Feel Good Movie OTT : డిజిటల్ విప్లవం రాకముందు ఉన్న పాత జ్ఞాపకాలను, వేసవి సెలవుల సరదాలను ఓ సినిమా చాలా చక్కగా చూపిస్తోంది. ఇది 1999 వేసవి కాలంలో మహారాష్ట్రలోని ఒక గ్రామంలో స్నేహం, ప్రేమ చుట్టూ తిరిగే కథ ఇది. చిన్ననాటి జ్ఞాపకాలను గుర్తు చేసే ఒక మంచి ఫీల్ గుడ్ మూవీ కూడా. బాక్సాఫీస్ వద్ద మంచి రెస్పాన్స్ కూడా పొందింది. ఈ సినిమా ఏ ఓటీటీలో ఉంది ? దీని పేరు ఏమిటి ? అనే వివరాల్లోకి వెళ్తే …
‘ఏప్రిల్ మే 99’ (April May 99) 2025లో విడుదలైన మరాఠీ కమింగ్-ఆఫ్-ఏజ్ సినిమా. రోహన్ మపుస్కర్ దర్శకత్వంలో ఇది తెరకెక్కింది. సాజిరి జోషి, ఆర్యన్ మెంఘ్జీ, శ్రేయాస్ థోరట్ మరియు మంథన్ కనేకర్ ప్రధాన పాత్రల్లో నటించారు. ప్రముఖ దర్శకుడు అశుతోష్ గోవారికర్ కూడా ఇందులో ఒక ముఖ్య పాత్ర పోషించారు. ఈ సినిమా 2025 మే 23న థియేటర్లలో రిలీజ్ అవ్వడంతో పాటు, 8.7/10 రేటింగ్ కూడా పొందింది ఈ మూవీ. ప్రస్తుతం ప్రైమ్ వీడియో లో ఈ సినిమా అందుబాటులో ఉంది.
అది 1999 సమ్మర్ టైమ్.. మహారాష్ట్రలోని కొంకణ్ ఏరియాలో ఉన్న ఒక చిన్న పల్లెటూరు. అక్కడ ముగ్గురు ప్రాణ స్నేహితులు ఉంటారు. ఆ వేసవి సెలవుల్లో బాగా ఎంజాయ్ చేయాలని వాళ్లు ప్లాన్ వేసుకుంటారు. కానీ సరిగ్గా అప్పుడే ఒకరి తండ్రి.. తన కొడుకుని ఇంగ్లీష్ నేర్చుకోవడానికి ముంబై పంపాలని డిసైడ్ అవుతాడు. ఆ టైమ్‌లోనే పూణే నుంచి జాయీ అనే ఒక అందమైన అమ్మాయి అదే ఊరికి వస్తుంది. ఆమెకి ఇంగ్లీష్ బాగా వచ్చని తెలిసి, ముంబై వెళ్లకుండా ఉండటం కోసం హీరో ఆమె దగ్గరే ఇంగ్లీష్ నేర్చుకుంటానని వాళ్ల నాన్నని ఒప్పిస్తాడు.
ఆ తర్వాత ఆ ముగ్గురు అబ్బాయిలు, జాయీ కలిసి చేసే అల్లరి, వాళ్ల మధ్య మొదలయ్యే స్నేహం, చిన్నపాటి ప్రేమ చుట్టూ కథ నడుస్తుంది. ఇంటర్నెట్, ఫోన్లు లేని ఆ రోజుల్లో.. సైకిళ్ల మీద తిరుగుతూ, చిన్న చిన్న విషయాలకే సంతోషపడుతూ గడిపిన ఆ రోజులు వాళ్ల జీవితాల్ని ఎలా మార్చాయి అనేది చాలా ఎమోషనల్‌గా ఉంటుంది.
Read Also : ఓటీటీలోకి వచ్చేస్తున్న అపర్ణ బాలమురళి మలయాళం రొమాంటిక్ మూవీ.. థియేటర్లలో విడుదలైన నెలలోపే..
Share
Bhupalpally Collector: మున్సిపల్ ఎన్నికలకు అధికారులు అప్రమత్తంగా ఉండాలి: కలెక్టర్ రాహుల్ శర్మ!
CM Revanth Reddy: మున్సిపల్ ఎన్నికల్లో ఓట్లు చీలకూడదు.. కాంగ్రెస్ నేతలకు సీఎం రేవంత్ రెడ్డి ఆదేశాలు!
