Comedy Series OTT : ఓటీటీలో రీసెంట్ గా వచ్చిన ఒక కామెడీ సిరీస్ తెగ నవ్విస్తోంది. ఈ సిరీస్ టాప్ ట్రెండింగ్ లో కూడా ఉంది. ఈ కథ రక్తం చూస్తే భయపడిపోయే ఒక డాక్టర్ చుట్టూ తిరుగుతుంది. ఇది వినడానికి కామెడీగా ఉన్నా, సినిమాలో ఆయన పడే కష్టాలు చూస్తే జాలి వేస్తుంది.
ఇది ప్రేక్షకుల నుండి మంచి ఆదరణ పొందింది. దీని క్రేజ్ చూసి రెండవ సీజన్ కూడా ఖరారు చేశారు మేకర్స్. దీని పేరు ఏంటి ? ఏ ఓటీటీలో ఉంది ? అనే వివరాల్లోకి వెళ్తే…
ఈ అమెరికన్ కామెడీ డ్రామా టెలివిజన్ సిరీస్ పేరు ‘బెస్ట్ మెడిసిన్’ (Best Medicine). ఈ సిరీస్ లో డాక్టర్ మార్టిన్ బెస్ట్ పాత్రను జోష్ చార్లెస్ అద్భుతంగా చేశారు. ఆయనకి జోడీగా స్కూల్ టీచర్ లూయిసా పాత్రలో అబిగైల్ స్పెన్సర్ నటించింది. ఈ సిరీస్ 2026 జనవరిలో 6 నుంచి Hulu లో అందుబాటులో ఉంది. FOX ఛానల్‌లో ఎపిసోడ్ టెలికాస్ట్ అయిన మరుసటి రోజే ఎపిసోడ్లు ఈ ప్లాట్‌ ఫారమ్‌లోకి వచ్చాయి. అయితే వీక్లీ ఒక ఎపిసోడ్ మాత్రమే రిలీజ్ చేశారు. 13 ఎపిసోడ్స్ ఉన్న ఈ సిరీస్ ఏప్రిల్ 7 న వచ్చే చివరి ఎపిసోడ్ తో ముగుస్తుంది. ఇది తక్కువ కాలంలోనే భారీ రేటింగ్స్ సంపాదించుకుంది. మార్చి 2026 నాటికి ఈ సిరీస్ టాప్ ట్రెండింగ్‌లో నిలిచింది. ముఖ్యంగా ఫ్యామిలీ ఆడియన్స్‌కి ఇది బాగా నచ్చింది. దీనికి ఉన్న క్రేజ్ చూసి, FOX నెట్‌వర్క్ అప్పుడే రెండవ సీజన్ ని కూడా కన్ఫర్మ్ చేసింది. ఈ సిరీస్ ను Prime Video ఓటీటీ ప్లాట్‌ ఫామ్‌లో కూడా చూడవచ్చు.
సిటీలో ఒక పెద్ద హార్ట్ సర్జన్ డాక్టర్ మార్టిన్ బెస్ట్. అతను చేతిలో కత్తి పడితే చాలు, ఎంతటి కష్టమైన ఆపరేషన్ అయినా చిటికెలో చేసేసేవాడు. కానీ సడన్‌గా అతనికి ఒక వింత భయం పట్టుకుంటుంది. ఆపరేషన్ చేసేటప్పుడు రక్తం చూస్తే చాలు, తల తిరిగి పడిపోయే పరిస్థితి. దీంతో సిటీలో ఆ పెద్ద ఉద్యోగాన్ని వదిలేసి, ప్రశాంతంగా ఉంటుందని ఒక చిన్న పల్లెటూరికి డాక్టరుగా వెళ్తాడు. అక్కడికి వెళ్ళాక అసలు కథ మొదలవుతుంది. ఆ ఊర్లో జనాలు అంతా పిచ్చి పిచ్చిగా, వింతగా ఉంటారు. ఈ డాక్టరేమో భయంకరమైన కోపిష్టి, ముక్కుసూటిగా మాట్లాడే టైపు. ఎవరికీ కనీసం మర్యాద ఇవ్వడు, మొహం మీదే నిజాలు చెప్పేస్తాడు.
ఆ ఊరి ప్రజలేమో ఈ డాక్టరు ఇలా ఉన్నాడేంటని తిట్టుకుంటూ ఉంటారు. కానీ లోలోపల డాక్టర్ కి అందరి మీద ఇష్టం ఉంటుంది, కాకపోతే అది బయట పెట్టడం రాదు. ఈ గొడవల మధ్యలో లూయిసా అనే ఒక స్కూల్ టీచర్ కనిపిస్తుంది. ఆమెను చూసి మన డాక్టర్ గారు ఫ్లాట్ అయిపోతాడు. కానీ ఆమెతో కూడా సరిగ్గా మాట్లాడలేక, తన యాటిట్యూడ్‌తో ఆమెను విసిగిస్తూ ఉంటాడు. ఇలా ఆ చిన్న ఊర్లో డాక్టర్ పడే తిప్పలు, తన ఫోబియాని తట్టుకుంటూ చేసే వైద్యం.. ఇవన్నీ కలిపి ఈ షోలో భలే కామెడీగా, ఎమోషనల్‌గా ఉంటాయి.
Read Also : కష్టాలను జయించిన ఒక పవిత్ర ఆత్మ ప్రయాణం… అవార్డులు, ప్రశంసలతో హోరెత్తిన సినిమా
Share
ఇదెక్కడి సినిమా బాబోయ్... ఊరు ఊరంతా జాంబిలు... ఇక్కడ బతకడం చావు కన్నా దారుణం
అందమైన మాటలు.. అంతలోనే ఘోరమైన మోసాలు... అసలైన 'ఫేక్' లవ్ స్టోరీ
