Irumudi Glimpse: మాస్ మహారాజా రవితేజ, సెన్సిబుల్ డైరెక్టర్ శివ నిర్వాణ కాంబినేషన్‌లో వస్తున్న మోస్ట్ అవేటెడ్ మూవీ ‘ఇరుముడి’ (Irumudi). ఈ సినిమాకు సంబంధించిన ‘ది హార్ట్ ఆఫ్ ఇరుముడి’ (The Heart of Irumudi) గ్లింప్స్ వీడియోను జూన్ 3, 2026 న విడుదల చేయనున్నట్లు మేకర్స్ అధికారికంగా ప్రకటించారు. శివ నిర్వాణ అనగానే మనకు బలమైన ఎమోషన్స్, ఫ్యామిలీ డ్రామా గుర్తుకొస్తాయి. ఈ ‘ఇరుముడి’ చిత్రంలో కూడా యాక్షన్‌తో పాటు తండ్రీకూతుళ్ల మధ్య ఉండే ఎమోషనల్ బాండింగ్ సినిమాకు ప్రధాన ఆకర్షణగా నిలవనుంది. అందుకే ఈ గ్లింప్స్‌కు ‘ది హార్ట్ ఆఫ్ ఇరుముడి’ అనే క్యాప్షన్ ఇచ్చారు.
Read also-బెజవాడ గడ్డపై ‘పెద్ది’ జాతర.. ప్రీ-రిలీజ్ ఈవెంట్‌కు ముఖ్య అతిథిగా!
ఇప్పటివరకు రవితేజను ఎనర్జిటిక్, మాస్ పాత్రల్లోనే చూశాం. కానీ ఈ సినిమాలో ఆయన అయ్యప్ప స్వామి భక్తుడిగా కనిపించబోతున్నారు. ఇప్పటికే విడుదలైన ఫస్ట్ లుక్ పోస్టర్‌లో రవితేజ అయ్యప్ప మాలలో ఒక చేత్తో చిన్నారి పాపను ఎత్తుకుని కనిపించి అందరినీ ఆకట్టుకున్నారు. అంతేకాకుండా, ఈ సినిమాలో రవితేజ మునుపెన్నడూ లేని విధంగా ఒక ఓల్డ్ ఏజ్ లుక్‌లో కూడా కనిపించి భారీ సర్ప్రైజ్ ఇవ్వనున్నట్లు సమాచారం.
ఈ సినిమాలో ఒకప్పటి సూపర్ హిట్ సాంగ్ ‘బంగారు పల్లకి’ ని జి.వి. ప్రకాష్ కుమార్ రీమిక్స్ చేస్తున్నట్లు ఇండస్ట్రీలో గట్టి టాక్ నడుస్తోంది. ప్రస్తుతం ఈ సినిమా షూటింగ్ ముగింపు దశకు చేరుకుంది. జూన్ 3న వచ్చే గ్లింప్స్ సినిమాపై అంచనాలను మరింత పెంచడం ఖాయంగా కనిపిస్తోంది. ఈ ఏడాది చివర్లో ఈ చిత్రాన్ని థియేటర్లలోకి తీసుకురావడానికి నిర్మాతలు ప్లాన్ చేస్తున్నారు.
Share
ఒక్క దెబ్బకు రెండు పిట్టలు! విగ్రహ రాజకీయంలో ఆ రెండు పార్టీలను డిఫెన్స్ లో పడేసిన కవిత!
తలకెక్కిన టిమ్ డేవిడ్ పొగరు..ఆస్ట్రేలియా చేసిన తప్పిదమే రిపీట్, ఇక RCB పతనమే ?
