Galgotias University Apology: గ్రేటర్ నోయిడా కేంద్రంగా పనిచేస్తున్న గల్గోటియాస్ విశ్వవిద్యాలయం బుదవారం జరిగిన ఏఐ ఇంపాక్ట్ సదస్సులో ఒక చైనీస్ రోబోడాగ్ను తమ స్వంత ఆవిష్కరణగా ప్రకటించుకుని తీవ్ర విమర్శలు ఎదుర్కొంది. ఈ వివాదంపై స్పందించిన వర్సిటీ యాజమాన్యం తాజాగా బహిరంగ క్షమాపణలు తెలియజేసింది.
తమ ప్రతినిధికి సదరు రోబోడాగ్ సాంకేతిక మూలాల గురించి సరైన అవగాహన లేదని కేవలం కెమెరా ముందు ఉన్న ఉత్సాహంతో తప్పుడు సమాచారం ఇచ్చారని వివరణ ఇచ్చింది. సదరు ప్రతినిధికి మీడియాతో మాట్లాడే అధికారం లేకపోయినప్పటికీ అతి ఉత్సాహంతో తప్పుడు సమాచారం ఇచ్చారని వివరించింది. ఈ ఘటనపై విద్యావేత్తలు సాంకేతిక నిపుణుల నుంచి విమర్శలు రావడంతో విశ్వవిద్యాలయం వెంటనే స్పందించింది.
ఏదైనా ఆవిష్కరణను తప్పుగా చిత్రీకరించాలనే ఉద్దేశం తమ సంస్థకు లేదని గల్గోటియాస్ యాజమాన్యం విన్నవించింది. విద్యాపరమైన సమగ్రత పారదర్శకత బాధ్యతాయుతమైన పనితీరు పట్ల తమకు అత్యంత గౌరవం ఉందని తెలిపింది. సంస్థ ప్రతినిధి చేసిన పొరపాటును గుర్తించి నిర్వాహకుల మనోభావాలను గౌరవిస్తూ సమ్మిట్ ప్రాంగణం నుంచి తమ స్టాల్ను ఖాళీ చేసినట్లు పేర్కొంది. భవిష్యత్తులో ఇటువంటి పొరపాట్లు జరగకుండా జాగ్రత్తలు తీసుకుంటామని హామీ ఇచ్చింది.
ప్రస్తుతం ఈ వ్యవహారం సోషల్ మీడియాలో చర్చనీయాంశంగా మారడంతో విశ్వవిద్యాలయం తన వివరణను మీడియా ప్రతినిధులకు పంపింది. తప్పుడు సమాచారం ఇచ్చిన ప్రతినిధిపై అంతర్గత విచారణ జరిపి తగిన చర్యలు తీసుకోనున్నట్లు సమాచారం. గ్రేటర్ నోయిడాలోని ప్రధాన కార్యాలయం నుంచి వెలువడిన ఈ ప్రకటన ద్వారా తమ విద్యాసంస్థ ప్రతిష్టను కాపాడుకునే ప్రయత్నం చేసింది. ఏఐ రంగంలో వస్తున్న కొత్త ఆవిష్కరణల పట్ల తాము ఎల్లప్పుడూ నిబద్ధతతో పని చేస్తామని పునరుద్ఘాటించింది.
Read Also: AC tips: సమ్మర్ వచ్చేసింది.. ఏసీని ఆన్ చేసే ముందు ఈ 4 పనులు తప్పక చేయండి!
Share
India vs Netherlands: శివమ్ దూబే తుఫాన్ ఇన్నింగ్స్..నెదర్లాండ్స్ ముందు కొండంత లక్ష్యం
BEL Recruitment 2026: సువర్ణవకాశం.. బెల్ నుంచి ఉద్యోగ నోటిఫికేషన్, మంచి వేతనం.. డోంట్ మిస్
