Court Room Drama OTT : చట్టం ముందు అందరూ సమానమే అనే మాటను తరచుగా వింటూ ఉంటాము. కానీ నిజ జీవితంలో అది ఎక్కడా నిజంలా కనిపించదు. డబ్బు, అధికారం, పలుకుబడి ఉన్నవాళ్లకు మాత్రం చట్టం చుట్టంలా కన్పిస్తుంది. ఇక న్యాయం విషయానికి వస్తే… కోర్టు రూముల్లో జరిగే న్యాయం కోసం జరిగే పోరాటం చాలా క్లిష్టంగా ఉంటుంది. అలాంటి వ్యవస్థలో నిజం కోసం ఇద్దరు మహిళలు కలిసి చేసిన పోరాటమే ఈరోజు మన మూవీ సజెషన్. ‘System’ అనే టైటిల్ తో రూపొందిన ఈ కోర్ట్ రూమ్ డ్రామా ఏ ఓటీటీలో స్ట్రీమింగ్ అవుతోంది ? స్టోరీ ఏంటి ? అనే విషయాలపై ఒక లుక్కేద్దాం పదండి.
Ashwiny Iyer Tiwari దర్శకత్వంలో రూపొందిన మూవీ ‘సిస్టం’. ఇందులో Sonakshi Sinha, Jyothika మెయిన్ లీడ్స్ గా నటించారు. కుటుంబ కథలు, భావోద్వేగాలతో పాటు సమాజంలోని వాస్తవ సమస్యలను బలంగా చూపించడంలో ప్రత్యేక గుర్తింపు పొందారు దర్శకుడు అశ్విని అయ్యర్ తివారీ. ఆమె ఈసారి న్యాయ వ్యవస్థలో దాగి ఉన్న చీకటి కోణాలను తెరపైకి తీసుకొచ్చే ప్రయత్నం చేశారు.
ఈ చిత్రాన్ని థియేటర్లలో కాకుండా, నేరుగా ఓటీటీలో విడుదల చేశారు. Amazon Prime Video లో ఈ సినిమాను వీక్షించొచ్చు. 2026 మే 22న ప్రపంచవ్యాప్తంగా విడుదలైన ఈ చిత్రం హిందీతో పాటు తెలుగు, తమిళం, కన్నడ, మలయాళ భాషల్లో కూడా అవైలబుల్ గా ఉంది. లీగల్ డ్రామాలు, ఇన్వెస్టిగేటివ్ థ్రిల్లర్స్, సామాజిక సమస్యలపై తెరకెక్కిన సినిమాలు అంటే ఇష్టం ఉన్నవారు ఈ సినిమాను అస్సలు మిస్ అవ్వకుండా చూడాల్సిందే.
కథలో నేహా రాజ్వంశ్ అనే యువ లాయర్ పాత్రలో సోనాక్షి సిన్హా… ఆమె తండ్రిగా, దేశంలోనే ప్రముఖ లాయర్లలో ఒకరిగా రవి రాజ్వంశ్ నటించారు. ఆయన లా ఫర్మ్లో పార్ట్నర్ కావాలని నేహా కలలు కంటుంది అయితే తండ్రి మాత్రం అలా జరగాలంటే తాను చెప్పింది చేయాలంటూ ఓ కండిషన్ పెడతాడు. వరుసగా పది కేసులు గెలిస్తేనే ఆ అవకాశం ఇస్తాననే తండ్రి షరతుకు ఆమె కూడా ఒప్పుకుంటుంది.
చివరి కేసుగా ఆమె తీసుకున్న ఒక హైప్రొఫైల్ మర్డర్ కేసు నేహా జీవితాన్ని మార్చేస్తుంది. అందులో దాగి ఉన్న షాకింగ్ నిజాలు బయటకు రావడం మొదలవుతుంది. ఒకవైపు తండ్రి ప్రభావం, మరోవైపు న్యాయం కోసం పోరాటం మధ్య నేహా ఎదుర్కొనే సంఘర్షణ సినిమాలో హైలెట్ గా ఉంటుంది. ముఖ్యంగా కోర్టులో జరిగే క్రాస్ ఎగ్జామినేషన్ సన్నివేశాలు ప్రేక్షకులను సక్సెస్ ఫుల్ గా ఆకట్టుకుంటాయి. ఈ కేసులో ప్రధాన నిందితులకు బిగ్గెస్ట్ రియల్ ఎస్టేట్ సామ్రాజ్యంతో సంబంధాలు ఉండడంతో సాక్ష్యాలను తారుమారు చేస్తారు. ఇక్కడే సారికా రావత్ అనే కోర్టు స్టెనోగ్రాఫర్ రోల్ కీలకంగా మారుతుంది. సారికా ఇంట్లో అనారోగ్యంతో ఉన్న భర్తను చూసుకుంటూనే, కోర్టులో తక్కువ జీతానికి పనిచేసే మహిళ. కానీ కోర్టులో జరిగే ప్రతి చిన్న విషయాన్ని గమనించే ఆమె నేహాకు పెద్ద ఆయుధంగా మారుతుంది. మరి చివరికి ఈ కేసు ఎలాంటి మలుపు తిరిగింది ? అన్నది మూవీని చూసి తెలుసుకోవాల్సిందే.
Read Also : 8 ఏళ్ల తర్వాత 3,000 ఏళ్ల నాటి పురాతన శవపేటికలో… గుండె జారిపోయే సీన్లు
Share
ఒకే ఒక వైరుతో నగరాన్ని వణికించిన సైకో... చావు అంచున సాగే ప్రతీ నిమిషం
యముడిగా మారే హోటల్ యజమాని... వడ్డీ రాక్షసుల గుండెల్లో వణుకు పుట్టించే పవర్ఫుల్ క్రైమ్ థ్రిల్లర్
