Family Drama OTT : శరీరాలను మార్చే ఆత్మలు… గందరగోళంలో పడే ఫ్యామిలీ… మనసుకు హత్తుకునే క్లైమాక్స్

Family Drama OTT : ఓటీటీలో ఎన్నో సినిమాలు స్ట్రీమింగ్ కి వస్తుంటాయి. అయితే పిల్లలు, ఫ్యామిలీతో కలిసి చూడడానికి పర్ఫెక్ట్ గా కొన్ని సినిమాలు మాత్రమే ఉంటాయి. ఇప్పుడు మనం చెప్పుకోబోయే సినిమా అలాంటిదే. ఇందులో ఒక అరుదైన గ్రహాల కలయిక వల్ల ఒక ఫ్యామిలీలో ఉండే వ్యక్తుల శరీరాల ఆత్మలు మారిపోతాయి. ఆతరువాత అసలు కథ ఉంటుంది. ఇది పిల్లలు, అమ్మానాన్నలు ఒకరి లైఫ్ ఎలా ఉంటుందో అర్థం చేసుకునే స్టోరీ. ఈ సినిమా పేరు ? ఏ ఓటీటీలో ఉంది ? అనే వివరాల్లోకి వెళ్తే …

ఎందులో స్ట్రీమింగ్ అవుతుందంటే

ఈ అమెరికన్ ఫాంటసీ ఫ్యామిలీ కామెడీ మూవీ పేరు ‘ఫ్యామిలీ స్విచ్’ (Family Switch). ఇది McG దర్శకత్వంలో రూపొందింది. హీరోయిన్ జెన్నిఫర్ గార్నర్ ఈ సినిమాను నిర్మించింది. ఈ సినిమా 2023 నవంబర్ 30న Netflixలో రిలీజ్ అయింది. జెన్నిఫర్ గార్నర్, ఎడ్ హెల్మ్స్ ఇందులో నటించారు. ఈ చిత్రం 2010లో అమీ క్రౌస్ రోసెంతల్ రచించిన ‘బెడ్ టైమ్ ఫర్ మమ్మీ’ అనే పిల్లల పుస్తకం ఆధారంగా రూపొందింది. 1 గంట 45 నిమిషాల స్టోరీ భలే సరదాగా, ఆసక్తికరంగా సాగిపోతుంటుంది.

స్టోరీ ఏమిటంటే

ఈ నిమా స్టోరీ చాలా సరదాగా ఉంటుంది. వాకర్ ఫ్యామిలీలో తల్లిదండ్రులు అయిన జెస్, బిల్, వాళ్ళ పిల్లలు ఒకరినొకరు అర్థం చేసుకోకుండా ఎప్పుడూ గొడవపడుతుంటారు. ఒకరోజు రాత్రి వీరంతా కలిసి ఒక ప్లానిటోరియంకి వెళ్ళినప్పుడు, అక్కడ ఒక వింత గ్రహాల వల్ల అనూహ్యంగా వాళ్ళ శరీరాలు మారిపోతాయి. అంటే తల్లి బాడీలోకి కూతురి, తండ్రి బాడీలోకి కొడుకు మారిపోతారు. ఆఖరికి పెంపుడు కుక్క కూడా చిన్న బాబు బాడీలోకి మారిపోతుంది. పొద్దున్నే లేచి చూసుకునేసరికి ఈ వింత చూసి అందరూ షాక్ అవుతారు.

అయితే సరిగ్గా అదే రోజు ఆ కుటుంబంలో ప్రతి ఒక్కరికీ చాలా ముఖ్యమైన పనులు ఉంటాయి. జెస్‌కు ఆఫీసులో ప్రమోషన్ ఇంటర్వ్యూ, బిల్ కు తన బ్యాండ్ మ్యూజిక్ షో, కూతురు సీసీకి సాకర్ ట్రయల్స్, కొడుకు వ్యాట్‌కు యూనివర్సిటీ ఇంటర్వ్యూ ఉంటాయి. ఒకరి బాడీలో ఉన్న మరొకరు ఈ పరిస్థితిని ఎలా ఎదుర్కొన్నారు ? ఒకరి కష్టాలు ఒకరు తెలుసుకుని ఎలా మళ్ళీ దగ్గరయ్యారు ? చివరకు అసలు రూపంలోకి ఎలా వస్తారు ? అనేదే మిగిలిన కథ.

Read Also : ఫ్యూచర్ నుంచి వచ్చే పెళ్ళాం… భర్తకి షాకింగ్ ట్విస్టులు… ఇన్స్టా లో ట్రెండ్ అవుతున్న మాస్టర్ పీస్

Share

• 
• 
• 
• 
• 
•