Crime Thriller Series: ప్రేమ అంటే కేవలం మనసులు కలవడం కాదు… కొన్నిసార్లు అది హత్యలకు, కుట్రలకు, అబద్ధాలకు కూడా దారి తీస్తుంది. అలా జరిగిన నాలుగు హత్యలు… లెక్కలేనన్ని అబద్ధాలు. దాని చుట్టూ తిరిగే సస్పెన్స్ థ్రిల్లరే ఈరోజు మన మూవీ సజెషన్. మరి ఈ మూవీని ఏ ఓటీటీలో చూడవచ్చు ? స్టోరీ ఏంటి ? అన్న వివరాలను తెలుసుకుందాం పదండి.
కథ నాగపూర్లో ఒక పేరుమోసిన రాజకీయ నాయకుడి కుమార్తె సోను అకస్మాత్తుగా అదృశ్యమవడంతో మొదలవుతుంది. ఆమె తన తండ్రి కార్ డ్రైవర్ కొడుకు మయాంక్ తో ప్రేమలో పడుతుంది. అతను మధ్యతరగతి యువకుడు. ఒక హోటల్ సీసీటీవీ ఫుటేజ్ ఆధారంగా మయాంక్ తన ప్రియురాలైన సోనును హత్య చేసి, శవాన్ని కారు డిక్కీలో తీసుకెళ్లినట్లు పోలీసులు కన్ఫామ్ చేస్తారు. ఈ క్రమంలోనే ఆ కారును ఆపిన ఒక పోలీస్ ఆఫీసర్, ఒక క్యాబ్ డ్రైవర్, ఒక పశువుల కాపరి కూడా హత్యకు గురవుతారు.
మొత్తం ఈ నాలుగు హత్యల కేసులో 22 ఏళ్ల మయాంక్ ప్రధాన నిందితుడిగా మారతాడు. రెండేళ్లపాటు అతను పోలీసులకు దొరకకుండా పరారీలో ఉంటాడు. బ్రిటన్కు చెందిన ఇండిపెండెంట్ ఇన్వెస్టిగేటివ్ జర్నలిస్ట్ ఈ మిస్టరీ కేసుపై ఆసక్తితో ఇండియాకు వచ్చి విచారణ ప్రారంభిస్తాడు. అతను పరారీలో ఉన్న మయాంక్ను ట్రేస్ చేసి, అతని వెర్షన్ను ప్రపంచానికి చూపిస్తాడు. మయాంక్ తాను ఎవరినీ చంపలేదని, తన ప్రియురాలిని తానే ప్రాణంగా ప్రేమించానని చెబుతాడు. సిరీస్ లో క్రమంగా ఆ నాలుగు హత్యల వెనుక ఉన్న నిజాలు బయట పడతాయి. మరి ఆ నిజాలు ఏంటి ? అసలు ఆ అమ్మాయిని చంపింది ఎవరు ? చివరికి ఏమైంది ? అన్నది తెలియాలంటే ఈ సిరీస్ పై ఒక లుక్కేయాల్సిందే.
దర్శకుడు పుష్కర్ సునీల్ మహాబల్ ఈ కథను డాక్యుమెంటరీ స్టైల్లో మంచి సస్పెన్స్తో నడిపించాడు. పాలక్ జైస్వాల్ సోనుగా, తిగ్మాన్షు ధులియా, దేవన్ భోజాని వంటి నటులు ఇందులో నటించారు. ‘బ్లాక్, వైట్ అండ్ గ్రే: లవ్ కిల్స్’. SonyLIVలో స్ట్రీమింగ్ అవుతున్న ఈ సిరీస్ 6 ఎపిసోడ్లతో వచ్చి, తెలుగు ఆడియోతో అందుబాటులో ఉంది. ఈ సిరీస్ చూసిన తర్వాత ప్రేమ గురించి కొత్తగా ఆలోచించాల్సి వస్తుంది.
Read Also: ఇంగ్షీషు వోవెల్స్ తో సాగే కథ… ఓటీటీలోకి వచ్చిన తమిళ రొమాంటిక్ ఆంథాలజీ
Share
Rajagopal Reddy: రాజగోపాల్ రెడ్డికి మంత్రి పదవి ఇవ్వాల్సిందే.. జగ్గారెడ్డి డిమాండ్!
యూట్యూబ్ లో అప్ లోడ్ అయిన మొదటి సినిమా ఏంటో తెలుసా ?
