OTT Movie : 2 గంటల 55 నిమిషాల సౌత్ క్రైమ్ థ్రిల్లర్… మెంటలెక్కించే సస్పెన్స్ మావా

OTT Movie : ఓటీటీలలోకి సిరీస్ లు, సినిమాలు ఒక వస్తూనే ఉన్నాయి. వాటిని ప్రేక్షకులు చూస్తూనే ఉన్నారు. అయితే వీటిలో థ్రిల్లర్ స్టోరీలనే చూడటానికి ఎక్కువ ఇంట్రెస్ట్ చూపిస్తున్నారు. కంటెంట్ నచ్చితే భాషతో కూడా పని లేకుండా చూస్తున్నారు. ఆడియన్స్ కి ఒక కిక్ ఇచ్చే అలాంటి థ్రిల్లర్ సినిమా ఓటీటీలో స్ట్రీమింగ్ అవుతోంది. ఇది ఒక పోలీస్ ఆఫీసర్ తన సర్వీస్ రివ్వాల్వర్ పోగొట్టుకోవడంతో మొదలవుతుంది. ఉహించని ట్విస్టులు, అదిరిపోయే క్లైమాక్స్ తో ఈ సినిమా ఆడియన్స్ ని ఆకట్టుకుంది. దీని పేరు ఏమిటి ? ఏ ఓటీటీలో ఉంది. అనే వివరాల్లోకి వెళ్తే

అమెజాన్ ప్రైమ్ వీడియోలో

‘8 థోట్టక్కల్’ 2017లో విడుదలైన తమిళ క్రైమ్ థ్రిల్లర్ చిత్రం. శ్రీ గణేష్ మొదటి సారి డైరెక్టర్‌గా రూపొందించిన ఈ మూవీలో వెట్రి, అపర్ణ బాలమురళి, నాస్సర్ ప్రధాన పాత్రల్లో నటించారు. వెట్రివెల్ సరవణ సినిమాస్ నిర్మాణంలో ఈ సినిమా తెరకెక్కింది. ఈ సినిమా 2017 ఏప్రిల్ 7న థియేటర్లలో రిలీజ్ ఐంది. 2 గంటల 55 నిమిషాల నిడివితో ఐఎండిబిలో 7.5/10 రేటింగ్ పొందింది. ప్రస్తుతం అమెజాన్ ప్రైమ్ వీడియోలో ఈ సినిమా అందుబాటులో ఉంది.

స్టోరీ ఏమిటంటే

సత్య ఒక హానెస్ట్ పోలీసు ఇన్‌స్పెక్టర్. ఒక రోజు డ్యూటీలో ఉండగా అతని సర్వీస్ రివాల్వర్ (8 బుల్లెట్లు లోడ్ అయిన గన్) పబ్లిక్ బస్సులో పిక్‌పాకెట్‌కి దొంగిలించబడుతుంది. గన్ పోతే సస్పెండ్ అవుతాడని భయపడి ఎవరికీ చెప్పకుండా రహస్యంగా వెతకడం మొదలుపెడతాడు. అదే గన్ రామస్వామి అనే 60 ఏళ్ల అనే వ్యక్తి చేతికి చిక్కుతుంది. రామస్వామి జీవితం ట్రాజెడీలతో నిండి ఉంది. భార్య చనిపోయింది, కొడుకు జైలులో ఉన్నాడు. హాస్టల్‌లో ఫీజు కట్టలేక పోతే, ఒక రోజు మనవడిని హాస్టల్ వార్డెన్ కొడతాడు.

రామస్వామి ఆగ్రహంలో వార్డెన్‌ని ఆ 8 బుల్లెట్ గన్‌తో కాల్చి చంపేస్తాడు. ఇక అతనిలో ఒక భయంకర మార్పు వస్తుంది. ఇలా మొత్తం 6–7 మందిని చంపేస్తాడు. సత్యకి ఈ మర్డర్స్ కేసు అప్పజెప్పగానే షాక్ అవుతాడు. ఎందుకంటే ఈ కేసులో ఉపయోగించిన గన్ తనదే అని తెలుస్తుంది. ఇక సత్య రెండు వైపులా ఇరుక్కుంటాడు. ఆ కిల్లర్ కోసం వేట మొదలు పెడతాడు. చివరికి కిల్లర్ ని సత్య పట్టుకుంటాడా ? ఈ హత్యలను ఆపుతాడా ? అనే విషయాలను, ఈ క్రైమ్ థ్రిల్లర్ సిరీస్ ని చూసి తెలుసుకోండి.