడం కూడా ఈ సినిమాకు బాగా కలిసి వచ్చింది. అందుకే డిజిటల్ ఎంట్రీ ఇవ్వగానే వీక్షకులు నెంబర్ వన్లో పెట్టేశారు. గత కొన్నాళ్లుగా హిట్ లేక సతమతమవుతున్న శర్వానంద్కు ఈ సినిమా కొత్త ఊపిరిని ఇచ్చింది. మంచి సక్సెస్ కొట్టడంతో ఆయన కూడా చాలా హ్యాపీగా ఉన్నారు. అటు నిర్మాత కూడా ఈ సినిమాతో మంచి సక్సెస్ వచ్చినందుకు సంతోషాన్ని తెలియజేశారు. ఇప్పుడు ఓటీటీ రైట్స్ తీసుకున్న అమెజాన్ కూడా ఫుల్ హ్యాపీ.
శర్వానంద్ సరసన సంయుక్త, సాక్షి వైద్య హీరోయిన్లుగా నటించిన ఈ చిత్రాన్ని ఔట్ అండ్ ఔట్ కామెడీ ఎంటర్టైనర్గా దర్శకుడు రామ్ అబ్బరాజు తెరకెక్కించారు. ఏకే ఎంటర్టైన్మెంట్స్ బ్యానర్పై అడ్వెంచర్స్ ఇంటర్నేషనల్ ప్రై. లిమిటెడ్తో కలిసి అనిల్ సుంకర, రామబ్రహ్మం సుంకర నిర్మించారు. సంక్రాంతి కానుకగా జనవరి 14న ఈ సినిమా థియేటర్లలో విడుదలైంది. ఫిబ్రవరి 4న ఈ చిత్రం డిజిటల్ స్ట్రీమింగ్కు వచ్చింది. కేవలం 20 రోజుల వ్యవధిలోనే ఓటీటీకి వచ్చి, ఒకే ఒక్క రోజులోనే ఈ సినిమా అమెజాన్ ప్రైమ్ వీడియోలో టాప్ 1లోకి రావడం నిజంగా, సినిమా సక్సెస్ రేంజ్ ఏంటనేది తెలియజేస్తుంది. ఈ దెబ్బతో శర్వానంద్ ఇంకాస్త రెమ్యునరేషన్ పెంచినా ఆశ్చర్యపోవాల్సిన అవసరం లేదు. మొత్తంగా అయితే శర్వా అకౌంట్లో మంచి హిట్ మాత్రం పడింది.
Trending #1 on @PrimeVideoIN! The Sankranthi winner is now your OTT Winner! 🥇😎
The love for #NariNariNadumaMurari just keeps growing.❤️#NariNariNadumaMurariOnPrime, Watch Now 💥https://t.co/vrkpxSXrbF
Charming Star @ImSharwanand@AnilSunkara1 @iamsamyuktha_ @sakshivaidya99… pic.twitter.com/wPwYNPUlTZ
— AK Entertainments (@AKentsOfficial) February 5, 2026
Also Read- Niharika Konidela: బాబాయ్కి పోటీగా వస్తోన్న నిహారిక.. అంత ధైర్యమేంటో?
Share
Tollywood: ఈ సినిమాలు ఎందుకు వాయిదా పడుతున్నాయ్.. బిజినెస్ ప్రాబ్లమా?
WiFi Speed: మీ వైఫై సిగ్నల్ స్లోగా ఉందా?.. ఇంటర్నెట్ స్పీడ్ పెంచే చిట్కాలివే
