Action Thriller OTT : మాఫియాకి ముచ్చెమటలు పట్టించే బాక్సింగ్ బ్రదర్స్… ప్రతీ ఎపిసోడ్ క్రేజీగా… ఐయండిబిలో 8.1రేటింగ్

Action Thriller OTT : కొరియన్ డ్రామాలకు ఇప్పుడు క్రేజ్ చాలానే ఉంది. రొమాంటిక్ నుంచి, యాక్షన్ ల వరకు వేటినీ వదలట్లేదు అభిమానులు. ఈ నేపథ్యంలో ఒక యాక్షన్ సిరీస్ ఓటీటీలో అదరగొడుతోంది. మొత్తం 8 ఎపిసోడ్లు ఉన్న ఈ సిరీస్, అద్భుతమైన బాక్సింగ్ యాక్షన్ సీక్వెన్స్‌లతో ఇంట్రెస్టింగ్ గా ఉటుంది. అప్పుల ఊబిలో చిక్కుకున్న సామాన్యులను వేధించే ఒక క్రూరమైన వడ్డీ వ్యాపారిని, ఎదిరించే ఇద్దరు బాక్సర్ల చుట్టూ ఈ కథ ఉంటుంది. ఒక్క ఎపిసోడ్ చూసినా మాస్ మరో లెవెల్ అన్నట్లు ఉంటుంది.

నెట్‌ఫ్లిక్స్ (Netflix)లో స్ట్రీమింగ్

ఈ కొరియన్ యాక్షన్ సిరీస్ పేరు ‘బ్లడ్ హౌండ్స్’ (Bloodhounds). ఇందులో ప్రధాన పాత్రల్లో వూ దో-హ్వాన్, లీ సాంగ్-యి నటించారు. విలన్ పాత్రలో పార్క్ సుంగ్-వూంగ్ అద్భుతంగా నటించారు. 2023లో నెట్‌ఫ్లిక్స్ (Netflix) లో విడుదలైన మంచి గుర్తింపు పొందింది. ఈ సిరీస్. ఈ సిరీస్ భారీ విజయాన్ని సాధించడంతో నెట్‌ఫ్లిక్స్ రెండవ సీజన్‌ను ప్రకటించింది. సీజన్ 2, 2026ఏప్రిల్ 3న విడుదల కానుంది. ఇందులో ప్రముఖ నటుడు రెయిన్ విలన్ పాత్రలో కనిపించబోతున్నారు. దీనికి ఐయండిబిలో 8 కి పైగా రేటింగ్ కూడా ఉంది.

స్టోరీ ఏమిటంటే

హీరో గన్-వూ ఒక అమాయకపు బాక్సింగ్ కుర్రాడు. కరోనా టైమ్‌లో వాళ్ల అమ్మ నడుపుతున్న చిన్న హోటల్ నష్టాల్లో ఉంటుంది. సరిగ్గా అదే టైమ్‌లో కిమ్ అనే ఒక క్రూరమైన వడ్డీ వ్యాపారి తక్కువ వడ్డీకే అప్పు ఇస్తాననని నమ్మించి గన్-వూ వాళ్ల అమ్మను నిలువునా ముంచేస్తాడు. అప్పు కట్టలేదని ఆ రౌడీలు వచ్చి హోటల్‌ను పగలగొట్టి, అడ్డువచ్చిన గన్-వూ ముఖం మీద కత్తితో పెద్ద గాటు పెట్టి నానా బీభత్సం చేస్తారు. తన తల్లిని ఏడిపించి, తన ముఖం పాడు చేసిన ఆ వడ్డీ మాఫియాని నరికి పారేయాలని గన్-వూ కసితో రగిలిపోతాడు. ఒంటరిగా వెళ్తే పని అవ్వదని తెలిసిన గన్-వూకి, బాక్సింగ్ రింగులో పరిచయమైన తన దోస్త్ వూ-జిన్ తోడవుతాడు.

వీళ్ళిద్దరూ కలిసి ప్రెసిడెంట్ చోయ్ అనే ఒక పెద్దాయన దగ్గర పనికి కుదురుతారు. ఆ పెద్దాయన ఒకప్పుడు మనీలెండింగ్ సెక్టార్‌లో తోపు, కానీ ఇప్పుడు మంచిగా మారిపోయి పేదోళ్లకి వడ్డీ లేకుండా సాయం చేస్తుంటాడు. విలన్ కిమ్ కి, ఈ పెద్దాయనకి పాత పగలు ఉంటాయి. దాంతో మన బాక్సర్లిద్దరూ ఆ పెద్దాయనకి కుడి ఎడమ భుజాల్లా మారి, బాక్సింగ్ పంచులతో విలన్ దగ్గర ఉండే రౌడీల దవడలు పగలగొడుతూ వాడి సామ్రాజ్యాన్ని ఒక్కొక్కటిగా కూల్చేస్తుంటారు. అయితే క్లైమాక్స్‌లో విలన్ ప్రెసిడెంట్ చోయ్‌ని, ఆయన మనుషుల్ని చంపేస్తాడు. దీంతో హీరోలిద్దరికీ పిచ్చెక్కిపోతుంది. చివరికి ఈ ఇద్దరు బాక్సర్ కుర్రాళ్లు ఆ పెద్ద రౌడీ గ్యాంగ్‌ని ఎలా మట్టికరిపించారనేదే ఈ అసలు సిసలైన యాక్షన్ స్టోరీ క్లైమాక్స్.