Citadel Season 2 OTT : గ్లోబల్ బ్యూటీ ప్రియాంక చోప్రా నటించిన భారీ యాక్షన్ ఎంటర్టైనర్ ‘సిటాడెల్ 2’ ఎట్టకేలకు ఓటీటీలోకి వచ్చేసింది. ఇప్పటికే మొదటి సీజన్ రిలీజ్ కాగా, దానికి ఆడియన్స్ నుంచి మంచి రెస్పాన్స్ దక్కింది. ఇక ఈ సమ్మర్ లో ఇంట్లోనే కూర్చుని అదిరిపోయే యాక్షన్ ఎంటర్టైనర్ ను చూడాలి అనుకునే వారికి ఈ సిరీస్ సీజన్ 2 బెస్ట్ ఆప్షన్. మరి ఇది ఏ ఓటీటీలో స్ట్రీమింగ్ అవుతుందో తెలుసుకుందాం పదండి.
అత్యంత భారీ బడ్జెట్‌తో రూపొందిన అమెజాన్ ప్రైమ్ వీడియో స్పై యాక్షన్ సిరీస్ సిటాడెల్ (Citadel) సీజన్ 2. మేసన్ కేన్ (రిచర్డ్ మాడెన్), నాడియా సిన్హా (ప్రియాంక చోప్రా) చుట్టూ తిరుగుతుంది ఈ సిరీస్ కథ. ఈ సిరీస్ ప్రస్తుతం Amazon Prime Video లో తెలుగు, హిందీ, ఇంగ్లీష్ భాషల్లో స్ట్రీమింగ్ కి అందుబాటులో ఉంది. భారీ యాక్షన్ సీక్వెన్సులు, చేజింగ్ సీన్లు, హై-టెక్ గ్యాడ్జెట్లు ఈ సీజన్ లో మెయిన్ హైలెట్. దీనికి అనుబంధంగా వచ్చిన ‘సిటాడెల్: హనీ బన్నీ’ (ఇండియా), ‘సిటాడెల్: డయానా’ (ఇటలీ) సిరీస్‌లతో కూడా ఈ కథకు లింక్ ఉండడం మరో ఇంట్రెస్టింగ్ విషయం. స్పై థ్రిల్లర్లను ఇష్టపడేవారు వెంటనే ఈ సిరీస్ పై ఒక లుక్కేయండి.
మొదటి సీజన్ చివర్లో మేసన్ కు పూర్తిగా తన గతం గుర్తొస్తుంది. తన తల్లి అయిన డెలియా స్కాట్ (మాంటికోర్ నాయకురాలు) అని తెలుస్తుంది. అలాగే స్వయంగా తానే సిటాడెల్ ను నాశనం చేశాననే నిజాన్ని మేసన్ అంగీకరించాల్సి వస్తుంది. ఇక సీజన్ 2 విషయానికొస్తే… దుష్ట సంస్థ మాంటికోర్ ప్రపంచాన్ని తన చేతుల్లోకి తెచ్చుకోవడానికి సిద్ధమవుతుంది. అయితే దీన్ని అడ్డుకోవడానికి సిటాడెల్ ఏజెంట్లను ఏకం చేయాలని నిర్ణయించుకుంటారు. అందుకోసం మేసన్, నాడియా, బెర్నార్డ్ ఓర్లిక్ కలిసి ప్లాన్ చేస్తారు. అందరూ కలిసి మాంటికోర్ కు వ్యతిరేకంగా తిరుగుబాటు చేయాలని అనుకుంటారు.
Also Read : నగరాన్ని వల్లకాడుగా మార్చే మాయరోగం… కట్ చేస్తే ఒకే ఒక్క వ్యక్తి ఒంటరి పోరాటం
ఇక ఈ సీజన్లో నాడియా సిన్హా గతం గురించి ఊహించని విషయాలు బయటకు వస్తాయి. ముఖ్యంగా ఆమె తండ్రి (రాయ్ కపూర్), ఆమె కూతురి రక్షణ కోసం చేసే పోరాటం కంటి రెప్ప వేయనివ్వదు. మేసన్ పట్ల అప్పటికే నమ్మకం కోల్పోయిన ఆమె, లోకాన్ని కాపాడటం కోసం అతడితోనే తిరిగి కలిసి పని చేస్తుంది.
మరోవైపు మాంటికోర్ సంస్థ ప్రపంచ దేశాల మధ్య యుద్ధాన్ని సృష్టిస్తుంది. దీన్ని క్యాష్ చేసుకోవడానికి అత్యంత ప్రమాదకరమైన బయో-వెపన్‌ టెక్నాలజీని వాడతారు. ఈ కుట్రను మేసన్ – నాడియా ఎలా ఛేదించారు ? ఎండింగ్ లో ఏం జరిగింది ? అన్నది చూసి తెలుసుకోవలసిన కథ.
Share
జేమ్స్ కామెరాన్‌కు గట్టి ఎదురుదెబ్బ.. అవతార్ లాభాల్లో వాటా డిమాండ్ చేస్తున్న నటి
కీళ్ల నొప్పి సమస్యకు చెక్.. శరీరంలో యూరిక్ యాసిడ్ పెరగకుండా ఇలా చేయండి
