Comedy Movie OTT : థియేటర్లలో రీసెంట్ గా, ఒక మరాఠీ కామెడీ ఫ్యామిలీ మూవీ బాక్స్ ఆఫీస్ వద్ద మంచి విజయాన్ని అందుకుంది. అత్త కోడళ్ళ పోరు మధ్య సాగే ఈ సినిమా కథ సరికొత్తగా తెరకెక్కింది. మంచి మ్యూజిక్, ఆకట్టుకునే కథతో ఈ సినిమాను ప్రేక్షకులు బాగా ఆదరించారు. కామెడీ అయితే కెవ్వు కేక అన్నట్టు ఉంటుంది. ఇప్పుడు ఈ మూవీ డిజిటల్ ఆడియన్స్ ను పలకరించడానికి సిద్ధం అయిపోయింది. ఈ మరాఠీ సినిమా పేరు ఏమిటి? ఏ ఓటీటీలో స్ట్రీమింగ్ అవుతుంది? అనే వివరాల్లోకి వెళితే…
ఈ మరాఠీ ఫ్యామిలీ కామెడీ సినిమా పేరు ‘అగా అగా సున్‌బాయ్! కే మ్హంతే సాసుబాయ్?’ (Aga Aga Sunbai! Kay Mhantay Sasubai?). ఇది 2026 జనవరి 16న థియేటర్లలో విడుదలైన ఒక కామెడీ చిత్రం. ప్రముఖ దర్శకుడు కేదార్ షిండే దీనికి దర్శకత్వం వహించారు. ఇందులో నిర్మితి సావంత్ (అత్తగారి పాత్రలో), ప్రార్థన బెహెరే (కోడలి పాత్రలో) ప్రధాన పాత్రల్లో నటించారు. ఈ సినిమా 10 కోట్లకు పైగా వసూలు చేసి బాక్సాఫీస్ వద్ద ఘన విజయం సాధించింది. థియేటర్లలో మంచి విజయం సాధించిన తర్వాత, ఈ సినిమా మార్చి 19 నుండి ZEE5 ఓటీటీ ప్లాట్‌ ఫామ్‌లో అందుబాటులోకి వస్తోంది.
ఈ కథ అంతా ఒక ఇంట్లోని అత్తాకోడళ్ల రచ్చ చుట్టూ తిరుగుతుంది. అత్తమ్మ స్మితా దేశాయ్ (నిర్మితి సావంత్) పాత పద్ధతులు ఫాలో అయ్యే గడుసు మనిషి. కోడలు మానస్వి (ప్రార్థన బెహెరే) ఏమో ఈ తరం పిల్ల. ఇద్దరికీ అస్సలు పడదు, ఎప్పుడూ కుక్కా పిల్లిలా కొట్టుకుంటూనే ఉంటారు. అత్తమ్మ పెట్టే టార్చర్‌ భరించలేక, మొగుడిని ఒప్పించి కోడలు పక్కా ప్లాన్‌తో వేరే కాపురం పెట్టేస్తుంది. హమ్మయ్య దెయ్యాన్ని వదిలించుకున్నాం అనుకుని కోడలు హాయిగా ఎంజాయ్ చేస్తున్న టైమ్‌లో సీన్ రివర్స్ అవుతుంది.
ఒక పెద్ద యాక్సిడెంట్ జరిగి అత్తమ్మ హాస్పిటల్ పాలవుతుంది. అప్పుడు గత్యంతరం లేక మళ్లీ అత్తమ్మను తన ఇంటికే తెచ్చుకోవాల్సి వస్తుంది కోడలికి. ఒకే ఇంట్లో ఉంటూనే ఒకరినొకరు ఏడిపించుకోవడం, పాత గొడవలు తవ్వుకోవడం లాంటివి భలే కామెడీగా ఉంటాయి. కానీ కష్టం వచ్చినప్పుడు ఒకరికొకరు ఎలా తోడు నిలబడ్డారు, ఆ గొడవల వెనుక ఉన్న ప్రేమ ఏంటనేది సినిమా చివర్లో హార్ట్ టచింగ్‌గా చూపించారు.
Read Also : భార్య అందగత్తె… భర్త మాత్రం మరో మహిళతో… సినిమా ఉంటుంది మావా
Share
Oppo Find N6: ఒప్పో కొత్త ఫొల్డెబుల్ ఫోన్ లాంచ్.. 6000mAh బ్యాటరీ, కొత్త ఫోల్డింగ్ టెక్నాలజీ, ధర ఎంతంటే?
Lalit Modi: అన‌వ‌స‌రంగా గెలికిన లిలిత్ మోడీ..మళ్లీ ట్రోల్స్ మొద‌లు, కావ్య పాప దేశం వ‌దిలిపోవాల్సిందే అంటూ ?
