Horror Thriller OTT : ప్రేక్షకులకు ఊహించని ట్విస్ట్ తో మైండ్ బెండ్ అయ్యే సినిమా ఒకటి ఓటీటీలోకి వచ్చింది. ఈ సినిమా చూస్తే ఆడియన్స్ కి నిజంగానే మెంటలెక్కినంత పనవుతుంది. ఈ కథలో ప్రేయసి కోరిక మేరకు ఆమె పిచ్చి తల్లి బాగోగులు చూడటానికి వెళ్తాడు ప్రియుడు. అయితే అక్కడికి వెళ్ళాక స్టోరీ హారర్ మోడ్ కి వెళ్తుంది. ఒక్కో సీన్ వణికించేస్తుంది కూడా. హారర్ ఫ్యాన్స్ మిస్ కాకుండా చూడాల్సిన సినిమా ఇది. దీని పేరు ఏమిటి ? ఏ ఓటీటీలో ఉంది ? అనే వివరాల్లోకి వెళ్తే…
ఈ సైకలాజికల్ హారర్ థ్రిల్లర్ మూవీ పేరు ‘క్రేజీ ఓల్డ్ లేడీ’ (Crazy Old Lady). దీని ఒరిజినల్ స్పానిష్ టైటిల్ Vieja loca. మార్టిన్ మౌరేగుయ్ దర్శకత్వంలో వచ్చిన ఈ సినిమాలో కార్మెన్ మౌరా, డేనియల్ హెండ్లర్ నటించారు. ఇది 2025లో అనేక ఫిల్మ్ ఫెస్టివల్స్లో ప్రదర్శించబడి ఇప్పుడు స్ట్రీమింగ్ కి వచ్చింది. ఈ సినిమా 2026 ఫిబ్రవరి 27 నుండి Hulu, Shudder ఓటీటీలలో స్ట్రీమింగ్ అవుతుంది.
పెడ్రో అనే వ్యక్తికి ఒకరోజు తన మాజీ ప్రేయసి నుండి అర్జంటుగా ఫోన్ వస్తుంది. తన తల్లి అలీసియాకు ఒంట్లో బాలేదని, కొంచెం పిచ్చిగా ప్రవర్తిస్తోందని, తను వచ్చే వరకు ఆమెను కనిపెట్టుకుని ఉండమని కోరుతుంది. పెడ్రో సరేనని ఆ ముసలామె ఇంటికి వెళ్తాడు. కానీ అక్కడికి వెళ్ళాక పరిస్థితి మారుతుంది. ఆ ముసలామెకు నిజంగానే మతిస్థిమితం ఉండదు. ఆమె పెడ్రోని గుర్తుపట్టకపోగా.. తన గతం లోని ప్రేమికుడని పొరబడుతుంది. అక్కడితో ఆగకుండా అతన్ని బయటకు వెళ్లనివ్వకుండా ఇంటికి తాళాలు వేసేస్తుంది.
ఇక ఆ ఇంట్లో పెడ్రోకి నరకం కనిపిస్తుంది. ఆ ముసలామె తన పిచ్చిలో రకరకాల వింత ఆటలు ఆడుతూ అతన్ని చిత్రహింసలకు గురిచేస్తుంది. ఆమె నుంచి తప్పించుకోవడానికి పెడ్రో చేసే ప్రయత్నాలు ఏమాత్రం ఫలించవు. ఒక దశలో ఆమెకు ఉన్న భయంకరమైన సైకో కోణం బయటపడుతుంది. చివరికి ఆ ముసలామె నుంచి తప్పించుకుని పెడ్రో ప్రాణాలతో బయటపడ్డాడా ? ఆమె చేతిలో బలయ్యడా అనేది తెలుసుకోవాలనుకుంటే, ఈ సైకలాజికల్ హారర్ థ్రిల్లర్ సినిమాను చూడాల్సిందే.
Read Also : వేశ్యల దుకాణంలో మెంటలెక్కించే మర్డర్లు … ఓటీటీలో టాప్ లేపుతున్న సిరీస్
Share
Vijay Rashmika: స్నేహం నుంచి సాఫల్యం వరకు.. రష్మిక గురించి చెబుతూ రౌడీ బాయ్ ఎమోషనల్..
Karthika Deepam 2 Serial Today February 27th: ‘కార్తీక దీపం 2’ సీరియల్: దీపను ఏడిపించేందుకు జ్యో, పారిజాతం ప్లాన్
