OTT Movie : ఇప్పుడు ఏ భాషలో చూసినా థ్రిల్లర్ సిరీస్ ల హవా కొనసాగుతోంది. ఆడియన్స్ కూడా వీటికి బాగా కనెక్ట్ అయిపోయారు. టైమ్ దొరికితే చాలు థ్రిల్లర్ జానర్ ని ఓ పట్టు పడుతున్నారు. ఈ ఏడాది వచ్చిన ఒక క్రైమ్ థ్రిల్లర్ సిరీస్ ఆసక్తికర కథనంతో ఉత్కంఠంగా సాగుతోంది. ఈ కథలో ఒక యువకుడు 2 రోజుల్లో నలుగురిని చంపుతాడు. అందులో అతని ప్రియురాలు కూడా ఉంటుంది. అతను ఎందుకు చంపాడనే విషయం మీద స్టోరీ నడుస్తుంటుంది. థ్రిల్లర్ ఫ్యాన్స్ ఓ సారి లుక్ వేయాల్సిన సిరీస్ ఇది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే ..
2025లో విడుదలైన ఈ హిందీ మాక్డాక్యుమెంటరీ క్రైమ్ థ్రిల్లర్ వెబ్ సిరీస్ పేరు ‘బ్లాక్, వైట్ & గ్రే: లవ్ కిల్స్’. పుష్కర్ సునిల్ మహాబల్ డైరెక్షన్ లో స్వరూప్ సంపత్ & హేమల్ థక్కర్ దీనిని నిర్మించారు. ఇందులో మయూర్ మోర్, పలక్ జైస్వాల్, దేవేన్ భోజని, తిగ్మంశు ధులియా లీడ్ రోల్స్ లో నటించారు. 6 ఎపిసోడ్స్ తో వచ్చిన మొదటి సీజన్ ఐయండిబిలో 7.5/10 రేటింగ్ పొందింది. ఇది 2025 మే 2నుంచి Sony LIV లో అన్ని సౌత్ ఇండియన్ లాంగ్వేజెస్లో స్ట్రీమింగ్ అవుతోంది.
నాగ్పూర్కు చెందిన డానియల్ అనే ఒక మధ్యతరగతి యువకుడు ఉంటాడు. అతనిపై 2 రోజుల్లో 4 మందిని చంపాడని ఆరోపణలు వస్తాయి. అందులో అతని ప్రేమికురాలు కూడా ఉంటుంది. అతను ఒక శక్తివంతమైన రాజకీయ నాయకుడి కుమార్తె తో ప్రేమలో ఉంటాడు. వాళ్ళ మధ్య కుల, సామాజిక అంతరాల కారణంగా స్టోరీ డార్క్ టర్న్ తీసుకుంటుంది. ఒక హోటల్లో జరిగే సంఘటనల తర్వాత, ఆ యువకుడిపై నాలుగు హత్యల ఆరోపణలు వస్తాయి. అందులో అతని ప్రియురాలు, ఒక పోలీసు అధికారి, ఒక క్యాబ్ డ్రైవర్ ఒక బాలుడు ఉంటారు.
యునైటెడ్ కింగ్డమ్ నుండి వచ్చిన ఒక జర్నలిస్ట్ ఈ కేసును డాక్యుమెంటరీ రూపంలో పరిశోధించడం ప్రారంభిస్తాడు. అతని కుటుంబ సభ్యులతో పాటు, చాలా మందిని ఇంటర్వ్యూ చేస్తాడు. విచారణలో భాగంగా అనేక విషయాలు వెలుగులోకి వస్తాయి. ప్రేక్షకులను చివరి వరకు ఉత్కంఠకు గురిచేస్తాయి. చివరికి డానియల్ ఆ నాలుగు హత్యలు ఎందుకు చేశాడు ? ప్రేమలో విఫలం కావడంతోనే ఇలా చేశాడా ? మరేదైనా కోణం ఉందా ? అనే ప్రశ్నలకు సమాధానాలను, ఈ క్రైమ్ థ్రిల్లర్ వెబ్ సిరీస్ ను చూసి త్రలుసుకోవాల్సిందే.
Share
Gundeninda GudiGantalu Today episode: ప్రభావతి ఇజ్జత్ తీసేసిన శోభా.. అడ్డంగా ఇరికించేసిన శృతి.. మీనాపై నిందలు..
KL Rahul: సలహాలు ఇచ్చిన కోహ్లీ పరువు తీసిన రాహుల్..పక్కకు వెళ్లి కూర్చో అంటూ
