8 A.M. Metro OTT : ‘కాంతారా 2’ నటుడు గుల్షన్ దేవయ్య ప్రధాన పాత్రలో నటించిన మూవీ ‘8 AM మెట్రో’. 2023 లో వచ్చిన ఈ సినిమాలో సయామి ఖేర్ కథా నాయికగా నటించింది. పరిమితంగా థియేటర్లలో విడుదల అయినప్పటికీ ప్రశంసలు అందుకుంది ఈ హిందీ సినిమా. థియేటర్లలో విడుదలైన తరువాత ZEE5లో డిజిటల్ స్ట్రీమింగ్ కి వచ్చింది. అయితే ఇప్పుడు ఈ ఫీల్ గుడ్ మూవీ మరో ఓటీటీలోకి అడుగుపెట్టింది. దీంతో ఈ సినిమా ప్రేక్షకులకు మరింత కనెక్ట్ కానుంది. మరి ఈ సినిమా ఏ ఓటీటీలోకి అడుగు పెట్టింది ? దీని కథ ఏమిటి ? అనే వివరాలను తెలుసుకుందాం పదండి.
‘8 ఎ.ఎం. మెట్రో’ (8 A.M. Metro OTT) 2023లో హిందీలో వచ్చింది. స్టూడియో 99 బ్యానర్‌పై రాజ్ రాచకొండ & కిషోర్ గంజి నిర్మించిన ఈ సినిమాకు రాజ్ రాచకొండ దర్శకత్వం వహించాడు. గుల్షన్ దేవయ్య, సయామి ఖేర్ ప్రధాన పాత్రల్లో నటించిన ఈ సినిమా 2023 మే 19న థియేటర్లలో విడుదలై విమర్శకుల నుండి ప్రశంసలు అందుకుంది. ఈ సినిమాలోని కవితలను ఆస్కార్ పురస్కార గ్రహీత గుల్జార్ రచించగా, మార్క్ కె రాబిన్ సంగీతం అందించారు. ‘8ఎఎం మెట్రో’ 2024 మే 10 నుండి జీ5 ఓటీటీలో స్ట్రీమింగ్ అవుతోంది. ప్రస్తుతం ఇది అమెజాన్ ప్రైమ్ వీడియోలో కూడా స్ట్రీమింగ్ కి వచ్చింది.
ఈ కథ చాలా సాదాసీదాగా, మనసుకి హత్తుకునేలా ఉంటుంది. నాందేడ్‌లో ఉండే ఇరావతి (సయామీ ఖేర్) అనే మహిళకి పెళ్లై ఇద్దరు పిల్లలు కూడా ఉంటారు. అయితే ఆమెకు రైలు ప్రయాణాలన్నా, రద్దీ అన్నా ఒక రకమైన భయం. ఒక రోజు హైదరాబాద్‌లో ఉన్న తన గర్భిణీ చెల్లెలికి సాయం చేయడం కోసం ఆమె తప్పనిసరి పరిస్థితుల్లో అక్కడికి వెళ్తుంది. అక్కడ ప్రతిరోజూ ఉదయం 8 గంటలకు మెట్రోలో ప్రయాణం చేయాల్సి వస్తుంది. ఆ ప్రయాణంలోనే ఆమెకు ప్రీతమ్ (గుల్షన్ దేవయ్య) పరిచయమవుతాడు. ప్రీతమ్ ఒక బ్యాంకర్‌గా పనిచేస్తుంటాడు. అతనికి పుస్తకాలు, కవితలు అంటే చాలా ఇష్టం. ఇక స్టేషనులో ఇరావతికి భయంతో చెమటలు పడతాయి. ఆమెకు ప్రీతమ్ వాటర్ బాటిల్ ఇచ్చి భయాన్ని పోగొట్టడానికి ట్రై చేస్తాడు.
మొదట్లో ఇద్దరూ అపరిచితులే అయినా, క్రమంగా వాళ్ళ మధ్య మంచి స్నేహం ఏర్పడుతుంది. ఇద్దరూ తమ జీవితాల్లోని బాధలు, గతాన్ని ఒకరితో ఒకరు పంచుకుంటారు. ప్రీతమ్ తన మాటలతో, కవిత్వంతో ఇరావతిలో ఉన్న భయాన్ని పోగొట్టి ఆమెలో ఆత్మవిశ్వాసాన్ని నింపుతాడు. చివరికి వాళ్ళ ప్రయాణం ఎలాంటి ముగింపును ఇచ్చింది ? ట్రైన్ అంటే ఇరావతికి ఎందుకు అంత భయం? అనేది సినిమా చూసి తెలుసుకోవాల్సిందే.
Read Also : మార్చురీలో మతిపోగొట్టే పనులు… గుండెలదిరే సీన్స్… హర్రర్ మూవీ అంటే ఇలా ఉండాలి మావా
Share
Huzurabad municipality: హుజూరాబాద్ మున్సిపల్ పీఠం కాంగ్రెస్ కైవసం.. చైర్‌పర్సన్‌గా రెంటాల సుహాసిని ఎన్నిక
Chiranjeevi: చిరంజీవి భుజానికి సర్జరీ... పూర్తిగా కోలుకుంటున్నానంటూ పోస్ట్!
