Crime Thriller OTT :క్రైమ్ థ్రిల్లర్ సినిమాలు చూడడానికి ఎంత క్రేజీగా ఉంటాయి కదా. ఇక కామన్ మ్యాన్ కాస్తా ప్రపంచాన్ని గడగడలాడించే స్థాయికి ఎదిగే కథలంటే ఎవరికి నచ్చదు చెప్పండి ? ఆల్మోస్ట్ అందరూ కలలు గనే జీవితం అది. రియల్ లైఫ్ లో ఎలాగూ సాధ్యం కాదు కాబట్టి రీల్ లైఫ్ లో అలాంటివి చూసి ఎంజాయ్ చేస్తారు ఆడియన్స్. అయితే ఇలాంటి రియల్ ఇన్సిడెంట్స్ ఆధారంగా తెరకెక్కిన సినిమాలు భలే ఇంట్రెస్టింగ్ గా ఉంటాయి. అలాంటి మూవీనే ఈరోజు మన మూవీ సజెషన్. మరి ఆ మూవీ ఏంటి ? ఏ ఓటీటీలో ఉంది ? అనే విషయాలను తెలుసుకుందాం పదండి.
అగ్రదేశం అమెరికాను షేక్ చేసిన ఓ మనిషి కథ గురించి ఇప్పుడు తెలుసుకోబోతున్నాము. ప్రపంచంవ్యాప్తంగా మారుమ్రోగిన ఆ వ్యక్తి ఎవరో కాదు జెఫ్రీ ఎప్స్టీన్. ఆయన మరణించిన ఏడు సంవత్సరాల తర్వాత కూడా ప్రపంచ రాజకీయాలను కదిలిస్తూనే ఉన్నారు. ఆయన బయోపిక్ గా రూపొందిన ఆ సిరీస్ పేరు ‘జెఫ్రీ ఎప్స్టీన్: ఫిల్తీ రిచ్’. రాడికల్ మీడియా, జేమ్స్ ప్యాటర్సన్ ఎంటర్టైన్మెంట్ ప్రొడక్షన్స్, థర్డ్ ఐ మోషన్ పిక్చర్స్ నిర్మించిన ఈ డాక్యుమెంటరీ నెట్ఫ్లిక్స్ లో అందుబాటులో ఉంది. 4 ఎపిసోడ్ల ఈ డాక్యుమెంటరీ సిరీస్ కు లిసా బ్రయంట్ దర్శకత్వం వహించారు. ఈ డాక్యుమెంటరీలో ప్రపంచానికి తెలియని వాస్తవాలను కళ్ళకు కట్టినట్టు చూపించారు. ప్రతి ఎపిసోడ్ దాదాపు గంట నిడివి ఉంటుంది. జెఫ్రీ ఎప్స్టీన్ కేసు గురించి తెలుసుకోవాలనుకుంటే, మీరు ఈ డాక్యుమెంటరీ సిరీస్ ను నెట్ఫ్లిక్స్ లో చూడవచ్చు.
నేరాల ప్రపంచంలో చెప్పుకోదగ్గ పేరు జెఫ్రీ ఎప్స్టీన్. ఆయన మరణించిన ఏడు సంవత్సరాల తర్వాత కూడా ప్రపంచ రాజకీయాలలో జెఫ్రీ ఎప్స్టీన్ పేరు విన్పిస్తునే ఉంది. అమెరికా నుండి యూరప్ వరకు వార్తా పత్రికలలో కూడా జెఫ్రీ ఎప్స్టీన్ పేరుతో నిండి పోయాయి. కానీ 2019లో అనుమానాస్పద పరిస్థితులలో జైలులో మరణించిన ఈ జెఫ్రీ ఎప్స్టీన్ ఎవరు? గణితం, భౌతిక శాస్త్రాల ఉపాధ్యాయుడు అయిన ఆయన సెలవుల్లో మాత్రమే ఉపయోగించగలిగే 20 మిలియన్ల ఇంటిని ఎలా కొన్నాడు ? ఐర్లాండ్ లోని వర్జిన్ ఐలాండ్, ప్రపంచంలోని అత్యంత ప్రఖ్యాత వ్యక్తులు కూడా దాని నీడ నుండి తప్పించుకోలేని విధంగా విలాసవంతమైన భ్రమను ఎలా సృష్టించాడు ? ఈ ప్రశ్నలు అన్నింటికీ సమాధానమే ఆరు సంవత్సరాల క్రితం నెట్ఫ్లిక్స్ లో విడుదలైన ఈ సిరీస్.
2019లో జెఫ్రీ ఎప్స్టీన్ అనే వ్యక్తి జైలులో అనుమానాస్పదంగా మరణించాడు. తరువాత మైనర్ బాలికలపై లైంగిక దోపిడీకి సంబంధించిన కేసు వెలుగులోకి వచ్చింది. అతను డజన్ల కొద్దీ బాలికలను, వారిలో చాలామంది మైనర్లను వర్జిన్ దీవికి తీసుకెళ్లాడనే షాకింగ్ విషయం బయటకు వచ్చింది. అన్ని సౌకర్యాలతో కూడిన ఈ ఏకాంత ద్వీపం భయంకరమైన కార్యకలాపాలకు వేదికగా ఉండేదని అంటారు. కానీ జెఫ్రీ ఎప్స్టీన్ ఎవరు? ఎప్స్టీన్ పేరు ఇప్పటికీ ప్రతిధ్వనిస్తూనే ఉండడానికి కారణం ఏంటి? అతని మరణం తర్వాత, గత ఏడు సంవత్సరాలుగా పీడకలగా మిగిలిపోయిన ఆ కథ ఏంటి? అనేది తెలుసుకోవాలి అనుకుంటే ఈ సిరీస్ పై ఒక లుక్కేయండి.
Read Also : రాబిన్ హుడ్ లా మారే కాళీమాత భక్తుడు… బ్రిటీషోళ్ళకే భయం పుట్టించే బందిపోటు
Share
GHMC Commissioner: బదిలీ అయిన చోటకు వెళ్లాల్సిందే.. టెలీ కాన్ఫరెన్స్ లో జీహెచ్ఎంసీ కమిషనర్ కర్ణన్ ఆదేశాలు!
Srikalahasti: శ్రీకాళహస్తి ఆలయం పేరుతో బడా స్కామ్.. ఈ పేరుతో ఉన్న లింక్స్ ఓపెన్ చేయొద్దు..
