OTT Movie : సస్పెన్స్ తో సాగే సీరియల్ కిల్లర్ సినిమాలు చిల్లింగ్ థ్రిల్ ని ఇస్తుంటాయి. ఆడియన్స్ కూడా సీట్ ఎడ్జ్ వరకూ చేరుకొని ఈ సినిమాలను ఎంజాయ్ చేస్తుంటారు. ఈ నేపథ్యంలో వచ్చిన ఒక కన్నడ సినిమా, వరుస హత్యలతో ఊహించని ట్విస్టులు ఇస్తోంది. ఈ సినిమా ఎస్. నారాయణ్ దర్శకత్వం వహించిన 50వ చిత్రం కాగా, నటుడు ఆదిత్య నటించిన 25వ చిత్రంగా ప్రేక్షకుల ముందుకు వచ్చింది. థియేటర్లలో పాజిటివ్ టాక్ తెచ్చుకున్న ఈ సినిమా, డిజిటల్ స్ట్రీమింగ్ లోనూ సక్సెస్ అయింది. దీని పేరు ఏమిటి ? ఏ ఓటీటీలో ఉంది ? అనే వివరాలను తెలుసుకుందాం పదండి.
‘5D’ 2024లో విడుదలైన కన్నడ సస్పెన్స్ థ్రిల్లర్ చిత్రం. S. నారాయణ్ దర్శకత్వంలో వన్ టు హండ్రెడ్ బ్యానర్‌పై స్వాతికుమార్ ఈ చిత్రాన్ని నిర్మించారు. ఈ చిత్రంలో ఆదిత్య, అదితి ప్రభుదేవా, జ్యోతి రాయ్ లీడ్ రోల్స్ లో నటించారు. ఈ సినిమా 2024 ఫిబ్రవరి 16న థియేటర్లలో విడుదలైంది. ప్రస్తుతం జియో హాట్ స్టార్ లో ఈ సినిమా అందుబాటులో ఉంది. ఐయండిబిలో 7.0/10 రేటింగ్ ని కూడా సాధించింది.
బెంగళూరులో క్రూరమైన వరుస హత్యలు కర్ణాటక పోలీస్ డిపార్ట్‌మెంట్‌ను షేక్ చేస్తుంది. మొదటి విక్టిమ్ ఒక బిజినెస్‌ మ్యాన్ గొంతు కోసి చంపబడతాడు. రెండోది ఒక జర్నలిస్ట్ కారు మంటల్లో చిక్కుకొని కాలిపోతాడు. మూడోది ఒక రియల్ ఎస్టేట్ ఏజెంట్ హోటల్ రూమ్‌లో హ్యాంగ్ అయి కనిపిస్తాడు. అందరి డెత్ సీన్‌లో ఒక రెడ్ రిబ్బన్ దొరుకుతుంది. ఒకే నంబర్ నుంచి మిస్డ్ కాల్స్, ఒకే వాట్సాప్ గ్రూప్ “5D” ఉండటంతో CCB ఆఫీసర్ విక్రమ్ కేసు టేకప్ చేస్తాడు. ఫోరెన్సిక్ ఎవిడెన్స్, CCTV, ఫోన్ డేటా ద్వారా ఇన్వెస్టిగేట్ చేస్తాడు. అతని సోదరి 5 ఏళ్ల క్రితం మిస్టీరియస్‌గా అదృశ్యమైన బ్యాక్‌ స్టోరీతో పర్సనల్ మోటివ్ కూడా జత అవుతుంది.
ఫ్లాష్‌ బ్యాక్‌లలో విక్టిమ్స్ డార్క్ సీక్రెట్స్ బయటపడతాయి. ఒక బిజినెస్‌ మ్యాన్ భార్యను మోసం చేసి సూసైడ్‌కు దారి తీస్తాడు. జర్నలిస్ట్ ఫేక్ న్యూస్ రాసి ఒక ఫ్యామిలీని డిస్ట్రాయ్ చేస్తుంది. రియల్ ఎస్టేట్ ఏజెంట్ బ్లాక్‌మెయిల్‌తో డబ్బు సంపాదిస్తాడు. విక్రమ్ తన టీమ్‌తో కలిసి కిల్లర్ ఐడెంటిటీ, “5D” గ్రూప్ మోటివ్ తెలుసుకోవడానికి ప్రయత్నిస్తాడు. క్లైమాక్స్‌లో మైండ్ బ్లోయింగ్ ట్విస్ట్‌తో కిల్లర్ ఎవరో రివీల్ అవుతుంది. ఇంతకీ ఈ సీరియల్ కిల్లర్ ఎవరు ? ఎందుకు వీళ్ళను చంపుతున్నాడు ? విక్రమ్ సోదరికి, ఈ హత్యలకు సంబంధం ఉందా ? అనే విషయాలను, ఈ కన్నడ సస్పెన్స్ థ్రిల్లర్ సినిమాను చూసి తెలుసుకోండి.
Share
Plane Crash: తీవ్ర విషాదం.. చూస్తుండగానే కుప్పకూలిన విమానం.. 20 మంది గల్లంతు..
Konda Surekha: మంత్రి కొండా సురేఖ.. అర్థరాత్రి ఎందుకలా? వివాదానికి ముగింపు?
