Romantic Drama OTT : రొమాంటిక్ సినిమాలు మామూలుగానే క్రేజీగా ఉంటాయి. అయితే వీటిలో ట్రయాంగిల్ స్టోరీలు మరింత క్రేజీగా సాగుతుంటాయి. ఈ నేపథ్యంలో వచ్చిన ఒక ఫిలిప్పీన్ మూవీ, ఇండస్ట్రీ రికార్డులు తిరగ రాసింది. అందమైన భార్య ఉన్నా, ప్రియురాలు మోజులో పడే ఒక వ్యక్తి చుట్టూ కథ తిరుగుతుంది. ఈ సినిమాలో భార్య, ప్రియురాలి మధ్య జరిగే మాటల యుద్ధం, డైలాగులు ఫిలిప్పీన్స్లో బాగా పాపులర్ అయ్యాయి కూడా.
ఈ సూపర్ హిట్ ఫిలిప్పీన్ రొమాంటిక్ డ్రామా సినిమా పేరు ‘నో అదర్ ఉమెన్’ (No Other Woman). ఎస్. బయాని దర్శకత్వంలో వచ్చిన ఈ చిత్రం 2011లో బాక్సాఫీస్ వద్ద భారీ వసూళ్లను సాధించింది. ఈ సినిమా ఫిలిప్పీన్స్ బాక్సాఫీస్ వద్ద అప్పట్లో ఒక సంచలనం. విడుదలైన కొద్ది రోజుల్లోనే సుమారు $7 మిలియన్ డాలర్లు వసూలు చేసి, ఆ సమయంలో అత్యధిక వసూళ్లు సాధించిన మూడవ ఫిలిప్పీన్ చిత్రంగా రికార్డు సృష్టించింది. 2011 సెప్టెంబర్ 28న రిలీజ్ అయిన ఈ సినిమాలో ఆన్ కర్టిస్, డెరెక్ రామ్సే, క్రిస్టిన్ రేయ్స్ ప్రధాన పాత్రల్లో నటించారు. ఈ చిత్రానికి మొత్తం 30 నామినేషన్లు దక్కాయి. ప్రముఖ FAMAS అవార్డ్స్ (2012) లో ఆన్ కర్టిస్ ఉత్తమ నటిగా అవార్డు గెలుచుకుంది. దర్శకుడు ఎస్. బయాని, నటులు డెరెక్ రామ్సే, క్రిస్టిన్ రేయ్స్ కూడా ఉత్తమ నటనకు గాను నామినేట్ అయ్యారు. ప్రస్తుతం ఈ సినిమాను Netflix, Amazon Prime Video ప్లాట్ ఫామ్స్లో చూడవచ్చు
రామ్ అనే వ్యక్తి ఒక ఫర్నిచర్ బిజినెస్ చూసుకుంటూ ఉంటాడు. అతనికి చార్మైన్ అనే అందమైన భార్య ఉంటుంది. ఇద్దరూ హాయిగా కాపురం చేసుకుంటూ ఉంటారు. అయితే వీళ్ళిద్దరి మధ్యలోకి కారా అనే ఒక రిచ్ అమ్మాయి ఎంటర్ అవుతుంది. రామ్ ఒక రోజు బిజినెస్ డీల్ కోసం ఆమెతో కలవాల్సి వస్తుంది. కారా చూడటానికి చాలా గ్లామరస్గా, బోల్డ్గా ఉంటుంది. ఆమెకి రామ్ మీద కన్ను పడుతుంది. ఎలాగైనా అతన్ని పడేయాలని గట్టిగా డిసైడ్ అవుతుంది. మొదట్లో రామ్ కొంచెం మొహమాటపడ్డా, కారా వేసే వలకి మెల్లగా చిక్కుకుపోతాడు. ఆమె ఇచ్చే ఆఫర్లు, ఆమె చూపించే ఆకర్షణకి లోనై తన పెళ్ళాం ఉన్న సంగతి మర్చిపోయి ఆమెతో అక్రమ సంబంధం పెట్టుకుంటాడు. ఈ విషయం ఇంట్లో ఉన్న భార్యకి అస్సలు తెలియదు.
వీళ్ళిద్దరూ ఎంజాయ్ చేస్తున్న టైంలో, మెల్లగా చార్మైన్కి తన భర్త ప్రవర్తన మీద అనుమానం వస్తుంది. ఒకరోజు అసలు విషయం బయటపడటంతో ఇల్లు రచ్చ రచ్చ అవుతుంది. తన మొగుడిని వేరే ఆడది తగులుకుందని తెలిసిన చార్మైన్, అస్సలు తగ్గదు. నా మొగుడు నాకే కావాలని కారాకి ఎదురుతిరుగుతుంది. ఇద్దరు ఆడవాళ్ల మధ్య పెద్ద మాటల యుద్ధం నడుస్తుంది. ఒక పక్క భార్య ప్రేమ, ఇంకో పక్క ప్రియురాలి పిచ్చి – ఈ రెండిటి మధ్య రామ్ ఎలా నలిగిపోయాడు ? చివరకు తప్పు తెలుసుకుని తన సంసారాన్ని ఎలా కాపాడుకున్నాడు ? అనేదే ఈ సినిమా క్లైమాక్స్.
Read Also : దీపావళి పండుగ మిడిల్ క్లాస్ మెమోరీస్ తో… లైఫ్ అంటే ఏంటో చూపించే చూడ చక్కని కథ
Share
Realme C100: మిడ్ రేంజ్ బడ్జెట్లో 2TB వరకు స్టోరేజ్, 7000mAh బ్యాటరీ ఫోన్.. రియల్మి C100 త్వరలో లాంచ్
Aruna Janasena: చిన్మయికి జనసేన పార్టీ రాష్ట్ర అధికార ప్రతినిధి కౌంటర్!
