OTT Movie : ఈ ఏడాది వివాదాలతో పాపులర్ అయిన సినిమా ‘బ్యాడ్ గర్ల్’. బ్రాహ్మణులను కించపరిచారని విమర్శలు వచ్చాయి. ఈ సినిమా నిర్మాతలు వెట్రిమారన్, అనురాగ్ కశ్యప్లపై దర్శకుడు జి. మోహన్ బహిరంగంగా విమర్శలు గుప్పించాడు. దీంతో ఈ సినిమా కొన్ని సీన్స్ కి కత్తెర పెట్టి రిలీజ్ చేయాల్సి వచ్చింది. అయితే శోభిత ధూళిపాళ ఈ సినిమా చూసిన తర్వాత తాను కన్నీళ్లు పెట్టుకున్నానని తన ఫీలింగ్స్ ని ఇన్స్టాగ్రామ్ లో షేర్ చేసుకుంది. అమ్మాయిలు తప్పకుండా చూడాల్సిన సినిమాలలో ‘బ్యాడ్ గర్ల్’ కూడా ఒకటని చెప్పుకొచ్చింది. ఇది అమ్మాయిల మనో ధైర్యాన్ని పెంచే సినిమా అని, ‘బ్యాడ్ గర్ల్’ పోస్టర్ ని షేర్ చేస్తూ తన ఫీలింగ్స్ ని పంచుకుంది శోభిత.
‘బ్యాడ్ గర్ల్’ (Bad girl) ఒక కమింగ్ ఆఫ్ ఏజ్ డ్రామా సినిమా. దీనికి వర్ష భరత్ దర్శకత్వం వహించింది. ఈ చిత్రంలో అంజలి శివరామన్ ప్రధాన పాత్ర (రమ్య) పోషించగా.. శాంతిప్రియ, హ్రిదు హరూన్ ముఖ్య పాత్రల్లో నటించారు. ఈ సినిమా ఫిబ్రవరిలో ఇంటర్నేషనల్ ఫిల్మ్ ఫెస్టివల్ రోటర్డామ్ లో ప్రదర్శించిన తర్వాత సెప్టెంబర్లో థియేటర్లలో విడుదలైంది. ప్రస్తుతం ఇది జియో హాట్స్టార్ లో స్ట్రీమింగ్ అవుతోంది.
రమ్య అనే అమ్మాయికి చదువుపై పెద్దగా ఆసక్తి ఉండదు. కానీ జీవితం పట్ల ఎన్నో కలలు ఉంటాయి. సాంప్రదాయ కుటుంబంలో పెరిగిన రమ్య, తన తల్లిదండ్రులు కట్టు బాట్లను ఇష్టపడదు. ఇంట్లో అమ్మాయిల పట్ల కఠినంగా ఉండటంతో ఆమెలో స్వేచ్ఛ, తిరుగుబాటు స్వభావం బయటికి వస్తాయి. కాలేజ్ వయసులో రమ్యకు ప్రేమ అనుభవాలు ఎదురవుతాయి. ఆమెకు ఇద్దరు అబ్బాయిలతో పరిచయం ఏర్పడుతుంది. ఈ సంబంధాల ద్వారా ఆమె నమ్మకం, మోసాన్ని రుచి చూస్తుంది. ఈ దశలో ఆమె తీసుకునే నిర్ణయాలు కథను ముందుకు నడిపిస్తాయి. ఆమె తన స్నేహితురాళ్ళతో కలిసి ఈ సవాళ్లను ఎలా ఎదుర్కొంటుంది అనేది ఎమోషనల్ గా చూపించడం జరిగింది. ముసలి వయసులో ఆమె తన కాళ్లపై తాను నిలబడి, జీవితంలో స్థిరపడాలని ప్రయత్నిస్తుంది. అప్పటికే ఆమెకు జీవితం ఎన్నో గుణపాఠాలు నేర్పి ఉంటుంది. ఈ కథ వాస్తవానికి దగ్గరగా, అమ్మాయిలలో చైతన్యం తెచ్చే విధంగా రూపొందింది.
Share
IPL 2026: సచిన్ కొడుకు అర్జున్ కు అవమానం..శార్దుల్ ఠాకూర్ కు బంపర్ ఆఫర్ !
BSNL jobs: బీఎస్ఎన్ఎల్ సీనియర్ ఎగ్జిక్యూటివ్ ట్రైనీ ఉద్యోగాలు.. చాలా మంచి వేతనం, ఇంకా 24 గంటలే ఛాన్స్
