NBK112 Muhurtham: టాలీవుడ్లో సరికొత్త రికార్డుల వేటకు ముహూర్తం ఖరారైంది. నటసింహం నందమూరి బాలకృష్ణ, బ్లాక్బస్టర్ డైరెక్టర్ కొరటాల శివ కాంబినేషన్లో ఒక భారీ క్రేజీ ప్రాజెక్ట్ తెరకెక్కబోతోంది. వీరిద్దరి కలయికలో రాబోతున్న ఈ ప్రతిష్టాత్మక చిత్రానికి ‘#NBK112’ అనే వర్కింగ్ టైటిల్ను ఖరారు చేశారు. ఇండస్ట్రీలో ఎంతో కాలంగా ఎదురుచూస్తున్న ఈ మోస్ట్ అవేటెడ్ యాక్షన్ ఎంటర్టైనర్ అధికారిక ముహూర్తపు వేడుక జూన్ 25, 2026 గురువారం ఉదయం 9:00 గంటలకు ఆంధ్రప్రదేశ్లోని అమరావతి పరిధిలో గల వెంకటపాలెం టి.టి.డి శ్రీ వేంకటేశ్వర స్వామి ఆలయంలో అత్యంత వైభవంగా జరగనుంది.
Read also-Pollard Vs Milind: పొలార్డ్ కే సినిమా చూపించిన మిలింద్..బిత్తరపోయిన అంపైర్లు
మాస్ సినిమాలకు కేరాఫ్ అడ్రస్ అయిన బాలకృష్ణ నటనకు, సామాజిక బాధ్యతతో కూడిన సందేశాన్ని కమర్షియల్ పంథాలో అందించే కొరటాల శివ మార్క్ మేకింగ్కు ఈ చిత్రం అద్దం పట్టనుంది. ఇప్పటికే విడుదలైన అనౌన్స్మెంట్ పోస్టర్లో “Power meets purpose; Mass becomes a movement” అనే పవర్ఫుల్ ట్యాగ్లైన్తో సినిమాపై అంచనాలను భారీగా పెంచేశారు. బాలకృష్ణను మునుపెన్నడూ చూడని ఒక సరికొత్త పవర్ఫుల్ లుక్ మరియు సామాజిక కోణం ఉన్న పాత్రలో కొరటాల శివ ప్రెజెంట్ చేయబోతున్నట్లు తెలుస్తోంది. ఈ చిత్ర ప్రారంభోత్సవ వేడుకకు ఆంధ్రప్రదేశ్ ప్రభుత్వానికి చెందిన ఇద్దరు కీలక మంత్రులు ముఖ్య అతిథులుగా హాజరుకానున్నారు. ఏపీ ఐటీ, ఎలక్ట్రానిక్స్ శాఖ మంత్రి శ్రీ నారా లోకేష్, అలాగే సినిమాటోగ్రఫీ శాఖ మంత్రి శ్రీ కందుల దుర్గేష్ రానున్నారు.
Read also-బాలీవుడ్ నటుడు సోదరుడిపై దాడి.. పరిస్థితి విషమం.. నిందితుల కోసం పోలీసుల గాలింపు!
టాలీవుడ్ ప్రముఖ నిర్మాణ సంస్థలు ‘శ్రీ లక్ష్మి వెంకటేశ్వర సినిమాస్’ (సుధాకర్ చెరుకూరి), ‘యువసుధ ఆర్ట్స్’ (సుధాకర్ మిక్కిలినేని) అత్యంత భారీ బడ్జెట్తో, ఎక్కడా రాజీ పడకుండా ఈ చిత్రాన్ని నిర్మిస్తున్నాయి. ఈ ప్రతిష్టాత్మక పూజా కార్యక్రమాల రోజే సినిమాకు సంబంధించిన పూర్తి క్యాస్టింగ్ మరియు సాంకేతిక నిపుణుల వివరాలను అధికారికంగా ప్రకటించనున్నారు. అందుతున్న సమాచారం ప్రకారం ఈ చిత్రానికి రాక్స్టార్ అనిరుధ్ రవిచందర్ సంగీతం అందించే అవకాశం ఉన్నట్లు ఫిలింనగర్ టాక్. ఆగస్టు మొదటి వారం నుండి ఈ సినిమా రెగ్యులర్ షూటింగ్ ప్రారంభం కానుంది. బాలయ్య మాస్ పవర్, కొరటాల శివ స్క్రీన్ ప్లే మ్యాజిక్ కలిసి బాక్సాఫీస్ వద్ద సరికొత్త రికార్డులను సృష్టించడం ఖాయమని అభిమానులు ధీమా వ్యక్తం చేస్తున్నారు.
A powerful combo. An exciting beginning.#NBK112 begins on an auspicious note on June 25th, 9 AM onwards at TTD Sri Venkateswara Swami Temple, Venkatapalem, Andhra Pradesh.
Hon’ble Ministers Shri. @naralokesh Garu & Shri. @kanduladurgesh Garu will grace the occasion.… pic.twitter.com/5Y3Qf5ziKD
— SLV Cinemas (@SLVCinemasOffl) June 22, 2026
Share
అమెరికాలో తెలుగు యువకుడి ఆకస్మిక మరణం.. ట్రైనింగ్ క్లాస్లో ఊహించని విధంగా
ఫ్రిజ్ కొనాలనుకుంటున్నారా? స్మార్ట్ కనెక్టివిటీతో అదరగొడుతున్న శామ్సంగ్ టాప్ మోడల్స్!
