Psychological crime series : పోలీస్ ఇన్వెస్టిగేషన్ స్టోరీలు ఓటీటీలో ఎప్పుడు వచ్చినా ట్రెండ్ అవుతున్నాయి. ఇన్వెస్టిగేషన్ ఎంత ఇంటెన్స్ గా ఉంటే ప్రేక్షకులు అంతగా ఆదరిస్తారు కూడా. అయితే ఇప్పుడు మనం చెప్పుకోబోయే సైకలాజికల్ క్రైమ్ సిరీస్ కొంచెం డిఫరెంట్ కంటెంట్ తో వచ్చింది. ఇందులో క్రైమ్ థ్రిల్లర్లలో ఉండే యాక్షన్ సీక్వెన్స్‌లు, చేజింగ్‌లు ఉండవు. మనకి బాగా కావాల్సిన వాళ్ళు దూరం అయినప్పుడు మనసు ఎంతలా తల్లడిల్లిపోతుంది, ఆ బాధ నుంచి ఎలా బయటపడాలనే విషయాన్ని చాలా ఎమోషనల్ గా చూపిస్తారు ఇందులో. హీరో చనిపోయిన వాళ్ళతో మాట్లాడుతూ మర్డర్ మిస్టరీని ఛేదించే విచిత్రమైన స్క్రీన్‌ప్లే కూడా ప్రేక్షకుడిని కట్టిపడేస్తుంది.
ఈ సైకలాజికల్ క్రైమ్ సిరీస్ పేరు ‘రివర్’ (River). ఎమ్మీ అవార్డు గ్రహీత, ప్రముఖ బ్రిటిష్ స్క్రీన్‌రైటర్ అబి మోర్గాన్ అందించిన స్క్రిప్ట్ ఈ సిరీస్‌కు ప్రధాన బలంగా నిలిచింది. 2015 లో వచ్చిన ఈ సిరీస్‌లో జాన్ రివర్‌గా స్టెల్లాన్ స్కార్స్‌గార్డ్, స్టీవీగా నికోలా వాకర్ అద్భుతమైన నటనను కనబరిచారు. ఈ ఆరు ఎపిసోడ్‌ల లిమిటెడ్ సిరీస్‌కు ప్రపంచవ్యాప్తంగా విమర్శకుల నుండి భారీ ప్రశంసలు దక్కాయి. రివ్యూ వెబ్‌సైట్ ఐయండిబిలో దీనికి 8.0/10 రేటింగ్‌తో పాటు, Rotten Tomatoesలో 95% క్రిటిక్స్ స్కోర్ సాధించి ఇదొక మాస్టర్‌పీస్‌గా నిలిచింది. ముఖ్యంగా లీడ్ రోల్ పోషించిన స్టెల్లాన్ స్కార్స్‌గార్డ్ నటనకు ఇంటర్నేషనల్ వైడ్‌గా అవార్డులు వచ్చాయి. ఈ సిరీస్ ప్రస్తుతం నెట్‌ఫ్లిక్స్, అమెజాన్ ప్రైమ్ వీడియోలలో అందుబాటులో ఉంది.
లండన్ పోలీస్ డిపార్ట్‌మెంట్‌లో పనిచేసే జాన్ రివర్ అనే ఒక ఇంటెలిజెంట్ డిటెక్టివ్ ఉంటాడు. ఒక రోజు అతని కళ్ల ముందే అతని ప్రాణ స్నేహితురాలు, పోలీస్ పార్ట్‌నర్ అయిన స్టీవీని ఎవరో కార్లో వచ్చి దారుణంగా కాల్చి చంపేస్తారు. ఈ షాక్ నుంచి రివర్ అస్సలు కోలుకోలేకపోతాడు. దీంతో అతనికి ఒక విచిత్రమైన మానసిక సమస్య మొదలవుతుంది. చనిపోయిన స్టీవీ దయ్యంలా కాకుండా, నార్మల్ మనిషిలాగే రివర్‌కి కంటికి కనిపిస్తూ, పక్కనే ఉండి మాట్లాడుతున్నట్టు భ్రమ కలుగుతుంది.
తనకి పిచ్చి ముదిరిందని తెలిస్తే ఉద్యోగం ఊడిపోతుందని భయపడుతూ, ఆ విషయాన్ని పై అధికారులకి తెలియకుండా, స్టీవీని చంపిన అసలు హంతకుడు ఎవరో కనిపెట్టే ప్రయత్నం చేస్తాడు జాన్ . ఇక స్టీవీని చంపింది ఎవరో వెతికే కొద్దీ రివర్‌కి ఎన్నో షాకింగ్ నిజాలు తెలుస్తాయి. ఆ ట్విస్టులు చూసిన ఆడియన్స్ కి కూడా పిచ్చెక్కిపోద్ది. మరి ఆ ట్విస్టులు ఏమిటి ? స్టీవీని ఎవరు, ఎందుకు చంపారు ? జాన్ తెలుసుకున్న నిజాలు ఏమిటి ? ఈ కథకు ఎలాంటి ముగింపు ఉంది ? అనే విషయాలను ఈ సిరీస్ ను చూసి తెలుసుకోండి.
Read Also : అప్పుల ఊబి నుండి బయటపడటానికి మాజీ పోలీస్ డేంజరస్ ప్లాన్… ఓటీటీలో పర్ఫెక్ట్ మైండ్ బ్లోయింగ్ వెబ్ సిరీస్
Share
జైలు నుంచే క్రైమ్స్ సాల్వ్ చేసే ఖైదీ... నాలుగు ఎపిసోడ్లతో బుర్ర హీటెక్కిస్తున్న కిరాక్ క్రైమ్ థ్రిల్లర్
బ్రిటీష్ అహంకారాన్ని మట్టి కరిపించిన అడవి బిడ్డ... ఓటీటీలోకి క్రేజీ రివేంజ్ థ్రిల్లర్
