Fantasy Drama OTT : సైజు కురుప్ గత ఏడాది నటించిన మలయాళం ఫాంటసీ మూవీ ఓటీటీలోకి వచ్చేసింది. అయితే థియేటర్లలో ఈ చిత్రం ప్రేక్షకులను పెద్దగా ఆకట్టుకోలేకపోయింది. బాక్సాఫీస్ వద్ద నిరాశపరచిన ఈ సినిమా, థియేటర్లలో విడుదలైన దాదాపు ఎనిమిది నెలల తర్వాత ఆన్‌లైన్‌లో స్ట్రీమింగ్ కి వచ్చింది. ఈ వారం వరకు ఈ మూవీ డిజిటల్ ప్రీమియర్ గురించి ఎటువంటి సమాచారం లేదు. ఉన్నట్టుండి ముందస్తు సమాచారం ఇవ్వకుండానే, దీనిని ఓటీటీలో రిలీజ్ చేశారు. అయితే ఈ సినిమా ఫ్యామిలీతో కలిసి చూసేందుకు మంచి ఆప్షన్. ఎందుకంటే స్టోరీ హింస, రొమాన్స్ లాంటి సీన్స్ లేకుండా, ఒక రోడ్ ట్రిప్ లా సాగుతుంది.
ఫెబి జార్జ్ దర్శకత్వం వహించిన ‘రిటన్ అండ్ డైరెక్టెడ్ బై గాడ్’ (Written & Directed by God) 2025 జూన్ 5న థియేటర్లలో విడుదలైంది. ఇందులో సైజు కురుప్, సన్నీ వేన్, అపర్ణ దాస్ ప్రధాన పాత్రల్లో నటించారు. షాన్ రెహమాన్ దీనికి సంగీతం అందించారు. ఈ సినిమా 2026 మార్చి 20 నుంచి మనోరమ మాక్స్ (Manorama Max)లో స్ట్రీమింగ్ అవుతోంది. అయితే ఇప్పుడు ఈ మలయాళ చిత్రం కేవలం ఇంగ్లీష్ సబ్-టైటిల్స్‌తో ఒరిజినల్ భాషలో మాత్రమే అందుబాటులో ఉంది. తెలుగు ఆడియన్స్ కు ఇది నిరాశపరిచే విషయమే.
జిజో అనే ఒక యువకుడు పెద్ద డైరెక్టర్ అయిపోదామని తెగ ఆశపడతాడు. కానీ పాపం అతను తీసిన సినిమాలన్నీ అట్టర్ ప్లాప్ అవుతాయి. చేతిలో చిల్లిగవ్వ లేదు, అప్పులవాళ్ల గోల ఎక్కువైపోయింది. విసిగిపోయిన జిజో, అసలు నీకు కళ్లు ఉన్నాయా? నా బతుకు ఎందుకు ఇలా చేసావు? అని ఆకాశం వైపు చూసి దేవుడిని నోటికొచ్చినట్టు తిడతాడు. అతని బాధను భరించలేక సాక్షాత్తూ ఆ దేవుడే (సన్నీ వేన్) మనిషి రూపంలో కిందకి దిగి వస్తాడు. అయితే ఇక్కడే ఒక ట్విస్ట్ ఉంది. దేవుడు జిజో కష్టాలు తీర్చడానికి రాలేదు, రివర్స్‌లో జిజో సాయం కోరతాడు. నాకు కూడా ఒక చిన్న కోరిక ఉంది, అది నువ్వే తీర్చాలని కండిషన్ పెడతాడు. ఇక చేసేదేం లేక, జిజో ఆ దేవుడిని తన బైక్ మీద ఎక్కించుకుని ఒక రోడ్ ట్రిప్‌కి బయలుదేరుతాడు. ఆ ప్రయాణంలో దేవుడితో కలిసి తిరుగుతున్నప్పుడు జిజోకి జీవితం అంటే ఏంటో అర్థమవుతుంది. చివరికి ఆ దేవుడి కోరిక ఏంటి? ఈ డైరెక్టర్ దేవుని కోరికను తీర్చాడా ? అనే విషయాను, ఈ సినిమాను చూసి తెలుసుకోండి.
Read Also : భార్యను దెయ్యానికి తాకట్టు… రాత్రయితే రగడ… వణికిస్తున్న ఒక్కో సీన్
Share
Action series OTT: చావును గెలిచి దెయ్యాల వేట... మైండ్ బ్లాస్ట్ చేసేలా ఒక్కో ఎపిసోడ్
Suspense Thriller OTT : మిస్సింగ్ కేసుతో మొదలయ్యే మర్డర్ కేసు... 2 గంటల పాటు సీట్ ఎడ్జ్ లో ఉంచే కన్నడ క్రైమ్ థ్రిల్లర్
