Action Thriller OTT : ఓటీటీలోకి రీసెంట్ గా ఒక తమిళ యాక్షన్ థ్రిల్లర్ మూవీ స్ట్రీమింగ్ కు వచ్చింది. ఒక లేడీ ఇన్స్పెక్టర్ చుట్టూ తిరిగే ఈ స్టోరీ యాక్షన్ సీన్స్ తో దద్దరిల్లిపోతోంది. యాక్షన్ థ్రిల్లర్ ఫ్యాన్స్ ఓ లుక్ వేయాల్సిన సినిమా ఇది. దీని పేరు ఏమిటి? ఏ ఓటీటీలో ఉంది? అనే వివరాల్లోకి వెళితే…
ఈ యాక్షన్ క్రైమ్ థ్రిల్లర్ తమిళ మూవీ పేరు ‘యోగిదా’ (Yogida). ఈ సినిమాలో సాయి ధన్సిక ప్రధాన పాత్రలో నటించగా, ప్రతినాయకుడిగా కబీర్ దుహన్ సింగ్ నటించారు. సీనియర్ నటులు సాయాజీ షిండే, మనోబాల కీలక పాత్రలు పోషించారు. ఈ చిత్రానికి దీపక్ దేవ్, అశ్వమిత్ర సంగీతాన్ని అందించారు. వి. సెంథిల్ కుమార్ శ్రీ మోనికా సినీ ఫిల్మ్స్ బ్యానర్‌పై ఈ చిత్రాన్ని నిర్మించారు. ఈ సినిమా 2026 ఫిబ్రవరి 6 న థియేటర్లలో రిలీజ్ అయింది. అయితే ఇది మిక్స్డ్ టాక్ తో నడిచింది. ఆ తరువాత మార్చి 13నుంచి ఆహా తమిళ్ (Aha Tamil) ఓటీటీలో స్ట్రీమింగ్ అవుతోంది ఈ సినిమా.
ఈ సినిమా ఒక పక్కా మాస్ యాక్షన్ థ్రిల్లర్. ఈ కథ కోయంబత్తూరులో నిజాయితీగా పనిచేసే పోలీస్ ఆఫీసర్ యోగి (సాయి ధన్సిక) చుట్టూ తిరుగుతుంది. ఒక టెక్స్‌టైల్ మిల్లు యజమానిది ఆత్మహత్య కాదని, అది అతని కొడుకే చేసిన హత్య అని యోగి సాక్ష్యాలతో సహా నిరూపిస్తుంది. అయితే ఈ కేసు వల్ల ఆమెకు ఉత్తర చెన్నైలోని వ్యాసర్పాడి అనే సమస్యాత్మక ప్రాంతానికి బదిలీ అవుతుంది. అక్కడ లా అండ్ ఆర్డర్ కాపాడటం యోగికి ఒక పెద్ద సవాలుగా మారుతుంది.
వ్యాసర్పాడిలో అడుగుపెట్టిన యోగికి అక్కడ డాన్ శేఖర్ బాబు అరాచకాలు ఎదురవుతాయి. రాజకీయ అండదండలతో ఆ ప్రాంతాన్ని తన గుప్పిట్లో ఉంచుకున్న శేఖర్ బాబును ఎదిరించడానికి ఏ పోలీస్ ఆఫీసర్ కూడా ధైర్యం చేయరు. కానీ యోగి అతని బెదిరింపులకు భయపడకుండా, తనదైన శైలిలో ఎదురుదాడి మొదలుపెడుతుంది. ఆమెపై జరిగే దాడులను తట్టుకుంటూ, ఆ గూండా సామ్రాజ్యాన్ని ఆమె ఎలా అంతం చేసిందనేదే ఈ సినిమా క్లైమాక్స్.
Read Also : దీపావళి పండుగ మిడిల్ క్లాస్ మెమోరీస్ తో… లైఫ్ అంటే ఏంటో చూపించే చూడ చక్కని కథ
Share
BJP Strategy: త్వరలో జిల్లాకో స్పోక్స్ పర్సన్ నియామకం: రాంచందర్ రావు
Brahmamudi Serial Today march 17th: ‘బ్రహ్మముడి’ సీరియల్‌: పోలీస్ స్టేషన్ లో కలుసుకున్న ఇందు, నందు 
