Crime thriller series OTT: అబ్బాయిలే కాదు, అమ్మాయిలు చేసే అరాచకాలకు కూడా ఒళ్లు జలదరిస్తుంటుంది. సైకోలకు మించిన హింసను ఒక వెబ్ సిరీస్ రూపంలో తీసుకొచ్చారు. ఇది 1960ల కాలంలో మెక్సికోలో జరిగిన ఒక యధార్థ గాథ. ఇద్దరు అక్కాచెల్లెళ్లు కలిసి మెక్సికోలో వేశ్యా గృహంలో చేసిన దారుణాల చుట్టూ ఈ కథ తిరుగుతుంది. వీళ్ళని ప్రపంచంలోనే అత్యంత ప్రమాదకరమైన మహిళా సీరియల్ కిల్లర్స్ గా కూడా చెప్పుకుంటారు. చూస్తే అమ్మాయిలు కూడా ఇంత దారుణంగా ఉంటారా ? అనిపిస్తుంది. మరి ఈ సిరీస్ ని చూడాలనుకుంటే, ఓటీటీలో అందుబాటులో ఉంది. ఎక్కడ చూడచ్చు ? దీని పేరు ఏంటి ? అనే వివరాల్లోకి వెళ్తే ..
ఈ మెక్సికన్ క్రైమ్ థ్రిల్లర్ వెబ్ సిరీస్ పేరు ‘ది డెడ్ గర్ల్స్’ (The Dead Girls). ఇది 1977లో జార్జ్ ఇబార్గుయెంగోయిటియా రాసిన నవల ఆధారంగా రూపొందింది. 6 ఎపిసోడ్లు ఉన్న ఈ సిరీస్ ను లూయిస్ ఎస్ట్రాడా డైరెక్ట్ చేశారు. 2025 సెప్టెంబర్ 10 నుంచి నెట్ఫ్లిక్స్ (Netflix) లో స్ట్రీమింగ్ కి వచ్చింది. ఆర్సెలియా రామిరేజ్, పౌలినా గైటాన్ ఇందులో లీడ్ రోల్స్ లో నటించారు.
అర్కాంగేలా, సెరాఫినా అనే ఇద్దరు సిస్టర్స్ ఒక వేశ్యా వాటికను నడుపుతుంటారు. మొదట్లో వ్యాపారం లాగా మొదలైన ఇది, మెల్లమెల్లగా అరాచకంగా మారుతుంది. వీళ్ళకి రాజకీయ నాయకులు కూడా తోడవ్వడంతో ఆగడాలకు అడ్డులేకుండా పోతుంది. తమ దగ్గర పని చేసే అమ్మాయిలను చిత్రహింసలు పెట్టడం, ఎవరైనా ఎదురుతిరిగితే చంపేసి పాతిపెట్టడం వంటివి చేస్తారు కూడా. పని ఇప్పిస్తామని నమ్మించి 12 నుండి 15 ఏళ్ల వయసున్న తీసుకొచ్చి, వాళ్ళని బలవంతంగా వ్యభిచార కూపంలోకి నెట్టేవారు. కేవలం క్రైమ్ మాత్రమే కాకుండా, ఆ కాలంలో ఉన్న అవినీతిని కూడా ఈ సిరీస్ డార్క్ కామెడీ స్టైల్లో చూపిస్తుంది.
చివరకు ఒక అమ్మాయి అక్కడి నుండి తప్పించుకుని పోలీసులకు ఫిర్యాదు చేయడంతో, ఆ అక్కా చెల్లెళ్ల అసలు రంగు బయటపడుతుంది. పోలీసులు ఆ ఇంటిని సోదా చేసినప్పుడు బయటపడ్డ శవాలు దేశవ్యాప్తంగా సంచలనం సృష్టిస్తాయి. సుమారు 150 మంది వరకు వీళ్ళ చేతుల్లో హత్యకు గురయ్యారని అంచనా కూడా ఉంది. చివరికి వాళ్ళు జీవితాంతం జైలు ఊచలు లెక్కపెట్టాల్సి వస్తుంది. మొత్తంగా చెప్పాలంటే ఇది అధికార దాహం మనుషులను ఎంతటి నీచానికి దిగజారుస్తుందో చూపించే ఒక సీరియస్ క్రైమ్ థ్రిల్లర్.
Read Also : ఈ వారం థియేటర్లతో పాటు ఓటీటీలోకి రానున్న మోస్ట్ అవైటింగ్ మూవీస్ ఇవే… అక్యూస్డ్ నుండి ది కేరళ స్టోరీ 2 వరకు
Share
Government Doctors: రాష్ట్రంలో 94 మంది ప్రభుత్వ వైద్యులు సస్పెండ్.. ఉత్తర్వులు జారీ..!
England vs Pakistan: పాక్ అభిమాని ఓవరాక్షన్..స్టేడియంలోనే చితకబాదిన ఇంగ్లాండ్ ఫ్యాన్
