Kaalipotka OTT : ఓటీటీలో ఇప్పుడు క్రైమ్ థ్రిల్లర్ సినిమాల హవా కొనసాగుతోంది. ప్రతి భాషలలో ఇలాంటి జోనర్లే ట్రెండింగ్ లో ఉంటున్నాయి. ప్రేక్షకులకు తగ్గట్టే మేకర్స్ కూడా ఇలాంటి సినిమాలు, సిరీస్ లను తీయడానికి ఆసక్తి చూపిస్తున్నారు. ఈ నేపథ్యంలో బెంగాలీ ఇండస్ట్రీ నుంచి ఒక యాక్షన్ క్రైమ్ థ్రిల్లర్ మూవీ మరి కొన్ని గంటల్లో ఓటీటీలో అడుగు పెట్టబోతోంది. ఒక మర్డర్ చుట్టూ తిరిగే ఈ స్టోరీ ఆడియన్స్ ను అలరించబోతోంది. ఈ సినిమా పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళ్తే…
అభిరూప్ ఘోష్ దర్శకత్వం వహించిన ‘కాళీపొత్క’ (Kaalipotka)లో స్వస్తిక ముఖర్జీ, శృతి దాస్, మినోతి, హిమికా బోస్, అనిర్బన్ చక్రబర్తి లీడ్ రోల్స్ లో నటించారు. ఇది జనవరి 23న ZEE5లో విడుదల కానుంది. మీరు దీన్ని OTTplay ప్రీమియం సబ్స్క్రిప్షన్తో కూడా చూడవచ్చు. శ్రీమగా స్వస్తిక ముఖర్జీ, రాణిగా శృతి దాస్, మినోటిగా శ్రేయ భట్టాచార్య, రింకుగా హిమికా బోస్ మరియు రానాగా అనిర్బన్ చక్రబర్తి నటించారు.
శ్రీమా, రాణి, రింకూ, మినోటి అనే నలుగురి మహిళల చుట్టూ ఈ కథ తిఉగుతుంది. ఒక ప్రమాదంలో మినోటి భర్త మరణించిన తర్వాత అనూహ్య పరిస్థితుల్లో కలుస్తారు. మినోటి భర్త మరణం తర్వాత, భయంతో వాళ్ళు ఆ మృతదేహాన్ని దాచిపెట్టడానికి ప్రయత్నిస్తారు. ఈ క్రమంలో వారు ఒక అబద్ధం తర్వాత మరొక అబద్ధం ఆడుతూ చిక్కుల్లో పడతారు.ఒకవైపు పోలీసులు వారిని వెంబడిస్తుంటే, మరోవైపు రాణా (అనిర్బన్ చక్రవర్తి) అనే ఒక ప్రమాదకరమైన నేరస్థుడు వారిని వేటాడుతుంటాడు. అతనికి ఈ మహిళలతో పాత కక్షలు ఉండటం వల్ల కథ మరింత ఉత్కంఠగా మారుతుంది. చివరి వరకు కథ ఉత్కంఠంగా సాగుతుంది. ఇంతకీ మినోటి భర్త ఎలా చనిపోయాడు ? వీళ్ళంతా ఎందుకు ఆ శవాన్ని దాచాల్సి వచ్చింది ? ఈ సంఘటన నుంచి వీళ్ళంతా బయట పడతారా ? అనే విషయాలను ఈ సినిమాను చూసి తెలుసుకవాల్సిందే.
Read Also : ఏడేళ్ళ తర్వాత తమ్ముడి చావుకి రివేంజ్… అండర్ వరల్డ్లో అన్న అరాచకం… ఒక్కొక్కడికీ దబిడి దిబిడే
Share
Udaipur Horror: చేతిలో సిగరెట్, 120 కి.మీ స్పీడ్.. సీన్ కట్ చేస్తే నలుగురు యువకులు స్పాట్ డెడ్!
Supreme Court: సుప్రీంకోర్టు సంచలన తీర్పు.. 65 రోజుల వైవాహిక బంధానికి 13 ఏళ్ల న్యాయపోరాటం తర్వాత, కోర్టు ఏం చెప్పిందంటే?
