Family drama OTT : ఓటీటీలోకి ఎన్ని సినిమాలు వచ్చినా, ఫ్యామిలీ ఆడియన్స్ ని మెప్పించే సినిమాలతోనే ఇల్లంతా సందడిగా ఉంటుంది. ఇక ఈ సినిమాలకి కామెడీ జోడిస్తే ఆడియన్స్ లో మరింత జోష్ ను నింపుతుంది. ఈ నేపథ్యంలో ఒక గుజరాతి మూవీ ఆడియన్స్ ను బాగా మెప్పించింది. బాలీవుడ్ నటుడు జాకీ ష్రాఫ్ ఈ సినిమాతో గుజరాతీ చిత్రసీమలోకి అడుగుపెట్టారు. నవరాత్రి పండుగ సమయంలో కుటుంబ పెద్ద అనారోగ్యంతో ఆసుపత్రిలో చేరి, వెంటిలేటర్‌పైకి వెళ్ళాక ఈ కథ నడుస్తుంది.
ఈ గుజరాతీ కామెడీ డ్రామా మూవీ పేరు ‘వెంటిలేటర్’ (Ventilator). ఉమంగ్ వ్యాస్ దర్శకత్వం వహించిన ఈ సినిమాను ఫల్గుణి పటేల్, లారెన్స్ డిసౌజా నిర్మించారు. ఇందులో జాకీ ష్రాఫ్, ప్రతీక్ గాంధీ, ప్రవీణ్‌చంద్ర శుక్లా, మిత్ర గాధవి, సంజయ్ గోరాడియా, ఉత్కర్ష్ మజ్ముదార్, మెహుల్ బుచ్, సుచితా త్రివేది, తేజల్ వ్యాస్, మనన్ దేశాయ్, కృనాల్ పండిత్ వంటి నటులు నటించారు. ఇది 2018 సెప్టెంబర్ 14న విడుదలైంది. 2016లో వచ్చిన జాతీయ అవార్డు పొందిన మరాఠీ సినిమా ‘వెంటిలేటర్’కు ఈ సినిమా అధికారిక రీమేక్. ప్రస్తుతం ఈ సినిమా జియో హాట్ స్టార్ లో అందుబాటులో ఉంది.
నవరాత్రి పండగ హడావుడి మొదలయ్యే టైంలో, ఇంటి పెద్దాయన గిరిరాజ్ ప్రసాద్‌కు అకస్మాత్తుగా జబ్బు చేస్తే హాస్పిటల్‌లో చేరుస్తారు. ఆయన పరిస్థితి విషమించి వెంటిలేటర్ మీద పెట్టేసరికి, ఊళ్ళో ఉన్న చుట్టాలందరూ సిటీకి క్యూ కడతారు. పలకరించడానికి వచ్చిన ఆ బ్యాచ్ అంతా పెద్దాయన ఆరోగ్యం కంటే, ఆయన చనిపోతే పండగ జరుపుకోవాలా వద్దా? ఒకవేళ చనిపోతే ఎలా ? అని ఎవరికి వారే లెక్కలు వేసుకుంటూ ఉంటారు. హాస్పిటల్ వరండాలో కూర్చున్న ఈ గ్యాంగ్ మధ్యలో పాత గొడవలు, ఆస్తి తగాదాలు బయటపడతాయి.
ముఖ్యంగా పెద్దాయన కొడుకు ప్రశాంత్ (ప్రతీక్ గాంధీ), ఈ పరిస్థితిని బ్యాలెన్స్ చేయలేక సతమతమవుతుంటాడు. అక్కడికి వచ్చిన మిగతా చుట్టాలు కూడా సానుభూతి చూపడం మానేసి, ఒకరిపై ఒకరు సెటైర్లు వేసుకుంటూ, తిట్టుకుంటూ ఉంటారు. చివరగా గిరిరాజ్ ప్రసాద్ మేనల్లుడు జగ్గు (జాకీ ష్రాఫ్) అందరినీ ఒక్కటి చేసే ప్రయత్నం చేస్తాడు. చివరికి ఈ ఫ్యామిలీ గొడవలు సర్దుకుంటాయా ? పెద్దాయన కొలుకుంటాడా ? ఆ నవరాత్రి పండగను జరుపుకుంటారా ? అనే ప్రశ్నలకు సమాధానాలను తెలుసుకొనాలంటే, ఈ ఫ్యామిలీ డ్రామాను మిస్ కాకుండా చూడండి.
Read Also : అడివిలో అంతుచిక్కని చావులు… వింత ఆచారాలతో ఉత్కంఠ… చూస్తే అస్సలు వదలరు
Share
Vande Bharat Trains: ప్రయాణీకులకు అలర్ట్.. ఆ వందేభారత్ రైళ్ల టైమింగ్స్ మార్చిన అధికారులు!
Indiramma Houses: రాష్ట్రంలో లక్ష ఇందిర‌మ్మ ఇండ్ల గృహ ప్రవేశాలు.. డేట్ ఫిక్స్..!
