OTT Movie : అల్లరి నరేష్ నటించిన క్రైమ్ థ్రిల్లర్ ‘12A రైల్వే కాలనీ’ రీసెంట్ గా ఓటీటీలోకి వచ్చేసింది. థియేటర్లలో అడుగు పెట్టిన ఇరవై రోజుల్లో డిజిటల్ ఆడియన్స్ ని పలకరిస్తోంది. అయితే ఈ సినిమాకి ఆడియన్స్ నుంచి అనుకున్నంత రెస్పాన్స్ దక్కలేదు. డిజిటల్ లో కొంత మెరుగ్గా కనిపిస్తోంది. నరేష్ సీరియస్ రోల్లో నటించిన ఈ చిత్రం, సాధారణ ప్రేమ కథ నుంచి మర్డర్ మిస్టరీలోకి మారే సస్పెన్స్ థ్రిల్లర్ గా ఉంటుంది. హైదరాబాద్లో జరిగిన నిజ ఘటన ఆధారంగా ఈ మూవీ తెరకెక్కింది. ఈ సినిమా ఏ ఓటీటీలో ఉంది ? దీని కథ ఏమిటి ? అనే వివరాల్లోకివెళ్తే…
‘12A రైల్వే కాలనీ’ క్రైమ్ థ్రిల్లర్ సినిమా నాని కాసరగడ్డ దర్శకత్వంలో రూపొందింది. అల్లరి నరేష్, కామాక్షి భాస్కర్ల ఇందుల లీడ్ రోల్స్ లో నటించారు. పొలిమేర ఫేమ్ డా. అనిల్ విశ్వనాథ్ స్టోరీ అందించిన ఈ మూవీ, శ్రీనివాసా సిల్వర్ స్క్రీన్ బ్యానర్ నిర్మాణంలో రూపొందింది. ఈ సినిమా అల్లరి నరేష్ కెరీర్లో మరో థ్రిల్లర్ అటెంప్ట్గా నిలిచింది. థియేటర్స్లో 2025 నవంబర్ 21న రిలీజ్ అయిన ఈ సినిమా డిసెంబర్ 11నుంచి Amazon Prime Video లో స్ట్రీమింగ్ అవుతోంది. సుమారు 2 గంటల నిడివితో తెలుగు, తమిళ్, కన్నడ, మలయాళం డబ్ వెర్షన్స్ కూడా అందుబాటులో ఉంది.
Read Also : మనుషుల శరీరాలను ముక్కలు ముక్కలుగా కట్ చేసి… 2025లో ఓటీటీలో హయ్యెస్ట్ వ్యూవ్డ్ 8 ఎపిసోడ్ల వెబ్ సిరీస్
కార్తీక్ (అల్లరి నరేష్) ఒక అనే యువకుడు, తన కుటుంబంతో కలిసి నివసిస్తుంటాడు. అతను తన పొరుగున ఉండే ఆరాధన (కామాక్షి భాస్కర్ల)తో ప్రేమలో ఉంటాడు. అంతా సవ్యంగా సాగుతున్న సమయంలో ఆరాధన హఠాత్తుగా మర్డర్ అవ్వడంతో ట్విస్ట్ తీసుకుంటుంది.
ఈ హత్యలన్నీ ’12A’ క్వార్టర్స్తో సంబంధం ఉన్నట్లు పోలీసుల దర్యాప్తులో తేలుతుంది. ఒకానొక సందర్భంలో, జరగని నేరానికి కార్తీక్ ప్రధాన నిందితుడిగా మారుతాడు. పోలీసులు మరియు స్థానికులు అతన్నే దోషిగా నమ్ముతారు.
తన నిర్దోషిత్వాన్ని నిరూపించుకోవడానికి కార్తీక్ స్వయంగా రంగంలోకి దిగుతాడు. ఆ 12A ఇంట్లో గతంలో చనిపోయిన ఒక వ్యక్తి ఆత్మ తిరుగుతోందని, అదే ఈ హత్యలకు కారణమని స్థానికులు భయపడుతుంటారు. అయితే అది నిజంగా ఆత్మ పనా? లేక ఎవరైనా మనుషులు కావాలని చేస్తున్న కుట్రా? అనే కోణంలో కథ ఉత్కంఠభరితంగా సాగుతుంది. ఈ సినిమా చివరిలో ‘పొలిమేర’ తరహాలోనే ఒక భారీ ట్విస్ట్ ఉంటుంది. ఈ హత్యల వెనుక ఉన్న అసలు వ్యక్తి ఎవరు? ఆ 12A ఇంటికి ఉన్న శాపం ఏమిటి? అనే ప్రశ్నలకు సమాధానం ఈ సినిమా చూసి తెలుసుకోవాల్సిందే.
Share
OTT Movie : సైకోల చేతికి చిక్కే ఒంటరి అమ్మాయి... ఒక్కో సీన్ అరాచకం... సస్పెన్స్ తో మెంటలెక్కించే థ్రిల్లర్
Today Movies in TV : మంగళవారం టీవీ సినిమాలు.. మిస్ అవ్వకుండా చూడాల్సిన సినిమాలివే..
