Ranabaali: టాలీవుడ్ సెన్సేషనల్ కపుల్ విజయ్ దేవరకొండ (Vijay Deverakonda), రష్మిక మందన్నా (Rashmika Mandanna) తాజాగా వివాహ బంధంలోకి అడుగుపెట్టిన సంగతి తెలిసిందే. వీరి పెళ్లి వేడుకకు సంబంధించిన ఫోటోలు సోషల్ మీడియాలో ఇప్పటికే విపరీతంగా వైరల్ అయ్యాయి. ఈ కొత్త జంటకు వెరైటీగా శుభాకాంక్షలు తెలుపుతూ ‘రణబాలి’ (Ranabaali) చిత్ర యూనిట్ ఒక అదిరిపోయే సర్ప్రైజ్ ఇచ్చింది. ఈ సినిమాలో వీరిద్దరిపై చిత్రీకరించిన ఒక ప్రత్యేకమైన వెడ్డింగ్ సాంగ్ను మేకర్స్ విడుదల చేశారు. నిజం చెప్పాలంటే, వీరి నిజ జీవిత పెళ్లి ఫోటోల కంటే ఈ సాంగ్లో కనిపించిన విజువల్స్ అద్భుతంగా ఉన్నాయంటూ నెటిజన్లు కామెంట్స్ చేస్తున్నారు. అటు పెళ్లి ఫొటోలు, ఇటు సాంగ్ ఫొటోలతో.. సోషల్ మీడియా మొత్తం విజయ్, రష్మిక ఫొటోల మయంగా మారిపోయింది. ఇక ‘రణబాలి’ విషయానికి వస్తే..
Also Read- Sravanthi Chokarapu: శివాజీ వల్లే స్రవంతి డ్రెస్సింగ్ సెన్స్ మారిందా? ఆమె ఏం చెప్పిందంటే?
రాహుల్ సంకృత్యన్ దర్శకత్వంలో తెరకెక్కుతున్న ఈ భారీ పాన్ ఇండియా ప్రాజెక్ట్, 19వ శతాబ్దపు నేపథ్యం (1854 – 1878)లో సాగే కథ. బ్రిటీష్ పాలనా కాలంలోని యదార్థ సంఘటనల ఆధారంగా రూపొందుతున్న ఈ సినిమాలో, అప్పటి కాలపు పెళ్లి వేడుకలను కళ్లకు కట్టినట్లు చూపించారు. ఆడవాళ్లంతా కలిసి పసుపు దంచడం, వధువు కోసం స్వయంగా గోరింటాకు రుబ్బడం, అలంకరించిన ఎద్దుల బండిపై నూతన వధూవరులను ఊరేగింపుగా తీసుకురావడం, అత్తవారింట్లో నవ వధువు శుభప్రదంగా అడుగుపెట్టే సన్నివేశం.. ఇలా ప్రతి దృశ్యం ఎంతో కళాత్మకంగా ఉంది. అందుకే ఈ పాట చాలా స్పెషల్గా మారింది. ఈ చిత్రంలో విజయ్ దేవరకొండ ‘రణబాలి’ అనే పవర్ఫుల్ పాత్రలో కనిపిస్తుండగా, రష్మిక ఇందులో ‘జయమ్మ’గా నటిస్తోంది. పాటలో వీరిద్దరి కెమిస్ట్రీ హైలైట్గా నిలిచింది. ముఖ్యంగా ఆ కాలపు ఆహార్యం, ఆభరణాలు, వారి మధ్య పండే ప్రేమ ప్రేక్షకులను అలరిస్తోంది. ‘ఎందయ్య సామీ, ఇంత కాస్తాందీ వెన్నెల..’ అంటూ సాగే ఈ మెలోడీ సాంగ్కు అజయ్ – అతుల్ అద్భుతమైన సంగీతాన్ని అందించారు. పాటలోని సాహిత్యం కూడా పాతకాలపు మాండలికాన్ని గుర్తుచేస్తూ ఎంతో మధురంగా సాగుతోంది.
ప్రెస్టీజియస్ బ్యానర్ మైత్రీ మూవీ మేకర్స్ పతాకంపై నవీన్ యెర్నేని, వై రవిశంకర్ ఈ చిత్రాన్ని అత్యంత భారీ బడ్జెట్తో నిర్మిస్తున్నారు. టీ సిరీస్ సమర్పణలో వస్తున్న ఈ సినిమాపై ఇప్పటికే భారీ అంచనాలు ఉన్నాయి. ఇటీవల విడుదలైన టైటిల్ గ్లింప్స్కు ప్రేక్షకుల నుంచి అద్భుతమైన స్పందన వచ్చిన విషయం తెలిసిందే. సెప్టెంబర్ 11న ప్రపంచవ్యాప్తంగా గ్రాండ్గా విడుదల కాబోతున్న ‘రణబాలి’, వెండితెరపై ఒక దృశ్య కావ్యంలా ఉండబోతోందని ఈ వెడ్డింగ్ సాంగ్ చూస్తుంటే అర్థమవుతోంది. విజయ్-రష్మికల పెళ్లి వేడుక చూసి మురిసిపోయిన అభిమానులకు, ఈ సాంగ్ ఒక కంటి పండుగలా మారిందనడంలో సందేహం లేదు.
Also Read- Sangeetha Vijay: హీరో విజయ్ పై సంగీత పెట్టిన సెక్షన్లు ఇవే… చిక్కుల్లో నటుడు!
Share
Social Media Data Consuming: ఒక నిమిషానికి 90 లక్షల జీబీ డేటా వాడకం.. దూసుకుపోతున్న సోషల్ మీడియా
Iran Attacks On Dubai: దుబాయ్ పై ఇరాన్ డ్రోన్ దాడి.. భయంలో తెలుగువారు.. విమాన సర్వీసులు రద్దు
