Fantasy movie OTT: మ్యాజిక్ బుక్ మాయాజాలం… రియల్ లైఫ్ లో స్టోరీ… కేక పెట్టించే కొరియన్ మూవీ

Fantasy movie OTT : ఓటీటీలలో ఇప్పుడు కొరియన్, మలయాళం సినిమాలదే ఎక్కువ హవా ఉంది. అందులో థ్రిల్లర్ సినిమాలను అస్సలు మిస్ కావడంలేదు ప్రేక్షకులు. ఇక గత ఏడాది ఒక కొరియన్ యాక్షన్ ఫాంటసీ సినిమా ఆడియన్స్ ను బాగా ఆకట్టుకుంది. ఈ స్టోరీ ఒక నవల చుట్టూ తిరుగుతుంది. అందులో ఉన్నట్టు బయట ప్రపంచంలో కూడా జరుగుతుంటుంది. ఈ సినిమా చూపు తిప్పుకోకుండా చేస్తుంది. ఇది ఏ ఓటీటీలో ఉంది ? దీని కథ ఏమిటి ? అనే వివరాల్లోకి వెళ్తే…

ఎక్కడ చూడవచ్చు?

‘ఓమ్నిసెంట్ రీడర్: ద ప్రొఫెసీ’ (Omniscient Reader: The Prophecy) ప్రముఖ కొరియన్ వెబ్ నవల ‘ఓమ్నిసెంట్ రీడర్స్ వ్యూపాయింట్’ ఆధారంగా తెరకెక్కిన యాక్షన్-ఫాంటసీ సినిమా. దీనికి కిమ్ బైయుంగ్-వూ దర్శకత్వం వహించారు. ఇందులో అహ్న్ హ్యో-సియోప్, లీ మిన్-హో, ఛే సూ-బిన్, షిన్ సెయుంగ్-హో, నానా, క్వాన్ యున్-సియోంగ్, జిసూ నటించారు. ఈ చిత్రం దక్షిణ కొరియాలో 2025 జూలై 23న విడుదలైంది. ప్రస్తుతం ప్రైమ్ వీడియో, నెట్ ఫ్లిక్స్ ఓటీటీ ప్లాట్‌ ఫామ్‌లలో అందుబాటులో ఉంది.

స్టోరీ ఏమిటంటే

కిమ్ డోక్-జా అనే ఒక మామూలు ఉద్యోగం చేసుకుంటూ జీవిస్తుంటాడు. అతనికి ‘త్రీ వేస్ టు సర్వైవ్ ద అపోకలిప్స్’ అనే వెబ్ నవల చదవడం అంటే చాలా ఇష్టం. పదేళ్ల పాటు సాగిన ఆ నవలను చివరి వరకు చదివిన ఏకైక రీడర్ కూడా అతనే. అయితే ఆ నవల చివరి చాప్టర్ అప్‌లోడ్ అయిన వెంటనే, అందులో జరిగిన వింతలు, దాడులు నిజ జీవితంలో కూడా మొదలవుతాయి. ప్రపంచం మొత్తం ఒక భయంకరమైన గేమ్‌లా మారిపోతుంది. అసలు ఏం జరుగుతుందో ఎవరికీ అర్థం కాని సమయంలో, ఆ నవల మొత్తం చదివిన డోక్-జాకు మాత్రం ఏం జరగబోతుందో ముందే తెలిసిపోతుంది. దీంతో అతను తన స్నేహితులను కాపాడుకుంటూ ప్రాణాలతో బయటపడటానికి ప్రయత్నిస్తాడు.

మరోవైపు, ఆ నవలలో అసలు హీరో అయిన యూ జూంగ్-హ్యూక్ కూడా రంగంలోకి దిగుతాడు. అతను చనిపోయినా మళ్లీ మళ్లీ పుట్టే శక్తి ఉన్న ఒక బలమైన యోధుడు. వీళ్ళు లోకాన్ని నాశనం చేయాలనుకునే శక్తులపై పోరాటం చేస్తారు. చివరికి ఈ వింత ప్రపంచంలో వీళ్ళు ఆ దుష్ట శక్తులను అంతం చేస్తారా ? ఈ క్లైమాక్స్ ఏమిటి ? అసలు ఆ నవల స్టోరీ ఏమిటి ? అనే విషయాలను ఈ సినిమాను చూసి తెలుసుకోవాల్సిందే.

Read Also : తండ్రీకొడుకుల ఎడబాటు… విధి ఆడే వింత నాటకం… మనసును హత్తుకునే ఫ్యామిలీ డ్రామా

Share

• 
• 
• 
• 
• 
•