Daredevil Born Again Season 2 OTT : మార్వెల్ ఫ్యాన్స్కి మరో బిగ్ సర్ప్రైజ్ వచ్చేసింది. డేర్డెవిల్: బార్న్ అగైన్ సీజన్ 2 ఇప్పుడు అధికారికంగా అనౌన్స్ అయింది. ఓటీటీలోకి త్వరలో రాబోతోంది. సీజన్ 1 ఇంటెన్స్ హిట్ తో, సీజన్ 2ని చూడటానికి ఆసక్తిని చూపిస్తున్నారు ప్రేక్షకులు. మార్వెల్ స్పాట్లైట్ బ్యానర్ కింద వస్తున్న ఈ సిరీస్ సూపర్హీరో ఫాటీగ్ లేకుండా ఫ్రెష్ ఫీల్ ఇస్తుంది. టీజర్ కి కూడా విశేష స్పందన వస్తోంది. ఆసక్తికరమైన విషయం ఏమిటంటే కొత్త సీజన్ విడుదల తేదీని కూడా ప్రకటించారు. మరి ఇది ఏ ఓటీటీలో, ఎప్పుడు వస్తుందో తెలుసుకుందాం పదండి.
‘డేర్డెవిల్ బోర్న్ ఎగైన్ సీజన్ 2’లో ఈసారి కూడా 8 ఎపిసోడ్లు ఉంటాయి. ఇది 2026 మార్చి 24 నుంచి JioHotstarలో అందుబాటులో ఉటుంది. మేయర్ విల్సన్ ఫిస్క్ ఏర్పాటు చేసిన ‘యాంటీ విజిలెంట్ టాస్క్ ఫోర్స్’కు వ్యతిరేకంగా మాట్ మర్డాక్ చేసే పోరాటమే ఈ సీజన్ ప్రధాన కథాంశం. జెస్సికా జోన్స్, క్రిస్టెన్ రిట్టర్ తిరిగి ఈ పాత్రలో కనిపించబోతున్నారు. విల్సన్ బెథెల్ మరింత పవర్ ఫుల్ విలన్గా రాబోతున్నారు. మాట్ మర్డాక్ ఈసారి నలుపు రంగు సూట్ ధరించనున్నారు. ఈ సిరీస్ షూటింగ్ ఇప్పటికే న్యూయార్క్లో పూర్తయింది. మార్వెల్ దీని తరువాత సీజన్ 3ని కూడా 2027లో తీసుకురావాలని చూస్తోంది.
మొదటి సీజన్ ముగిసిన తర్వాత, న్యూయార్క్ నగరం మేయర్ విల్సన్ ఫిస్క్ నియంతృత్వ పాలనలో చిక్కుకుంటుంది. ఫిస్క్ నగరంలో మార్షల్ లా విధించి, తనను ఎదిరించే విజిలెంట్లను వేటాడేందుకు ‘యాంటీ విజిలెంట్ టాస్క్ ఫోర్స్’ను రంగంలోకి దింపుతాడు మేయర్. తన నగరాన్ని ఫిస్క్ అవినీతి సామ్రాజ్యం నుండి కాపాడుకోవడానికి డేర్డెవిల్ రహస్యంగా ఒక తిరుగుబాటు దళాన్ని ఏర్పాటు చేస్తాడు. ఈ పోరాటంలో మర్డాక్ తన పాత శత్రువులనే కాకుండా, తన గతాన్ని కూడా ఎదుర్కోవాల్సి వస్తుంది.
ఈ సీజన్లో మర్డాక్కు జెస్సికా జోన్స్, పనిషర్ వంటి శక్తివంతమైన మిత్రులు కూడా తోడవుతారు. విల్సన్ వ్యూహాలకు వ్యతిరేకంగా మాట్ మర్డాక్ ఒక టీం సిద్ధం చేసి, నగరాన్ని కాపాడేందుకు ప్రయత్నిస్తాడు. ఇక క్లైమాక్స్ లో డేర్డెవిల్, మేయర్ మధ్య ఒక మహా యుద్ధమే జరుగుతుంది. చివరికి ఈ యుద్దంలో ఎవరిది పై చేయి అవుతుందో తెలుసుకోవాలనుకుంటే, మరి కొద్ది రోజుల్లో రాబోతున్న ఈ సిరీస్ ని చూసి తెలుసుకోండి.
Read Also : : తెలుగు నుంచి మలయాళం వరకు 4 రోజుల్లో 7 మోస్ట్ అవైటింగ్ సినిమాలు, సిరీస్ లు… ఏ ఓటీటీలో ఏ మూవీ ?
Share
Medaram Jatara 2026: మేడారంలో ఆధ్యాత్మిక ఘట్టం.. సమ్మక్క ఆలయానికి చేరుకున్న సారలమ్మ!
Telangana Municipal Elections 2026: ఫిబ్రవరి 3 నుంచి సీఎం రేవంత్ రెడ్డి సుడిగాలి పర్యటన.. మున్సిపల్ కురుక్షేత్రానికి షెడ్యూల్ ఖరారు! 
