IPL 2026 Final: ఇండియన్ ప్రీమియర్ లీగ్ 2026 టోర్నమెంట్ (Indian Premier League 2026 Tournament) విజేతగా రాయల్ చాలెంజర్స్ బెంగళూరు నిలిచింది. ఇప్పటికే 2025 ఫైనల్స్ లో విజయం సాధించిన బెంగుళూరు… ఈసారి కూడా టైటిల్ గెల్చుకుంది. అహ్మదాబాద్ లోని నరేంద్ర మోడీ స్టేడియం వేదికగా ఆదివారం రోజున గుజరాత్ టైటాన్స్ వర్సెస్ రాయల్ చాలెంజర్స్ బెంగళూరు మధ్య ఫైనల్స్ జరిగింది. అయితే ఇందులో అద్భుతంగా రాణించిన రాయల్ చాలెంజర్స్ బెంగళూరు… ఐదు వికెట్ల తేడాతో విక్టరీ అందుకుంది. దీంతో వరుసగా రెండోసారి ట్రోఫీ దక్కించుకున్న జట్టుగా చరిత్ర సృష్టించింది బెంగుళూరు. అయితే టైటిల్ అందుకున్న తర్వాత బెంగుళూరు ఆటగాడు టిమ్ డేవిడ్ చేసిన పని వివాదంగా మారింది. ఈ క్రమంలో రాయల్ చాలెంజర్స్ బెంగళూరు పతనం మొదలైందని సోషల్ మీడియాలో పోస్టులు పెడుతున్నారు క్రికెట్ అభిమానులు. ఆస్ట్రేలియాకు పట్టిన గతే, ఇప్పుడు బెంగళూరుకు కూడా పట్టబోతుందని హెచ్చరిస్తున్నారు.
రాయల్ చాలెంజర్స్ బెంగళూరు జట్టు వరుసగా రెండోసారి ఛాంపియన్ అయింది. నిన్న అర్ధరాత్రి అహ్మదాబాద్ లోని నరేంద్ర మోడీ స్టేడియం వేదికగా ఫైనల్స్ గెలిచిన బెంగళూరు, టైటిల్ దక్కించుకుంది. ఈ క్రమంలో టైటిల్ పట్టుకొని బెంగుళూరు ప్లేయర్ లందరూ ఫోటో షూట్ లో పాల్గొన్నారు. అయితే జట్టు సభ్యుడు అయిన టిమ్ డేవిడ్ (Tim David ) మాత్రం ఓవరాక్షన్ చేశాడు. బీసీసీఐ ఎంతో ప్రతిష్టాత్మకంగా ప్రవేశపెట్టిన రోబో డాగ్ ను తన్నే ప్రయత్నం చేశాడు బెంగుళూరు ఆటగాడు టిమ్ డేవిడ్. చంపక్ (champak) అనే నామకరణం చేసిన ఈ రోబో కుక్కను.. కాలు పైకి ఎత్తి మరి తొక్కే ప్రయత్నం చేశాడు. దీంతో ఈ వీడియో వైరల్ గా మారింది. ఈ క్రమంలో ఇండియన్ ఫాన్స్ సీరియస్ అవుతున్నారు. బీసీసీఐ ఎంతో ప్రతిష్టాత్మకంగా తీసుకువచ్చిన ఈ చంపక్ ను అవమానిస్తావా ? కొంచమైన బుద్ధుందా ? అంటూ టిమ్ డేవిడ్ పైన సీరియస్ అవుతున్నారు. రోబో కుక్కను (IPL Robot Dog) అవమానిస్తే… బీసీసీఐని అవమానించినట్లేనని సోషల్ మీడియాలో పోస్టులు పెడుతున్నారు. ఆస్ట్రేలియాకు పట్టిన గత ఇప్పుడు బెంగళూరుకు పట్టబోతుందని హెచ్చరిస్తున్నారు.
2023 వన్డే వరల్డ్ కప్ సమయంలో టైటిల్ గెలిచిన తర్వాత ఆస్ట్రేలియా ఆటగాళ్లు కూడా ఓవరాక్షన్ చేశారు. ముఖ్యంగా మిచెల్ మార్ష్ తన బలుపు బయట పెట్టాడు. వరల్డ్ కప్ పైన కాళ్ళు పెట్టి మరి ఫోటోలు దిగాడు. ఈ క్రమంలో ఫోటోలు వైరల్ అయ్యాయి. ఆ తర్వాత ఆస్ట్రేలియా క్రికెట్ జట్టు కోలుకోలేని దెబ్బతింది. మొన్న టి20 ప్రపంచ కప్ సమయంలో కూడా గ్రూప్ స్టేజిలోనే ఎలిమినేట్ అయింది ఆస్ట్రేలియా. అంతేకాదు ఆ సంఘటన తర్వాత ఒక్క ఐసీసీ ట్రోఫీ కూడా దక్కించుకోలేకపోయింది. ఆస్ట్రేలియా క్రికెట్ క్రమక్రమంగా పతనం అవుతోంది.
?utm_source=ig_web_copy_link&igsh=NTc4MTIwNjQ2YQ==
Share
మాస్ మహారాజ్ రవితేజ ‘ఇరుముడి’ గ్లింప్స్ వచ్చేది ఎప్పుడంటే?..
ఈ కారును రెండేళ్లు వాడుకొని వెనక్కి ఇచ్చేయొచ్చు, ఇదీ కదా అదిరిపోయే ఆఫర్ అంటే!
