Pak woman: ఆన్‌లైన్‌ గేమింగ్ యాప్‌లో పరిచయమైన యువకుడి కోసం ఓ యువతి ఏకంగా దేశం దాటి అక్రమంగా వచ్చేసింది. ఆ తర్వాత పెళ్లి చేసుకొని వారిద్దరు వివాహ జీవితంలోకి అడుగుపెట్టారు. వివాహ జీవితం ఆనందంగా సాగిపోతున్న క్రమంలో… నిఘా వర్గాల కంట పడడంతో ఇద్దరూ జైలు పాలయ్యారు.
ఉత్తర్‌ప్రదేశ్‌కు చెందిన ములాయం సింగ్(25) అనే యువకుడు బెంగళూరులో సెక్యూరిటీ గార్డ్‌గా పనిచేస్తున్నాడు. అతడికి ఓ గేమింగ్ యాప్‌లో పాకిస్థాన్‌కు చెందిన ఇక్రా జీవని(19) అనే యువతితో పరిచయం ఏర్పడింది. అదికాస్త కొన్ని రోజులకు ప్రేమగా మారింది. ఇద్దరు ఒకరిని విడిచి ఒకరు ఉండలేకపోయారు. దీంతో పెళ్లి చేసుకోవాలని నిర్ణయించుకున్నారు.
ఈక్రమంలో ఇక్రా జీవని పాకిస్థాన్ నుంచి నేపాల్ వచ్చేసింది. ములాయం సింగ్ కూడా నేపాల్ వెళ్లి.. అక్కడ ఇద్దరూ పెళ్లి చేసుకున్నారు. కొన్ని రోజులు అక్కడే ఉండి.. తర్వాత ఇండియా-నేపాల్ బార్డర్ ద్వారా భారత్‌కి వచ్చేశారు. బెంగళూరుకు వెళ్లి ఓ ఇంటిని అద్దెకు తీసుకొని కాపురం పెట్టారు. కొత్తగా పెళ్లి చేసుకున్నామని చెబుతూ.. ఇక్రా జీవనిని చుట్టుపక్కల వాళ్లకి ములాయం పరిచయం చేశాడు.
కొన్ని రోజులకు ఇక్రా జీవనికి పాస్‌పోర్ట్ అప్లై చేశాడు. ఈక్రమంలో అధికారులు బ్యాక్ గ్రౌండ్ వెరిఫికేషన్ చేయడంతో అసలు విషయం బయట పడింది. ఇక్రా జీవని పాకిస్థాన్‌కు చెందిన మహిళగా గుర్తించారు. దీంతో వారిద్దరిని అరెస్ట్ చేశారు. అలాగే వారికి ఇళ్లును రెంటుకు ఇచ్చిన గోవింద రెడ్డి అనే వ్యక్తిని కూడా అదుపులోకి తీసుకున్నారు. ఈ కేసుపై మరింత లోతుగా అధ్యయనం చేస్తున్నట్లు పోలీసులు వెల్లడించారు.
Indians: విదేశాలకు క్యూ కడుతున్న భారతీయులు.. దేశాన్ని వీడిన 1.8 కోట్ల మంది
School: ఆ స్కూల్లో ఒక్కరే స్టూడెంట్.. ఒక్కరే టీచర్..
Share
Copper vessel:- రాగిపాత్రలో నైవేద్యం పెడితే.
BSNL: బీఎస్ఎన్ఎల్ బంపర్ ఆఫర్..
