Comedy Movie OTT : భార్యతో విడాకులు… వద్దు వద్దంటూనే ప్రేమలో… ఔరా అనిపించే స్టోరీ

Comedy Movie OTT : హాలీవుడ్ నటుడు జిమ్ కారీ గురించి ప్రత్యేకంగా చెప్పుకోవాల్సిన పని లేదు. ‘మాస్క్’ సినిమాతో ప్రపంచవ్యాప్తంగా అభిమానులను సంపాదించుకున్నారు. విభిన్న శైలి అతని సొంతం. మరి ఈ హీరో నటించిన మరో సూపర్ హిట్ సినిమా గురించి చెప్పుకోవాల్సిందే. ఈ సినిమాలో కూడా కామెడీ నెక్స్ట్ లెవెల్ లో ఉంటుంది. ప్రతిదానికీ No చెప్పే వ్యక్తి, ఒక గురువు సలహాతో ఆ తరువాత అన్నిటికీ yes చెప్పడం మొదలు పెడతాడు. ఆ తరువాత ఏం జరిగిందనేదే ఈ సినిమా కథ.

ఎక్కడ చూడవచ్చు ?

పేటన్ రీడ్ దర్శకత్వం వహించిన ఈ హాలీవుడ్ రొమాంటిక్ కామెడీ మూవీ పేరు ‘యెస్ మ్యాన్’ (Yes Man). ఇందులో జిమ్ కారీ లీడ్ రోల్ లో నటించారు. ఇది 2008 డిసెంబర్ 19న యునైటెడ్ స్టేట్స్‌లో విడుదలైంది. చాలా మంది ఈ స్టోరీ క్యారీ గత చిత్రాలలో ఒకటైన ‘లయర్ లయర్‌’ తో పోలి ఉందని అభిప్రాయ పడ్డారు. అయినా కానీ బాక్సాఫీస్ వద్ద విజయం సాధించి, ప్రపంచవ్యాప్తంగా $223 మిలియన్లు వసూలు చేసింది ఈ సినిమా. ప్రస్తుతం Amazon Prime Video, Apple TV ప్లాట్‌ ఫామ్‌లలో అందుబాటులో ఉంది.

స్టోరీ ఏమిటంటే

కార్ల్ అలెన్ (జిమ్ క్యారీ) అనే ఒక బ్యాంక్ ఉద్యోగి లైఫ్‌లో దేనికీ అస్సలు ఇంట్రెస్ట్ చూపించడు. తన భార్యతో విడాకులు అయ్యాక, లోలోపలే బాధపడుతూ ఉంటాడు. ఫ్రెండ్స్ బయటకు రమ్మన్నా కుదరదు (No) అంటూ తప్పించుకుంటూ ఉంటాడు. అలా ఒంటరిగా గడుపుతున్న టైమ్‌లో, ఒక ఫ్రెండ్ సలహాతో ఒక సెల్ఫ్ కౌన్సిలింగ్ మీటింగ్‌కి వెళ్తాడు. అక్కడ ఒక గురువు మాటలకు అతని మనకు కొంచెం మారుతుంది. ఇక నుంచి తన దగ్గరకు వచ్చే ప్రతి క్వశ్చన్‌కి అవును (Yes) అని మాత్రమే చెప్పాలని ఒక ప్రామిస్ చేస్తాడు. ఒకవేళ “కాదు” అని చెబితే తనకి బ్యాడ్ టైమ్ స్టార్ట్ అవుతుందని భయపడతాడు.

ఇక అప్పటినుంచి కార్ల్ లైఫ్ మొత్తం మారిపోతుంది. ఏది అడిగినా యస్ అనడం వల్ల లైఫ్ లో చాలా వింతలు జరుగుతాయి. చివరికి ఒక అపరిచితుడికి లిఫ్ట్ ఇచ్చి తన దగ్గర ఉన్న డబ్బులన్నీ ఇచ్చేయడం వరకు వెళ్తాడు. కానీ ఇదే అలవాటు వల్ల అతనికి ఒక గర్ల్‌ఫ్రెండ్ (అల్లిసన్) కూడా దొరుకుతుంది. ఆ తరువాత స్టోరీ మరింత ఆసక్తిగా మారుతుంది. చివరికి అన్నిటికీ యస్ చెప్పడంతో కార్ల్ ఎలాంటి చిక్కుల్లో పడతాడు. వాటినుంచి ఎలా బయట పడతాడు ? అనే విషయాలను, ఈ సినిమాను చూసి తెలుసుకోండి.