OTT Movie : స్టార్ హీరోయిన్ తో పాడు పనులకు ప్లాన్… సెన్సారోళ్లే నోరెళ్ళబెట్టిన సినిమా… ఇంకా చూడలేదా మావా?

OTT Movie : కొరియన్ సినిమాలు, సిరీస్ లు ప్రపంచవ్యాప్తంగా అదరణపొందుతున్నాయి. వీటిని ఆదరించడంలో మనవాళ్ళు ఒక అడుగు ముందే ఉన్నారు. మలయాళం సినిమాల తరువాత కొరియన్ స్టోరీలపై ఇంట్రెస్ట్ చూపుతున్నారు. స్టోరీలు కూడా మనసుకు హత్తుకునేలా ఉంటున్నాయి. ఇప్పుడు మనంచెప్పుకోబోయే కొరియన్ సిరీస్ కామెడీ, రొమాంటిక్ సీన్స్ తో కేక పెట్టిస్తుంది. స్టార్టింగ్ నుంచి ఎండింగ్ దాకా మీరు చూపుకూడా తిప్పుకోలేరు. ఈ స్టోరీ 1980 నాటి కాలంలో జరుగుతుంది. ఒక హీరోయిన్ తీసుకునే సంచలన నిర్ణయం, సినీ పరిశ్రమలో మహిళలు ఎదుర్కునే సమస్యలు, వీళ్ళు చేసే పోరాటం ఈ సినిమా ఆసక్తికరంగా చూపిస్తుంది. దీని పేరు ఏమిటి ? ఎందులో స్ట్రీమింగ్ అవుతుంది ? స్టోరీ ఏమిటి ? అనే వివరాల్లోకి వెళితే …

స్టోరీలోకి వెళ్తే

1981లో సియోల్‌లోని కొరియన్ సినిమా పరిశ్రమ రూపు దిద్దుకుంటున్న సమయం. ఇక్కడ జంగ్ హీ-రాన్ ఒక ప్రముఖ నటి, సినీ పరిశ్రమలో మంచి గుర్తింపు తెచ్చుకుంటుంది. ‘మేడమ్ ఎమా’ చిత్రంలో ఆమె హీరోయిన్ గా ఎంపికవుతుంది. దీనిని గూ జంగ్-హో అనే ఒక వక్రబుద్ధి గల నిర్మాత నిర్మిస్తుంటాడు. అయితే ఈ సినిమాలో అసభ్యకరమైన సీన్స్ తీసేందుకు ఈ నిర్మాత ప్లాన్ చేస్తాడు. దీనికి ఆమె ఒప్పుకోక పోవడంతో, ఆమెను తనదారికి తెచ్చుకోలేక ఈ సినిమా నుంచి తొలగిస్తాడు. ఆమె స్థానంలో షిన్ జూ-ఏ అనే ఒక నైట్‌క్లబ్ డాన్సర్ ను ఈ పాత్ర కోసం ఎంచుకుంటాడు.

ఈ సినిమాని క్వాక్ ఇన్-వూ డైరెక్ట్ చేస్తుంటాడు. అతడు టాలెంట్ ఉన్న బలహీన స్వభావం గల డైరెక్టర్. ఈ వివాదాస్పద చిత్రాన్ని తీయడానికి ప్రయత్నిస్తుంటాడు. కానీ సెన్సార్‌షిప్, చిత్ర పరిశ్రమ ఒత్తిళ్లతో సతమతమవుతాడు. హీ-రాన్, జూ-ఏ మొదట్లో పరస్పర విరోధంతో ఉన్నప్పటికీ, వీళ్ళు ఈ పరిశ్రమలో పురుషాధిక్య దోపిడీకి గురవుతున్నట్లు గుర్తిస్తారు. హీ-రాన్ అనుభవం, జూ-ఏ ఆత్మవిశ్వాసం వీళ్ళిద్దరినీ ఒకచోట చేరుస్తాయి. సెన్సార్‌షిప్, అధికార దుర్వినియోగంకి వ్యతిరేకంగా పోరాడేలా చేస్తాయి. ‘మేడమ్ ఎమా’ చిత్రం ఒక జాతీయ సంచలనంగా మారుతుంది. చివరికి ఈ పరిశ్రమలో వీళ్ళు ఎలాంటి మార్పులు తెస్తారు ? ఈ సినిమా రిలీజ్ అవుతుందా ? ఇందులో హీరోయిన్ పాత్ర ఎలా ఉంటుంది ? అనే విషయాలను తెలుసుకోవాలనుకుంటే, ఈ కొరియన్ సిరీస్ ని మిస్ కాకండా చుడండి.

నెట్‌ఫ్లిక్స్‌లో

‘ఎమా’ (Aema) ఒక కొరియన్ కామెడీ-డ్రామా మినీసిరీస్. లీ హే-యంగ్ దర్శకత్వంలో రూపొందింది. 2025 ఆగస్టు 22న నెట్‌ఫ్లిక్స్‌లో ప్రపంచవ్యాప్తంగా ప్రీమియర్ అయింది. 6 ఎపిసోడ్‌లతో బింగ్-వాచ్‌కు అనువైన మినీసిరీస్‌గా అందుబాటులో ఉంది. IMDbలో 8/10 రేటింగ్‌తో విమర్శకుల ప్రశంసలు అందుకుంది.