Crime Thriller Series on OTT: క్రైమ్ థ్రిల్లర్ కంటెంట్ ను ఓటీటీలో ఎక్కవచూసేందుకు ఇష్టపడుతున్నారు ప్రేక్షకులు. డిఫరెంట్ కంటెంట్ కనిపిస్తే అస్సలు వదలటం లేదు. మేకర్స్ కూడా ఆడియన్స్ కు తగ్గట్టు రకరకాల ప్రయోగాలతో ముందుకు వస్తున్నారు. ఆ ప్రయోగంలో భాగంగా ఓ క్రైమ్ థ్రిల్లర్ మంచ్ సక్సెస్ రేటును పొందింది. ఇది ప్రతి నిమిషం ఉత్కంఠను కలిగిస్తుంది. ఇందులో మర్డర్ మిస్టరీతో పాటు విచిత్రమైన పరిస్థితుల వల్ల పుట్టే ‘డార్క్ హ్యూమర్’ కూడా ఉంటుంది. పరిస్థితులు బాగోలేకపోతే ఒక మంచి వ్యక్తి కూడా ఎలాంటి ఘోరమైన క్రైమ్ చేయడానికి సిద్ధపడతాడో ఈ సిరీస్లో చాలా వేగవంతమైన స్క్రీన్ప్లేతో చూపించారు.
2022లో నాలుగు ఎపిసోడ్లతో వచ్చిన ఈ బ్రిటిష్ క్రైమ్ థ్రిల్లర్ మినీ సిరీస్ పేరు ‘ఇన్సైడ్ మ్యాన్’ (Inside Man). దీనిని ప్రముఖ రచయిత స్టీవెన్ మోఫాట్ రూపొందించారు. ఈయన గతంలో ప్రపంచవ్యాప్తంగా భారీ విజయం సాధించిన ‘షెర్లాక్’ (Sherlock), ‘డాక్టర్ హూ’ (Doctor Who) వంటి మైండ్-బ్లోయింగ్ సిరీస్లను అందించినందుకు మంచి గుర్తింపు పొందారు. ఇందులో హాలీవుడ్ ప్రముఖ నటులు స్టాన్లీ టుస్సీ, డేవిడ్ టెన్నెంట్ ప్రధాన పాత్రలు పోషించారు. దీనిని బిబిసి వన్ (BBC One), నెట్ఫ్లిక్స్ (Netflix) కలసి నిర్మించాయి. కేవలం 4 ఎపిసోడ్స్ మాత్రమే ఉన్న ఈ డార్క్ క్రైమ్ థ్రిల్లర్కు డేవిడ్ ఆర్నాల్డ్ అందించిన బ్యాక్గ్రౌండ్ మ్యూజిక్ కథలోని సస్పెన్స్ను మరింతగా పెంచింది. ఈ సిరీస్ ఐయండిబిలో 7.0/10 రేటింగ్ ను కూడా పొందింది.
‘ఇన్సైడ్ మ్యాన్’ (Inside Man) అనేది నెట్ఫ్లిక్స్లో ఉన్న ఒక మైండ్ బ్లోయింగ్ బ్రిటిష్ క్రైమ్ థ్రిల్లర్ సిరీస్. పరిస్థితులు బాగోలేకపోతే, ఎంతటి మంచివాడైనా సరే క్రైమ్ చేయడానికి వెనుకాడనే కాన్సెప్ట్తో కేవలం 4 ఎపిసోడ్లతో ఈ కథ సాగుతుంది. ఇందులో ఒకవైపు అమెరికా జైల్లో తన భార్యను చంపిన నేరానికి ఉరిశిక్ష పడి, చావు కోసం వెయిట్ చేసే ఒక తెలివైన ప్రొఫెసర్ ఉంటాడు. అతను జైల్లోనే ఉంటూ బయటవాళ్ల మైండ్స్ రీడ్ చేస్తూ కొన్ని మర్డర్ మిస్టరీలను కూడా సాల్వ్ చేస్తుంటాడు.
మరోవైపు ఇంగ్లాండ్లో అందరికీ మంచి చేసే ఒక చర్చి ఫాదర్ ఉంటాడు. ఒకరోజు తన కొడుకును ఒక పెద్ద తప్పు నుండి కాపాడబోయి, అనుకోకుండా తానే ఒక పెద్ద తప్పులో ఇరుక్కుపోతాడు. ఆ గందరగోళంలో తన కొడుక్కి పాఠాలు చెప్పే ట్యూషన్ టీచర్ను ఇంట్లోనే బంధించాల్సి వస్తుంది. ఒక చిన్న అబద్ధం వల్ల ఆ ఫాదర్ జీవితం ఎలా నరకంగా మారింది ? అటు అమెరికా జైల్లో ఉన్న ప్రొఫెసర్కి ఈ కేసుకు సంబంధం ఏంటి ? అనేది చాలా సస్పెన్స్గా చూపించారు ఇందులో.
Read Also : థియేటర్లలో పాటు ఓటీటీలను షేక్ చేసిన దమ్మున్న సినిమాలు… వీటి క్లైమాక్స్ తో పూనకాలు పక్కా
Share
ఎన్నేళ్ళు గడిచినా ఇలాంటి వార్ మూవీస్ ఎప్పటికీ మర్చిపోలేం... ప్రతీ సినిమా ఒక అద్భుతమే
ఆత్మల సాయంతో మర్డర్ ఇన్వెస్టిగేషన్... ఊహించని మలుపులతో సాగే మైండ్ బ్లోయింగ్ సిరీస్
