56 Days Thriller Series OTT : మరో ఇంటెన్స్ సైకలాజికల్ థ్రిల్లర్ ఆడియన్స్ ని ఆకట్టుకుంటోంది. ’56 డేస్’ అనే ఈ ఎనిమిది ఎపిసోడ్ల హాలీవుడ్ సిరీస్, ఇప్పుడు స్ట్రీమింగ్ కి అందుబాటులోకి వచ్చింది. ఈ సిరీస్ 2021లో అత్యధికంగా అమ్ముడైన కేథరీన్ ర్యాన్ హోవార్డ్ నవల ఆధారంగా రూపొందింది. ఒక ప్రేమకథ ఊహించని మలుపులతో భయంకరమైన థ్రిల్లర్ మోడ్ కి వెళ్తుంది. ఇది సస్పెన్స్ తో నడిచే సిరీస్గా మంచి రెస్పాన్స్ పొందుతోంది. థ్రిల్లర్ ఫ్యాన్స్ మిస్ కాకుండా చూడాల్సిన సిరీస్ ఇది. దీనిని ఎక్కడ చూడచ్చు ? కథ ఏమిటి ? అనే వివరాల్లోకి వెళ్తే ..
డవ్ కామెరాన్, అవాన్ జోగియా ప్రధాన పాత్రల్లో నటించిన ’56 డేస్’ (56 Days) చిత్రం బోస్టన్ నేపథ్యంలో సాగే ఒక థ్రిల్లర్ సిరీస్. ప్రముఖ హర్రర్ చిత్రాల దర్శకుడు జేమ్స్ వాన్ దీనికి ఎగ్జిక్యూటివ్ ప్రొడ్యూసర్గా వ్యవహరించారు. అమెజాన్ MGM స్టూడియోస్ నిర్మాణంలో ఈ సిరీస్ రూపొందింది. ఈ సిరీస్ మొత్తం 8 ఎపిసోడ్లు 2026 ఫిబ్రవరి 18న ఒకేసారి విడుదలయ్యాయి. ఇప్పుడు ప్రైమ్ వీడియోలో అన్ని ఎపిసోడ్లు అందుబాటులో ఉన్నాయి.
సియారా, ఆలివర్ అనే ఇద్దరు వ్యక్తులు ఒక సూపర్ మార్కెట్లో అనుకోకుండా పరిచయమై, ఒకరినొకరు ఇష్టపడతారు. పరిచయమైన కొద్దిరోజులకే వాళ్ళు కలిసి ఒకే ఇంట్లో ఉండాలని నిర్ణయించుకుంటారు. అయితే ఒకరి గురించి ఒకరికి ఏమీ తెలియదు. వారిద్దరి గతం వెనుక కొన్ని రహస్యాలు కూడా ఉంటాయి. సరిగ్గా 56 రోజుల తర్వాత, ఆలివర్ అపార్ట్మెంట్లోని బాత్టబ్లో ఒక మృతదేహం బయటపడటంతో కథలో అసలైన ఉత్కంఠ మొదలవుతుంది. అసలు ఆ చనిపోయింది ఎవరు? సియారా లేదా ఆలివర్లలో ఎవరైనా హంతకులా? అనే కోణంలో పోలీసుల దర్యాప్తు సాగుతుంది.
ఇక ఈ సిరీస్ రెండు కాలాల్లో నడుస్తుంది. ఒకవైపు ఆ 56 రోజుల్లో వాళ్ళ మధ్య ప్రేమ కథ. ఆ సమయంలో ఏం జరిగింది అనేది చూపిస్తూనే, మరోవైపు ప్రస్తుతం జరుగుతున్న హత్య విచారణను ఆసక్తికరంగా చూపిస్తారు. ప్రతి ఎపిసోడ్ ఒక కొత్త సెక్రెట్ బయటపెడుతూ, వీరిద్దరిలో ఎవరు ఎవరిని మోసం చేస్తున్నారో అన్న సస్పెన్స్తో సాగుతుంది. ఆ మృతదేహం వెనుక ఉన్న మిస్టరీ ఏంటి ? ఆ 56 రోజుల్లో వారి జీవితాలు ఎలా మారిపోయాయి అనేదే ఈ ’56 డేస్’ ప్రధాన కథాంశం.
Read Also : గతం మరిచిపోయే భార్య… భర్త ఇచ్చే షాకింగ్ ట్విస్టులు… ఊహించని మలుపులతో చెమటలు పట్టించే స్టోరీ
Share
KTR: బడ్జెట్లో కాంగ్రెస్ ఇచ్చిన హామీలకు నిధులు కేటాయించాలి.. సీఎం రేవంత్ రెడ్డికి కేటీఆర్ బహిరంగ లేఖ
Dhurandhar 2: దురంధర్ లాగా కాదు.. దురంధర్ 2లో పెద్ద మార్పు ప్లాన్ చేసిన మేకర్స్..!
