Action series OTT : ఎంటర్టైన్ చేసే కంటెంట్ కావాలనుకుంటే, ఇప్పుడు చెప్పుకోబోయే సిరీస్ ను చూసేయచ్చు. ఇది హారర్, కామెడీ, యాక్షన్ కలగలిసిన గోతిక్ స్టైల్‌లో ఉంటుంది. చచ్చి బతికిన ఒక వ్యక్తి దెయ్యాలను వేటాడే క్రమంలో ఈ కథ ఉంటుంది. ఒక్కో ఎపిసోడ్ లో ఈ దెయ్యాల వేట చాలా ఎంటర్టైన్ చేస్తుంది. విజువల్స్ అయితే మైండ్ బ్లాక్ చేస్తాయి ఇందులో. దీనికి ఐయండిబిలో ఏడుకు పైగా రేటింగ్ కూడా ఉంది. ఆడియన్స్ నుంచి విశేష స్పందన వస్తోంది ఈ సిరీస్ కు.
ఈ యాక్షన్ కామెడీ వెబ్ సిరీస్ పేరు ‘ది బాండ్స్‌మన్’ (The Bondsman). ఇందులో హాలీవుడ్ స్టార్ కెవిన్ బేకన్ ప్రధాన పాత్రలో నటించారు. కెవిన్ బేకన్‌తో పాటు జెన్నిఫర్ నెటిల్స్, బెత్ గ్రాంట్, మాక్స్‌వెల్ జెంకిన్స్ కీలక పాత్రలు పోషించారు. దీనిని ప్రముఖ హారర్ చిత్రాల నిర్మాణ సంస్థ బ్లమ్‌హౌస్ టెలివిజన్ నిర్మించింది. అందుకే ఇందులో దెయ్యాలు, రక్తం చిందే సీన్లు రియలిస్టిక్‌గా ఉంటాయి. ఈ సిరీస్ మొత్తం 8 ఎపిసోడ్లతో ప్రైమ్ వీడియోలో 2025 ఏప్రిల్ న విడుదలై మంచి ఆదరణ పొందుతోంది.
హబ్ అనేవాడు ఒక మాస్ వ్యక్తి, పైసల కోసం ఎవరినైనా పట్టుకొచ్చే బౌంటీ హంటర్ పని చేస్తుంటాడు. ఒకసారి ఎవడో వీణ్ణి దారుణంగా చంపేస్తాడు. కానీ వీడి టైమ్ బాగుండి, నరకంలో ఉండే యమధర్మరాజు వీడికి ఒక ఆఫర్ ఇస్తాడు. నరకం నుండి కొంతమంది దెయ్యాలు తప్పించుకుని భూమి మీద తిరుగుతున్నాయి, వాళ్లని నువ్వు వేటాడి తిరిగి నా దగ్గరికి పట్టుకొస్తే.. నిన్ను మళ్ళీ బతికిస్తానని కండిషన్ పెడతాడు. అలా చచ్చిపోయిన హబ్, మళ్ళీ ప్రాణాలతో లేచి వస్తాడు. ఇక భూమి మీదకి తిరిగి వచ్చిన హబ్ కి మామూలు పవర్స్ రావు, అతను తన పాత గిటార్ పట్టుకుని, దెయ్యాలను వెతుక్కుంటూ వేట మొదలుపెడతాడు. అయితే అతను కేవలం దెయ్యాలనే కాదు, చనిపోకముందు వదిలేసిన పెళ్లాం, పిల్లలతో తన పాత జీవితాన్ని కూడా సెట్ చేసుకోవాలని ట్రై చేస్తాడు.
ఒక పక్క భయంకరమైన నరకం దెయ్యాలు, ఇంకోపక్క గిటార్ పట్టుకుని పాటలు పాడే తన పాత కోరిక.. ఈ రెండిటి మధ్య హబ్ చేసే రచ్చ అంతా ఇంతా కాదు. ప్రతి ఎపిసోడ్ లో ఒక్కో వెరైటీ దెయ్యాన్ని హబ్ చితక్కొట్టి నరకానికి పంపుతుంటాడు. ఇది చూడటానికి అచ్చం మన పాత ఊర మాస్ యాక్షన్ సినిమా లాగే ఉంటుంది. చివరికి హబ్ దెయ్యాల క్లియరెన్స్ ఎంతవరకు ఉంటుంది ? తన ఫ్యామిలీకి మళ్ళీ దగ్గర అవుతాడా ? ఈ సిరీస్ ఎలాంటి ముగింపును ఇస్తుంది ? అనే విషయాలను, ఈ కామిడీ హారర్ ను చూసి తెలుసుకోండి.
Read Also : కోటీశ్వరుడి మాయలో అందాల పనిమనిషి… ఉక్కిరి బిక్కిరి చేసే భార్య బాగోతం… సిడ్నీ స్వీనీ హిట్ మూవీ తెలుగులో
Share
Today Horoscope in Telugu: ఆ రాశి వారు చేపట్టిన పనుల్లో విజయం - నిరుద్యోగులకు ఉద్యోగ అవకాశం
Fantasy Drama OTT : దేవుడి కోరికను తీర్చే మనిషి... ఓటీటీలోకి మలయాళ ఫాంటసీ డ్రామా... ఎక్కడ చూడచ్చు అంటే
