Emotional Drama OTT :గత ఏడాది ఒక కిరాక్ క్రైమ్ థ్రిల్లర్ మూవీ ఓటీటీలోకి వచ్చింది. ఇది చాలా డిఫరెంట్ మూవీ అని చెప్పుకోవచ్చు. ఈ సినిమాకి ఐయండీబిలో 7.5 రేటింగ్ కూడా ఉంది. ఇద్దరు అన్నదమ్ముల చుట్టూ తిరిగే ఈ కథ ఎమోషనల్ గా కనెక్ట్ అవుతుంది ఆడియన్స్ కి. అంతేకాదు గ్యాంగ్ స్టర్ గొడవలతో ఈ సినిమా పిచ్చెక్కిస్తుంది కూడా. దీని పేరు ? ఏ ఓటీటీలో ఉంది ? అనే వివరాల్లోకి వెళ్తే…
ఈ రష్యన్ క్రైమ్ థ్రిల్లర్ మూవీ పేరు ‘This Summer Will End’. ఇందులో ప్రధాన పాత్రలో ప్రముఖ రష్యన్ నటుడు యురా బోరిసోవ్ నటించారు. ఇది 2025 ఫిబ్రవరి 27న రష్యాలో విడుదలైంది. 2025 ఏప్రిల్ 12 నుండి mubi ఓటీటీలో అందుబాటులోకి వచ్చింది. ఈ సినిమాను వ్లాదిమిర్ మున్కుయేవ్, మాగ్జిమ్ అర్బుగేవ్ కలిసి డైరెక్ట్ చేశారు. వీళ్ళు గతంలో డాక్యుమెంటరీల ద్వారా మంచి పేరు తెచ్చుకున్నారు. అందుకే ఈ సినిమా కూడా చాలా సహజంగా ఉంటుంది.
ఈ కథ అంతా రష్యాలోని ఒక మారుమూల పల్లెటూర్లో జరుగుతుంది. కేశా అనే కుర్రాడు జైలు శిక్ష అనుభవించి, తన ఊరికి తిరిగి వస్తాడు. ఎలాగైనా బుద్ధిగా బతకాలి, తన 17 ఏళ్ల తమ్ముడు టిమాని బాగా చూసుకోవాలని గట్టిగా డిసైడ్ అవుతాడు. కానీ విధి ఆడని వింత నాటకంలో, అతను ఒక గోల్డ్ మైనింగ్ గ్యాంగ్తో చేరాల్సి వస్తుంది. అక్కడ పని చేసే వాళ్లంతా ఆకతాయిలు, ప్రమాదకరమైన మనుషులు. ఇక ఈ గ్యాంగ్తో కలిసి పని చేస్తున్నప్పుడు, వీడు తన తమ్ముడిని కూడా ఆ ముఠాలోకి లాగుతాడు. అయితే అక్కడ పనులు అనుకున్నట్టు జరగవు. ఒక గొడవలో కేశా ఆ ముఠా దగ్గర ఉన్న బంగారాన్ని కొట్టేసి, తన తమ్ముడిని తీసుకుని అక్కడి నుండి పారిపోతాడు. ఇక అక్కడి నుండి మొదలవుతుంది అసలు రచ్చ. ఆ గ్యాంగ్ మొత్తం వీళ్ల వెంట పడుతుంది. అన్నదమ్ములు ఇద్దరూ ఆ అడవుల్లో, మంచులో ప్రాణాలు అరచేతిలో పెట్టుకుని తిరుగుతారు. చివరికి వీళ్ళు ఆ గ్యాంగ్ నుంచి ప్రాణాలతో బయట పడతారా ? వాళ్ళ చేతిలో బలైపోతారా ? అనే విషయాలను, ఈ సినిమాను చూసి తెలుసుకోండి.
Read Also : దెయ్యాలను రప్పించే కొత్త ఆట… సరదాగా మొదలై చావు దాకా… వణికిస్తున్న హారర్ థ్రిల్లర్
Share
Horror movies OTT : చలి జ్వరం తెప్పించే చేతబడి ... వణికించే క్షుద్రపూజలతో ప్యాంట్లు తడిపించే ఈ సినిమాలు ఎక్కడ చూడచ్చో తెలుసా ?
Mystery Thriller Series : కోరిక తీర్చి మాయం చేసే టీచర్... టెన్షన్ పెట్టించే ఒక్కో స్టూడెంట్ మిస్సింగ్ కేసు... అదిరిపోయే కొరియన్ మిస్టరి
