గర్భిణీలను మాత్రమే చంపుతున్న సైకో కిల్లర్… ఆరు నెలల తరువాత ఓటీటీలోకి… ట్రెండింగ్ లో తెలుగు క్రైమ్ థ్రిల్లర్

Crime Thriller Movie on OTT : ఇప్పుడు ఎంటర్టైన్మెంట్ కు ఒక వేదికలా ఓటీటీలు తయ్యారయ్యాయి. వరల్డ్ వైడ్ ఏ సినిమా వచ్చినా వీటిలో అడుగుపెట్టాలసిందే. ఇక వీటిలో థ్రిల్లర్ కంటెంట్ కు క్రేజ్ విపరీతంగా ఉంది. తెలుగులో కూడా వీటిని డబ్ చేసి రిలీజ్ చేస్తున్నారు కూడా. అలాగే తెలుగులో కూడా మంచి కంటెంట్ ఉన్న థ్రిల్లర్ సినిమాలు వస్తున్నాయి. రీసెంట్ గా ఓటీటీకి వచ్చిన ఒక తెలుగు సినిమా ఇప్పుడు ట్రెండింగ్‌ అవుతోంది. ఈ సినిమా థియేటర్లలో పెద్దగా ప్రభావం చూపలేదు. అయితే ఓటీటీలో మాత్రం టాప్ ట్రెండింగ్ లో దూసుకుపోతోంది. దీనినికి ఐయండిబిలో 8రేటింగ్ ఉందంటే సినిమా ఎలా ఉంటుందో ఊహించవచ్చు. ఇది రియల్ స్టోరీ ఆధారంగా తెరకెక్కిన థ్రిల్లర్ మూవీ. గర్భిణులను హత్య చేసే ఒక సైకో కిల్లర్ చుట్టూ కథ తిరగుతుంది. ఒక అదిరిపోయే క్రైమ్ థ్రిల్లర్ సినిమాను చూడాలనుకుంటే సీమంతం సినిమా చూసేయచ్చు.

ప్రైమ్ వీడియోలో స్ట్రీమింగ్

ఈ తెలుగు క్రైమ్ థ్రిల్లర్ మూవీ పేరు ‘Cమంతం’ (Cmantham). దర్శకుడు సుధాకర్ పాని తెరకెక్కించిన ఈ సినిమాలో వజ్రయోగి, శ్రేయ భారతి ప్రధాన పాత్రల్లో నటించారు. గతేడాది నవంబర్ 14న థియేటర్లలో విడుదలైన ఈ చిత్రం, పెద్ద నటీనటులు లేకపోవడం, సరైన ప్రమోషన్లు లోపించడంతో బాక్సాఫీస్ వద్ద పెద్దగా ప్రభావం చూపలేకపోయింది. రీసెంట్ గా ఈ సినిమా స్ట్రీమింగ్ హక్కులను ప్రముఖ ఓటీటీ సంస్థ అమెజాన్ ప్రైమ్ దక్కించుకుని మే 15 నుంచి రిలీజ్ చేయగా, ఆడియన్స్ కూడా తెగ చూస్తున్నారు. ఇప్పుడు ఇది ట్రెండింగ్ లో కూడా ఉంది. అయితే ప్రస్తుతం ఈ సినిమా రెంటల్ విధానంలో మాత్రమే స్ట్రీమింగ్ అవుతోంది. ఫ్రీగా చూసేందుకు మరికొంత సమయం పట్టవచ్చు.

స్టోరీ ఏమిటంటే

వ్యక్తిగత జీవితంలో జరిగిన కొన్ని సంఘటనల వల్ల బాధలో ఉంటాడు ఒక డిటెక్టివ్. సరిగ్గా అదే సమయంలో నగరంలో వరుసగా గర్భిణులు హత్యకు గురవుతారు. ఈ దారుణమైన హత్యలు జరుగుతూ ప్రజలను వణికిస్తుంటాయి. ఎలాగైనా ఆ సైకో కిల్లర్‌ను పట్టుకోవాలనే పట్టుదలతో ఈ డిటెక్టివ్ రంగంలోకి దిగుతాడు. మొదట్లో ఇది మామూలు మర్డర్ కేస్ ఇన్వెస్టిగేషన్ లాగే స్టార్ట్ అయినా, రోజులు గడిచేకొద్దీ హంతకుడిని పట్టుకోవడం అతనికి ఒక పిచ్చిగా, ఒక అబ్సెషన్‌గా మారిపోతుంది. ఆ కిల్లర్ వదిలిన ఒక్కో ఆధారాన్ని వెతుక్కుంటూ వెళ్లే కొద్దీ, డిటెక్టివ్ ఊహించని ఎన్నో రహస్యాలు తెలుసుకుంటాడు. చివరికి ఆ ప్రమాదకరమైన సైకో కిల్లర్ ను ఎలా కనిపెట్టాడు ? కిల్లర్ గర్భిణీలనే ఎందుకు చంపుతున్నాడు? ఈ వేటలో అతనికి ఎదురైన సవాళ్లు ఏంటి ? అనేదే ఈ సినిమా కథ.

Read Also : ప్రతిరోజూ దెయ్యాల టైమ్‌లో నిద్రలేచే అమ్మాయి… మూడు సీజన్ల పాటు ఫుల్ థ్రిల్ ఇచ్చే హర్రర్ స్టోరీ

Join WhatsApp Channel

Share

• 
• 
• 
• 
• 
•