Vijay resignation: తమిళనాడు శాసనసభ ఎన్నికల ఫలితాల తర్వాత రాష్ట్ర రాజకీయాలు ఊహించని మలుపులు తిరిగాయి. గ‌త వారం రోజులుగా కొన‌సాగుతున్న ఉత్కంఠ‌కు నేడు తెర‌ప‌డింది. ఆదివారం ఉద‌యం టీవీకే అధినేత విజయ్ తమిళనాడు ముఖ్యమంత్రిగా ప్రమాణస్వీకారం చేశారు. ఇక రెండు నియోజకవర్గాల నుంచి పోటీ చేసిన విజయ్ ఘనవిజయం సాధించిన సంగ‌తి తెలిసిందే. తాజాగా దళపతి విజయ్ తన ఎమ్మెల్యే పదవికి రాజీనామా చేస్తూ సంచలన నిర్ణయం తీసుకున్నారు. తిరుచ్చి ఈస్ట్, పెరంబూర్ స్థానాల నుంచి విజయం సాధించిన ఆయన.. సాంకేతిక కారణాల దృష్ట్యా ఒక స్థానాన్ని వదులుకోవాల్సి రావడంతో తిరుచ్చి ఈస్ట్ నియోజకవర్గాన్ని విడిచిపెట్టారు.
నియమ నిబంధనల ప్రకారం ఒక అభ్యర్థి రెండు చోట్ల గెలిచినప్పుడు.. నిర్ణీత సమయంలోగా ఒక నియోజకవర్గాన్ని ఎంచుకుని రెండో దానికి రాజీనామా చేయాల్సి ఉంటుంది. దీనిని అనుసరిస్తూ విజయ్ తన రాజీనామా లేఖను అసెంబ్లీ కార్యదర్శికి సమర్పించారు. తిరుచ్చి ఈస్ట్ కంటే పెరంబూర్ నియోజకవర్గాన్నే కొనసాగించాలని ఆయన నిర్ణయించుకున్నట్లు తెలుస్తోంది. విజయ్ రాజీనామాతో తిరుచ్చి ఈస్ట్ స్థానం ఇప్పుడు ఖాళీ కావడంతో.. అక్కడ త్వరలోనే ఉప ఎన్నికకు (By-poll) మార్గం సుగమమైంది.
Read Also: విజయ్ ముఖ్యమంత్రిగా ప్రమాణస్వీకారం.. పవన్ కళ్యాణ్ పోస్ట్ వైరల్!
Share
ఏకతాటి పైకి వచ్చిన దక్షిణాది నిర్మాతలు ... సమస్యలకు చెక్ పెట్టే దిశగా SIFPA
13 బంతుల్లో ఉర్విల్ పటేల్ అర్ధ సెంచరీ, జైశ్వాల్ రికార్డ్ సమం..fastest IPL fifty చేసింది వీళ్లే
